English | عربی | Kurdî دواهەواڵ
ڕاستەوخۆ  
 
مەحموود محەمەد : دەمانه‌وێت بە شێوازێكی سەردەمیانە كۆنگرەی چواردەی پارتیمان ببەستین
2020-01-29 [02:40 AM]

ZNA- هەولێر


 مەحموود محەمەد، ئەندامێكی مەكتەبی سیاسی و بەرپرسی دەزگای رۆشنبیری و راگەیاندنی پارتی دیموكراتی كوردستان، په‌یوه‌ست به‌و لیژنه‌یه‌ی كه‌ هه‌ڵده‌ستێت به‌ كاره‌كانی كۆنگره‌ی چوارده‌مینی پارتی دیموكراتی كوردستان گوتی، لیژنەی ئاماده‌كاری كۆنگره‌ی چوارده‌ لە ئێستادا دەستی بە كارەكانی كردووە و سەرقاڵی ئامادەكارین ده‌شڵێ، دەمانەوێت بە شێوازێكی سەردەمیانە حزبایەتی بكەین و ئەو ئاوات و ئامانجانەی خەڵكی كوردستانیش لەناو بەرنامەكاندا ڕەنگ بداتەوه‌.
مەحموود محەمەد، ئەندامی مەكتەبی سیاسی و بەرپرسی دەزگای رۆشنبیری و راگەیاندنی پارتی دیموكراتی كوردستان، لە لێدوانێكی تایبەتدا بە ماڵپەڕی فەرمیی پارتی دیموكراتی كوردستانی ڕاگەیاند: "لە دوای كۆبوونەوەی ئەنجوومەنی سەركردایەتیی پارتی دیموكراتی كوردستان كه‌ بڕیار درا ئەمساڵ پارتی كۆنگرەی چواردەیەمی خۆی ببەستێت، بۆئەوەی ئەم كۆنگرەیەش‌، كۆنگرەیەكی سەركەوتوو و نەوعی بێت و كۆمەڵێك نوێگەریی پێوە دیار بێت هاوكات له‌گه‌ڵ سەردەم و قۆناغه‌كه‌دا خۆمان بگونجێنین كه‌ چەندین ساڵە پارتی دیموكراتی كوردستان لەسەر ڕێبازی بارزانی لە خزمەتی خەڵكی كوردستان و گەل و نیشتمانەكەیدا بووە، هەروەها چۆن بەم شێوازە پەرەی پێبدەین كە بتوانێت لەگەڵ هەموو گۆڕانكارییەكاندا بگونجێت و بەردەوام بێت لەو خزمەتكردنەی بە هۆی ئەم ڕێبازەوە بە خەڵكی كوردستانی كردووە."
مەحمود محەمەد گوتیشی، "ئێمە كۆمەڵێك خوشك و براین، هەم لە مەكتە‌بی سیاسی و هەم ‌لە ئەنجوومەنی سەركردایەتی و له‌گه‌ڵ ئه‌وه‌شدا كۆمەڵێك شارەزا و پسپۆڕی بواری سیاسی و كۆمەڵایەتی و ئابووری و فەلسەفی و بواری خوێندنی باڵا راوێژیان پێ كراوە،‌ چونكە ئێمە دەمانەوێت بە شێوازێكی سەردەمیانە حزبایەتی بكەین و ئەو ئاوات و ئامانجانەی خەڵكی كوردستانیش هەیانە لە چۆنیەتیی پێشكەشكردنی خزمەتگوزاری، لەناو بەرنامەكاندا ڕەنگ بداتەوە، هەر بۆیە لیژنەكە لە ئێستادا دەستی بە كارەكانی كردووە و سەرقاڵی ئامادەكارین."

 





ئەم هەواڵە 2707جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad