English | عربی | Kurdî دواهەواڵ
ڕاستەوخۆ  
 
ژیگەهــ پارێزێن ، ژینگەهــ کوژ ..!
2020-02-06 [09:59 AM]

نڤیسینا : غیاس خالد زێباری


ڕەنگێ کەسک هێمایێ ژیانەکا پاڤژ و بوونە ، ژیانەکا پاقژ بۆ مرۆڤ و گیا و گیانداران . 
لەوما ژبووی پاراستنا ژینگەهێ ل زۆر وەڵاتێن جیهانێ پارت و رێکخراوێن تایبەت یێن پاراستنا ژینگەهێ هاتینە دامەزراندن و لسەر ئاستێ نیڤ دەولەتی ژی پشتەڤانیا ژینگەهـ پارێزا دهێتە کرن و بەردەوام کونفرانس ژبوی پاراستنا ژینگەهێ دهێنە بەستن . 
چونکی پیسبوونا ژینگەهێ بوویە مەترسی لسەر گەردوونی ب گشتی . 
ل هەرێما کوردستانێ ژی پارت و رێکخراوێن تایبەت یێن پاراستنا ژینگەهێ هەنە  .
ل وێ دەڤەرا لدەمێ دوو ئیدارەیا هەرێما کوردستانێ ژێر دسەڵاتا ئێکەتیا نشتیمانی ب دەڤەرا کەسک دهێتە نیاسین و هەتا نهۆ ژی ئەو پارت دەسهەڵاتا ئێکێ یا وێ دەڤەرێ یە ، ئەو پارتیا هێمایا کەسک هەلگرتی . 
ئانکۆ خەباتێ دکەت و قوربانیا ددەت ژپێخەمەت ژیانەکا خۆش و بەختەوەر بۆ کورد و کوردستانیا ، لێ د ڕەفتار دا پشکەکا کاریگەرا دسهەڵاتا وێ پارتێ دژی ژینگەها کوردستانێ نە ، مەبەستا من ژینگەها جڤاکێ و ئێمناهیێ یە ، چونکی ئەگەر ئەڤ ژینگەهە ل هەر وڵاتەکێ بهێنە بەرجەستەکرن ژینگەها دیتر ژی دێ هێتە پاراستن . بتایبەت پشتی وەغەرا داویێ یاسکرتێرێ گشتی یێ وێ حزبی ( مام جەلال تالەبانی ) ،  ئەو دەڤەرا ژبن دەسهەڵاتا حزبا هەلگرا ئارمێ کەسک و ب دەڤەرا کەسک دهێتە نیاسین پێتڤی یە نمۆنێن پاراستنا ژینگەهێ بن . ژینگەها سیاسی ، ئێمناهی و ژینگەها گشتی ، نەخاسمە کۆ سەنتەرێ وێ پایتەختێ ڕەوشەنبیری یە . 
لێ مخابن لجهێ ئەو دەسهەڵاتێن وێ حزبێ درۆشم و بنەمایێن حزبا خۆ پراکتیک بکەت ، بووینە چەتە و رێگر و تێکدەرێن ژینگەها خەلکی ، لەشکرێن راگەهاندنێ و سوشیال میدیایێ و چەکداری و ئێمناهیێ پێک ئینانە ، نە ژبووی پارستنا بەرژەۆەدیێن گشتی یێن خەلکێ کوردستانێ و ژینگەها وان ، بەلکی ژبووی سەپاندنا هێزا خۆ لسەر یاسا و دەسهەڵاتێ و پارستنا بەرژەوەندێن خۆ و کۆمپانیێن ژێر دەسهەڵاتا وی . 
ڕێگریکرن ل گەهاندنا گازا شل بۆ پارێزگەهێن هەرێما کوردستانێ نەخاسمە هەولێر و دهوک ژلایێ ، تنێ ژبووی مەرەما تێکدانا ژینگەها جڤاکی و ساسی یا کوردستانێ و قورخکرنا کۆمپانیێن کوردستانێ و دابینکرنا بەرژەوەندێن خۆ یێن ئابووری و دارایی گرۆپێ میلیشیایێن سەر ب وان چەتان بڤێ ڕەفتارێ رابوون . 
بێ گوهدان ل یاسا و ڕێنمایی یێن وێ دەسهەڵاتا حزبا وان پشکەکا کاریگەر ل دەسهەڵاتا هەرێمێ ب حکومەتێ و سەرۆکایەتیڤە ...! 
ئەڤەژی هەولێن زڤراندنێ نە بۆ سەردەمەکێ پاشکەفتی یێ دوو ئیدارەیی یێ و عەسکەرتاریەتێ ، لدەمەکی کۆ سەرکردێن حزبا وە و خەلکێ پایتەختێ رەوشەنبیری و تەڤایا کوردستانێ داخازا سەروەریا یاسایێ و سازیکرنا حکومەتێ و نەهێلانا قورخکرنێ دکەن . 
دیارە ڤان چەتە و ڕێگرا دڤێت راستیا لپێش چاڤێن خەلکی ڤەشێرن و نەزانن ئەڤ کابینا حکومەتا هەرێمێ کابینا سەروەریا یاسایێ و دادوەریێ و وەکهەڤیێ و پاراستنا ئێمناهیێ یە ل کوردستانێ ، ئەو سەردەم بسەر چوویە ئەڤ گرۆپە و یێن لوان مەزنتر بشێن دژبەریا حکومەتێ بکەت و خۆ ل یاسا و ڕێنمایی یا مەزنتر ببینن ، کۆ ئەڤە هیڤیا خەلکێ کوردستانێ یە ، لەوما پشتەڤانیێ لێ دکەت . 
پشتەڤانیا خەلکێ کوردستانێ بۆ گاڤ و پرۆژێن چاکسازی و خزمەتگۆزاری و دادوەریێ ین ڤێ کابینا حکومەتا هەرێما کوردستانێ ب سەرۆکاتیا مەسروور بارزانی ، دز و چەتە و ڕێگر و گەندەڵکار دل تەنگ و نەرحەت کرنە ، لەوما هەمی شیانێن خۆ د مەزێخن بۆ درۆستکرا ئاستەنگا لهەمبه‌ر حکومەتێ ، دوونێ حکومەت گونەهبار دکر ب پاش گوهـ هاڤێتنا دەڤەرا بن دەسهەڵاتا وان ژلایێ ئەنجامدانا پرۆژێن خزمتگۆزاری ، لدەمکی کۆ دەسهەڵاتدارێن وێ دەڤەرێ کۆ سەر حزبا ڤان رێگر و جەردەچیانە پارێ پرۆژان بێ سەرۆ و شوین کریە ..! 
ژلایەکێ دیتر ئەوپرۆژێن مەزنێن لسنوورێ هەولێرا پایتەت هاتینە ئەنجامدان چاڤێن خەلکی ڤەکرتر کرینە لسەرانسەرێ کوردستانێ ب سلێمانی ڤە کۆ ئەو دەڤەرێن پارتی دەسهەڵاتا ئێکێ ئێمناهیترن و بەردەوام د پێشکەفتنێ دانە ، ئانکۆ ئیدارا خزمەتکرنا خەلکی یە ، بەرۆڤاژی وان دەڤەرێن چەند کەسەکێن پارێزەرێن بەرژەوەندین خۆ فەرمانێن خۆ لسەر دسەپینن ..! 
پێتڤی یە سەرکردایەتیا ئێکەتیا نشتیمانی بەرێ خەلکێ کوردستانێ و حکومەتا هەرێمێ لسەر ڤان رەفتاران بێتە دەنگ و رێگریێ لسەرپێچیکارێن یاسایێ ئەوێن سەر ب حزبا وان بگریت و کونترۆلێ لسەر کادر و لایەنگرێن خۆ بکەت و بریار ددەستێ کەسێن وەڵات پارێز دا بیت ل چارچۆڤێ پاراستنا بەرژەوەندێن گشتی یێن کوردستانێ و رێزگرتن ل یاسا و رێنمایی یێن حکومەتێ ، ئەگەر نە مەزنترین زیان دێ ب حزبا وان کەڤیت و خەلک دێ باجەکا گڕان لێ ستینیت . 
بلا سیاسەت و رەفتارێن حزبا هەلگرا ئارمێ کەسک و دەسهەڵاتا ئێکێ یا دەڤەرا کەسکین ، ب ڕامان و پراکتیک بۆ پاراستنا کەسکاتیێ و ژینگەهێ بن . 
داکۆ ژینگەها هەرێما کوردسانێ ب گشتی ژینگەهەکا پاڤژ و بژوین بیت ، ژلایێ سیاسی و کارگێری و جڤاکێ و ئێماناهی و رووەکی و گیانداری ، نەک ببنە پیسترین ڤایرۆس بۆ کوشتنا ژینگەها کوردستانێ بۆ پاراستنا بەرژەوەندێن سیاسی و ئابووری یێن چەند کەسەکا ..!





ئەم هەواڵە 3715جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad