English | عربی | Kurdî دواهەواڵ
ڕاستەوخۆ  
 
جێگەی سەربەرزییە بۆ گەلی كوردستان ئەمساڵ مەسرور بارزانی بە بانگهێشتێكی فەرمی لە كونفرانسەكە بەشدارە
2020-02-13 [04:21 AM]

ZNA - هەولێر


ئه‌ندامێكی په‌رله‌مانی عێراق رایگه‌یاند: كونفرانسی ئاسایش كەلەشاری میونشنی ئەلمانی ئەنجام دەدرێت، باڵاترین و تایبەتمەندترین گۆنگرەیە كەتایبەت بێت بە پرسی ئاسایش لەسەرانسەری جیهاندا .

مه‌یاده‌ ئه‌لنه‌جار ئه‌ندامی په‌رله‌مانی عێراق له‌ فراكسیونی پارتی دیموكراتی كوردستان به‌ ئاژانسی هه‌واڵی زاگرۆسی راگه‌یاند: بێگومان ئەم كۆنفرانسە لەكاتێكدا بەریوەدەچێت كەجیهان تووشی ناسەقامگیریەكی بێهاوتا بووە، لەلایەكی ناكۆكیەكانی نیوان رووسیا و ئەمریكا لەناوچە جیاجیاكانی رۆژهەلاتی ناوەراست لەپەرەسەندندایەو هەریەك لەولاتانی وەك لیبیا و سووریا وصومال و یەمەن تووشی جەنگی ناوخۆیی بوون، ئەمە بیجگەلەوەی ناكۆكیەكانی نیوان ئەمریكا و ئیرانیش دڵەراوكێیەكی مەترسیداری لەسەر ئاستی رۆژهەڵاتی ناوەراست و جیهان دروستكردووە، هەریەك لەحكومەتەكانی لوبنان و عێراقیش لەژیر گوشاری خۆپیشاندەراندا دەستیان لەكاركێشایەوە.

مه‌یاده‌ دیاریكرد: كۆنگرەی میونشن گرنگیەكەی زۆری لەسەر ئاستی چەسپاندنی ئاشتی لەجیهاندا هەیە، چونكە ڕێژەیەكی زۆر لە سەركردە سیاسیەكانی وولاتە زلهیزەكانی جیهان بەشداری تێدا دەكەن و ئەوەی جێگەی سەربەرزییە بۆ ئێمەی گەلی كوردستان ئەمساڵ ئەندازیاری ئاشتی وئارامی سەرۆكی حكومەتی هەرێمی كوردستان مەسرور بارزانی بە بانگهێشتێكی فەرمی لە كونفرانسەكە بەشدارە .

هەروەها ئاشكراشیكرد: بەشداری سەرۆكی حكومەتی هەرێم لەم كات و ساتەدا تایبەمەندی خۆی هەیە چونكە هەرێمی كوردستان بەهۆی بوونی لەناوچەیەكی پر لەقەیران و رۆژهەلاتی ناوەراستی پر لەكێشەدا ئەوەندەی تر گرنگی بەبەشداری هەرێم لەكۆربەندە جیهانیەكه‌دا دەدات،.

له‌ كوتاییدا ئه‌وه‌شی خسته‌روو: لەلایەكی ترەوە سەرۆكی حكومەتی هەرێمی كوردستان ڕیزدار مەسرور بارزانی زنجیرەیەك دیداری لوتكەی دیپلۆماسی لەسەر ئاستی سەرۆكانی جیهان ئاستی باڵا ئەنجام دەدات، ئەمەش خۆی لەخۆیدا هەنگاوێكی كاریگەر و تایبەتمەندە بۆ هەرێمی كوردستان.





ئەم هەواڵە 3799جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad