English | عربی | Kurdî دواهەواڵ
ڕاستەوخۆ  
 
مەسروور بارزانی و مەهاتیر محمد ، چاکسازی و پێشڤەچوون ...!
2020-02-15 [10:21 AM]

نڤیسینا : غیاس خالد زێباری


مهاتیر محمد و ناما داویێ :
مهاتیر محمد دبێژیت : پێتڤی و فەرە هەوڵ و شیانا ئاراستەی دووسیێن ڕاستیێ بکەین ئەو ژی ئەڤە نە : هەژاری و بێکاری و برسیوون و نەزانین .... چونکی مژوولبوون ب ئایدیولۆژیا و هەولێن زاڵبوونێ لسەر جڤاکی و سەپاندنا  ئەجندا و وەسیەتێن ڕەوشەنبیری و هزری ،  بەرەڤ چ ئاراستەیا ناچن ژبلی کەزەب و هەڤڕکیان ...!!!  
ئەگەر مرۆڤ برسی و هەژار بوون تۆ نەشێی داخازا ئاڤاکرنا هشیاریا هزری و بەڵاڤکرنا ڕەوشەنبیریێ لێ بکەی ..!!!
و گۆتیە : مە موسلمانا دەم و شیانێن خۆ یێن مەزن مەزاختینە بۆ رکەبەریا ئاشێن بای د رێکا چونە ناڤ جەنگەکێ دیرۆکی ، وەک هەڤرکیا ( سنە و شیعا ) ژبلی وان شەرێت کەڤن ...!!! 
ئەم ، ل مالیزیا ، وەڵاتێ نەتەوە و ئایین و کلتۆرێن جودا ، کەفتینە د جەنگەکێ نافخۆیی دا ، ب کووری درب ل ئاسایش و سەقامگیریا جڤاکی دان ...!!! 
د چارچۆڤێ ڤان بەرێککەفتن و دوودلیا ئەم نەشێن لبنەکێ لسەر خۆشکا وێ دابنێین ..!! 
پشڤەچوون دناڤ چڤاکان دا دابین نابیت ، ئەگەر ئاشتی و ئاسایش بەرپا نەبن .
ئەم د نەچار بووین بچینە دناڤ دیالۆگەکا ڤەکری دگەل هەمی پێکهاتێن نشتیمانی ، بێ جوداهیا چ ژ وان ، و رێکەفتن لسەر لدیف ئێکچوونێن دوو لایەنی ژلایێ هەمی یان ، داکۆ بشێین سەقامگیریێ و ڤەژاندنێ لڤی وەڵاتی بەرجەستە بکەین .
، د چارچۆڤێ ئەرێکرنا پلانا (۲۰۲۰ ) ێ یا ئاڤاکرنا مالیزیا یا نوی ، ئەم د وێ چەندێ دا بسەرکەفتین . 
و مە زوو بزاڤ کرن بۆ ڤەگۆهاستنا مالیزیا بۆ وەڵاتەکێ پیشەسازیێ مەزن ، کۆ بشێت هەڤڕکیا بازارێن جیهانی بکەت ، ئەڤەژی ژ ئەنجامێ پێکڤە ژیانێ و لێبۆرینێ بوو ...
و زێدەتر گۆت : هندی سەرکردێن جڤاکێن مۆسلمان ، و بزاڤێن پێشڤەبرنا وان . نابیت بکەڤنە بن فەرمان و ئەجندایێن فەتوایێن ئۆل زانا و بانگبێژا ..!!! 
دەما جڤاکێن موسلمانا . کەفتنە بن فەرمانێن هندەک فەتوا و دیتنێن ئۆل زانا ، ئەوێن دگەل بزاڤا پێشڤەچوونا دیرۆکێ ناگۆنجن ، تووشی  پاشکەفتن و نەزانینێ بۆنە ..!! 
زۆر ژ وان ئۆل زانا بکارئینانا تەلەفزیون و رادیو لسەر خەلکی حەرام کریە ، یان سواربوون ل پایسکلێ و ڤەخوارنا قەهوێ ، هەر وەسا هەوڵا عەباسێ کورێ فرناسی یا فڕینێ ..!!!
-  مەهاتیر دبێژیت :ب گۆتنێن زۆر ئۆل زانا  ؛ خاندنا قورئانێ بەسە بۆ ب ئەنجام گەهاندنا پێشڤەبرن و پێشکەفتنێ ، کاریگەریەکا نەرێنی لسەر جڤاکی کریە .
ڕێژەیا زانایێن فیزیا ، کیمیا ، ئەندازیاری و نۆژداریێ کێم بوویە ، هەتا کۆ مەسەلە گەهشتیە دناڤ هندەک پەرتۆکێن ئایینی بۆ حەرامکرنا مژوولبوون ب ڤان زانستا ..! 
- پاشان ، مەهاتیری تەکەز کریە ، کۆ پێتڤی یە بزاڤا جڤاکی یا وێرەک و بهێز بیت ، لسەر جڤاکی یە بزانیت کۆ فەتوا و بۆچوونێن كەسێن بژارە یێن ئۆلی ، ئایین نی یە . 
ئەم دەقێن قورئانێ پیرۆز دبینین ، لێ نەیا درستە گۆتنێن گەندەلکارا پیرۆز بکەین ، و ئەوێ ژی ب ئایین ببینین و لدیفچوونێ بکەینە ئەرک ...!!
-  مەهاتیر زێدەتر گۆت : ؛ خودێ هاریکاریا وان ناکەت ، ئەوێن هاریکاریا خۆ نەکەن ؛ ڤێجا مە موسلمانا ، خۆ لسەر گرۆپ و کۆمەل و پێکهاتا دابەش کریە  ، بێ ئەگەر ئێکو دوو دکۆژین . 
ژبەر رەوشەنبیریا توڵڤەکرنێ شیانێن مە ب هەدەر چۆن و تۆندڕەو لسەر بەڵاڤکرنا وێ د رژدن ، ب گەرم و گۆڕیەکا زێدە درێکا هەمی ئامڕازان ، پاشان پشتی ڤێ هەمیێ ، ل خودێ دخازین دلۆڤانیێ ب مەدا ببەت ، و ئاشتیێ و تەناهیێ دناڤ وەڵاتێ مەدا ب چەسپینیت ...! 
ئەڤە سەرهاتیێن خەیالینە ، لژێر سێبەرا فەرمانێن خودێ کۆ مرۆڤ پێ نەچار کریە ..!!
- پێتڤی یە ئەم بەراهیێ هاریکاریا خۆ بکەین ، و ئێشێن بەرێ دەرباز بکەین و حەز بۆ ئاییندەی هەبیت .. 
مەل ڤێرە ،  ل مالیزیا ،   ب پشکداریا هەمی پکهاتێن نەتەوی و ئایینی و ڕەوشەنیری ، بریار دایە دەربازی ئاییندەی ببین ، بێ زڤراندن بۆ ئێشان و شەرێن بەرێ .  
ئەم نفشێ ئەڤرۆینە ، و کۆرێن مالیزیا یا ئێکگرتی نە ، لبن ئێک سەیوان دژین ، و مافێ مە هەمیا یە خۆشیا ب سەروەتێ ڤی وەڵاتی ببینین ..
( وانێن مفادار یێن پێشەوایێن سیاسی )
٭ جەنگێ من یێ داویێ ٭
نامەیەکا کاریگەر یا سەرۆکێ مالیزا (  مهاتیر محمد ) ب ناڤ و نیشانێ ؛  جەنگێ من یێ داویێ ؛ : من دیت مافێن ڤی نفشی یێن دهێنە دزین ژلایێ کۆمەکا زێدە تەماع  کۆ شەیتان رێڤەدبەن ... 
و ناما من بۆ خەلکێ مالیزیا : پشتی مرنا من ناڤێ من نەئینن ... تنێ بخازن قۆناغا من بەرەڤ دانەرێ من ( خودێ ) یا ئێمن بیت .
سیاسەتمەدار و چالاکڤانان ب ڕەنگەکێ بەرفرەهــ دەقا ناما سەرۆک وەزیرێ مالیزیا (  مهاتری محمد ) ژێر ناڤێ (  جەنگێ دووماهیێ ) گەنگەشە کریە کۆ بۆ لایەنگرێن خۆ ئاراستە کری و کۆ نیشانێن خاندنا وی بۆ مرۆڤان لخۆ دگریت . 
مەهاتری دبێژیت :  ئەزێ گەهشتیە دووماهیا ژیێ خۆ ، تنێ ئەوا وی دڤێت ژیێ مایی د پەرستن و خۆ چەماندنا بۆ  خودێ بیت ، و گۆت : سەرەرای ڤێ چەندێ هێشتا ئەز دشێم دیقەتێ بکەمە سەر لدەست بەردانا خۆ لدەمێ چاڤێن خۆ دگرم ، دەمێ ئەز دبینم سەرەدەریەکا نەگۆنجایی یا لگەل هەڤوەڵاتیێن من دهێتە کرن ، یا دەمێ دبینم مافێن نفشێ پێشکەفتی یێ دهێتە دزین لسەر دەستێن برسیکەرا ئەوێن ئبلیس پێشەوایا وان دکەن .
مەهاتری دیار دکەت کۆ یێ گەهشتیە وێ باوەرێ کۆ هزر بکەت لسەر وی یە کارەکی نمۆنە بکەت ، چونکی ئەو ل وان کەسان نیە یێ بێ دەنگ و دەست بەردایی بیت و گۆت : بەرێ خۆ بدەنە وان ئەوێن هەستا گۆنەهکرنێ لدەف نەبیت ، ئەی خودێ ئەز دزانم تە بۆچی ب دلۆڤانی و ڤیانا خۆ ژیێ من درێژ کریە هەتا ( ۹۳ )  ێ سالیێ و هێشا ئەزێ بهێز و تەندروست و شیاندار لسەر هزرکرنێ و هەستکرنەکا ساخلەم بۆ بەرهنگاربوونا شەر من یێ داویێ .
ئەز سۆپاسیا خودێ مەزن دکەم و ب پشتەڤانیا وی من شیا مافین مللەتی ب پارێزم و گونەهبارا ژناڤ ببەم ... 
پشتی ڤێ چەندێ لاڤا دکەم کۆ دشێن ب هەستەکا دلخۆش و تەنا چاڤێن خۆ لسەر ئێک دانێم و ب تەناهێ کنیاتێ من بهێتە بەرامبەر تە ئەی ئفرێنەرێ من .
تاکە هیڤیا من ئەوە پشتی مرنا من پەسنا من نەکەن ... پشتی مرنێ پێنەڤێت ناڤێ من بینن .. ئەڤا من کری ئەز ب زادێ خۆ هژمار دکەم ل قوناغا دومەهیا من بۆ بەرامبەر خودێ مەزن . 
بڤی ئاوایی وەڵات دێ هێنە پاراسن .. و بڤی ئاوایی ئەو ئەمانەتێ لسەر مرۆڤا هاتیە دانان دێ هێتە زڤراندن .. بڤی رەنگی دەسهەڵاتدار گۆڕەپانا خۆ بەرامبەر خودایێ خۆ بێ تاوان دکەت دەمێ بەرهنگاریا بارێ ئەمانەتێ دەسهەڵاتداریا خه‌لکی دبیت ..
دڤێ ناما مەهاتیر محمد دیار دبیت کۆ ئیرادە و دلسۆزی و وێرەکی دشێت سنووران ببەزینیت و لسەر ئاستەنگ و ئاریشەیان زاڵ ببن بۆ پێشڤەبرن و سیتەمکرنا حوکمڕانیا وەڵاتی و بەختەوەریا جڤاکی و بەرپاکرنا دادوریێ و ژناڤبرنا گەندەڵیێ .
پشتی دەست بکاربوونا مەسروور بارزانی وەک سەرۆکێ حکومەتا هەرێما کوردستانێ ، بریار و رەفتار وێرەکی و دلسۆزیا مەهاتیر محمد دێنە پێشچاڤ ، چونکی رەوشا کوردستانێ یا کارگێری و ئابووری و جڤاکی وەک هەڤیەک هەیە کۆ ژلایێ بەرپابوونا گەندەلیێ و نە دادوەریێ و سەرەدەریێن ژدەرڤەی یاسایێ ، گاڤێن مەسروور بارزانی ژی وەک هەمان گاڤێن مەهاتیر محمد دیار دبن ، کۆ دڤێت هەرێما کوردستانێ لڤێ گەندەڵیێ و نەدادوەریێ دەرباز بکەت بەرەڤ دادوەریێ و ئاڤاکرنا وەڵاتەکێ پێشکەفتی و بهێزکرنا ژێر خانا ئابووری و پیشەسازی و جڤاکی و بەرهنگاربوونا گەندەڵیێ و گەندەڵکارا ، دابینکرنا ئێمناهیێ و ئاشتەواریا جڤاکی و ئەنجامدانا پرۆژێن خزمەتگۆزاری و رێگریکرن ل هەدەردانا سەروەت و سامانێ نیشتیمانی کۆ گاڤێن مەسروور بارزانی نە ، دەرگەهێن مەزن ڤەدکەت ژبووی بهێزکرنا کوردستانێ و گەهشتنا وێ بۆ رێزێن وەڵاتێن پێشکەفتی مینا مالیزیا . چونکی زەنگینا سامانێ کوردستانێ یێ مرۆڤی و ووزێ و کانزایی و چاندنێ فاکتەر و ئەگەرن بۆ بکارئینانێ ژبوی ئاڤاکرن و پێشڤەبرنا کوردستانێ .
مەسروور بارزانی ژی دشێت ڤێ چەندێ ئەنجام بدەت و مەزنترین پشتەڤانی ژی هەیە ، ئەو ژی خەلکێ کوردستانێ و پارتی دیموکراتی کوردستان و سەرۆک بارزانی یە .
ئەز باوەرم کارنامە و پلانێن ڤێ کابینا حکومەتا هەرێما کوردستانێ ب سەرۆکاتیا مەسروور بارزانی ، ئەگەر هه‌رێما کوردستانێ نەبەتی رێزا وەلاتێ مالیزیا ، رۆر کێمتر نابیت ، ژبلی وان دۆسیێن ب سەروەریا دەولەتێ ڤە د گرێداریی ، چونکێ هەرێما کوردستانێ ، سەروەریا خۆ نیە و ژلایێ دەستووری پشکەکا ئیراڤێ یە .
تاکە ئاستەنگا درێکا سەرنەگرتا کارنامە و پرۆژێن مەسروور بارزانی ئەوە ، ئەگەر لایەنێن سیاسی یێن هەرێما کوردستانێ ژبەر بەرژەوەندێن تایبەت ئاستەنگان درۆست بکەن ...! 
ب دیتنا من ئەڤ ئاستەنگەژی ب ساناهی دێ هێتە لادان ، ئەگەر هەمی کەس و لایەنێن ئاستەنگان لهەمبەر چاکسازیا و کونترۆلکرنا داهاتێ کوردستانێ بۆ خەلکێ کوردستانێ ئاشکرا بکەن . چونکێ خەلکی چاکسازی و دادوەری و خزمەتکرن دڤێت و دێ بەرامبەر هەر کەس و لایەنەکی راوەستیت ئەگەر ئاستەنگا دروست بکەت و ل یاسایێ دەربکەڤیت . 
بلا ئەم هەمی پشتەڤانیا ڤێ کابینێ بین و چاڤێن خۆ بەرامبەر هەر گەندەڵی و نەدادوەریەکێ زل بکەین و بەرژەوەندێن حزبی و تایبەت بکەینە قوربانی بەرژەوەندێن گشتی و بۆ چەند ئمتیازەکێن تایبەت چەپلا بۆ هندەک بەرپرسێن دز و گەندەڵ نەقوتین .
داکۆ مەسروور بارزانی ببیتە نمۆنێ حوکمڕانیەکا دادوەر و گەندەڵی و گەندەلکارا ببەتە د زبڵدانا دیرۆکێ دا  ، نفشێن داهاتی ژی ل کوردستانێ بۆ هەتا هەتا شانایێ پێ ببەین .





ئەم هەواڵە 3811جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad