English | عربی | Kurdî دواهەواڵ
ڕاستەوخۆ  
 
سه‌رۆكی په‌رله‌مانی كوردستان پێشوازیی له‌ عوسمان بایده‌میر كرد
2020-02-23 [09:44 AM]

ZNA-هەولێر


ئه‌مڕۆ یه‌كشه‌مه‌ 2020/2/23، د.ڕێواز فایه‌ق سه‌رۆكی په‌رله‌مانی كوردستان له‌ نوسینگه‌ی خۆى له‌ ته‌لارى په‌رله‌مان پێشوازیی له‌ سیاسه‌تمه‌داری كورد عوسمان بایده‌میر كرد.

له‌دیدارێكی نێوانیاندا باس له‌ هه‌لومه‌رجی ئێستای كوردستان و ناوچه‌كه‌ كراو سه‌رۆكی په‌رله‌مان جه‌ختی له‌سه‌ر پره‌نسیپه‌كانی دیموكراسی و ئاشتی و پێكه‌وه‌ژیان له‌هه‌موو پارچه‌كانی كوردستان كرده‌وه‌، سه‌باره‌ت به‌ڕۆڵی په‌رله‌مانی كوردستانیش د.رێواز فایه‌ق دووپاتی كرده‌وه‌ كه‌ پێكه‌وه‌ژیان و خه‌باتی مه‌ده‌نییانه‌و ڕێزگرتن له‌مافی هه‌موو پێكهاته‌كانی كوردستان بنه‌مای سه‌ره‌كیی كاركردنمانه‌، له‌باره‌ی ڕۆڵ و هاتنه‌پێشه‌وه‌ی ژنانیش گووتی: "هاتنه‌پێشه‌وه‌ی ژنان له‌پرۆسه‌ی سیاسی و كاری په‌رله‌مانیدا به‌ڕاده‌یه‌ك چۆته‌ پێشه‌وه‌ كه‌مایه‌ی گه‌شبینییه‌".

له‌ته‌وه‌رێكی دیكه‌ی قسه‌كانیدا سه‌رۆكی په‌رله‌مان، باسێكی خێرای بۆ شێوازو قۆناغه‌كانی كاركردن له‌په‌رله‌مانی كوردستان كردو زۆربه‌ی ئه‌و ئاسته‌نگ و فشارانه‌ى خسته‌ڕوو كه‌ له‌ماوه‌ی بیست و هه‌شت ساڵی ڕابردوودا ڕووبه‌ڕووی كوردستان و په‌رله‌مانه‌كه‌ی بۆته‌وه‌.

لای خۆیه‌وه‌ عوسمان بایده‌میر سیاسه‌تمه‌داری كورد، سوپاسی سه‌رۆكی په‌رله‌مانی كوردستانی كرد بۆ ئه‌و پێشوازییه‌ گه‌رمه‌ی كه‌لێیان كراو به‌تێڕوانینێكی گه‌وره‌و فراوانه‌وه‌ باسی ڕۆڵ و كاریگه‌ریی گرنگی په‌رله‌مانی كوردستانی كردو گووتی: "ئه‌م په‌رله‌مانه‌ مایه‌ی ئومێدو خه‌ونی كوردانی هه‌ر چوار پارچه‌ی كوردستانه‌، پێویسته‌ له‌سه‌رمان كه‌ به‌هه‌موو توانایه‌كمان بیپارێزین و ده‌ستی پێوه‌ بگرین".





ئەم هەواڵە 2227جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad