English | عربی | Kurdî دواهەواڵ
ڕاستەوخۆ  
 
له‌ بارەی خەرجكردنی پێشینەى هاوسەرگیرى بۆ توێژێك ڕوونكردنه‌وه‌ ده‌درێت
2020-02-25 [06:52 AM]

​ZNA – هه‌ولێر


وەزیری کاروبارى شەهیدان نوسراوێک بۆ خێراکردنى خەرجکردنى مینحەى هاوسەرگیرى بۆ کوڕ و کچى شەهیدان و ئەنفال دەدات ئەنجوومەنى وەزیران.

عەبدوڵڵا حاجى مەحموود، وەزیری کاروباری شەهیدان و ئەنفالکراوان لە حکوومەتى هەرێمى کوردستان بە باسى راگەیاند: نوسراوم بۆ ئەنجومەنى وەزیران کردووە بۆ ئەوەى پارەى تایبەت بە مینحەى هاوسەرگیرى بۆ کوڕ و کچى شەهیدان خێراتر بکرێت و بڕێک پارەى زیاترى بۆ تەرخان بکرێت".

عه‌بدوڵڵا  گوتیشی:  کارى باش کراوە بۆ ئەو بابەتە و خێراکردنى رێوشوێنەکانى خەرجکردنەوەى ئەو پێشینەیە. ئەو پێشینەیە لاى حکومەت بە دیاری (مینحەی) هاوسەرگیری ناودەبرێت، پێشکەش بە کچ و کوڕی شەهیدی سەنگەر و ئەنفالکراو دەکرێت لە کاتی ئەنجامدانی پرۆسەی هاوسەرگیری بە بڕی 5 ملیون دینار ئەو بڕە پارەیە کەپێیان دەدرێت (منحەیە) لە لایەن حکوومەتەوە لێیان وەرناگیرێتەوە.

فواد عوسمان گووتەبێژی وەزارەتی شەهیدان و ئەنفالکراوانی حکوومەتی هەرێمی کوردستان بە هه‌مان سه‌رچاوه‌ی گووت : بەپێی یاسا لەسەر ئێمەیە مامەڵەی هاوسەرگیری کچ و کوڕانی شەهید وه‌ربگرین  و بە لیست بده‌ینه‌ وەزارەتی دارایی، لەبەر ئەوەى ئەو بڕە پارەى بۆ ئەو بابەتە هەیە کەمە بۆیە درەنگ خەرج دەکرێت."

گووتەبێژی وەزارەتی شەهیدان و ئەنفالکراوانی دووپاتى کردەوە:  وەزارەتی دارایی لەگەڵيان هاوکارن بۆ ئەو بابەتە، بە بەردەوامی مامەڵە وەردەگرن و رەوانەی وەزارەتی دارایی دەکەین.

مەرجەکانى خەرجکردنى مینحەکە بەم جۆرە دەبێت: ناوی تۆمارکرابێت وەکو شەهیدی سەنگەر یاخود ئەنفالکراوبێت، دەبێت کوڕ و کچی شەهیدی سەنگەر یاخود ئەنفالکراو یەکەم جاربێت پرۆسەی هاوسەرگیریان کردبێت،ئەگەر هاتوو کوڕی شەهید هاوسەرەکەی بیانی بوو دەتوانێت لەو بڕەپارەیە سوودمەندبێ، ئەگەر هاتوو کچ و کوڕی شەهیدی سەنگەر و ئەنفالکراو هەردووکیان کچ و کوڕی شەهیدی سەنگەر و ئەنفالکراوبن، هەردووکیان سوودمەند دەبن لە وەرگرتنی ئەم بڕە پارەیە.





ئەم هەواڵە 5287جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad