English | عربی | Kurdî دواهەواڵ
ڕاستەوخۆ  
 
پێشمەرگە ،، سەربڵندی گەل و نیشتمان
2020-02-28 [03:27 AM]

نوسيني : رێبوار حەمەلاو شوانی


پێشمەرگە بە رەوشتی بەرز و هەڵوێست و كردەوەی باشیەوە، بەرەوڕووی هێرشێكی دڕەندانەی داعش بۆتەوە، سەرەڕای بەرگری ڕاستەقینە، بۆتە پارێزەری ئاوارەكان بە هەموو دین، ئایین و ڕەگەزی جیاواز و تەنانەت لەگەڵ دیلەكانیش بە شێوەیەكی مرۆڤانە دەجووڵیتەوە، هێندەی دیكە خۆشەویستری كردووە و بوونەتە مایەی گەورەیی و سەر بڵیندی فرەتری گەلی كورد لە جیهان و لە نێو گەلاندا.ڕەوڕەوەی خەباتی بێ‌ وچانی گەلی كورد بەردەوامە و هەر درێژەی دەبێت و كورد هەر خاوەنی ئەو خاكە پێرۆزە دەبێت، ئەوە ڕێژێمە دژی گەلیەكانن ، یەك لە دوای یەك دادەڕمن و دەچنە زبڵدانی مێژووەوە و پێشمەرگەی شاخ و ئاژاوەگێڕ و پیاوی بێگانە، جێی وان لە پایەتەختەكاندا دەگرنەوە ، دەبنە سەمبول و نموونەی سیاستمەداری و پێكەوە ژیان و پێكهێنانی كۆمەڵگایەكی دێمۆكراتیك.ناوی پێشمەرگە لە ره وشی ئێستادا ، بە هۆی خۆڕاگری بێی وچانی لە هەمبەر دوژمنان و داگیركەران كوردستانی پاراستووە، بە ئازا و راستگۆ و شێلگیرترین بەرگریكاران ناسراوە، ناوی سنوورەكانی جیهانی بڕیوە و نازناوەكەی كەوتۆتە سەر وێردی زمانی هەموو نەتەوەكانی جیهانەوە. ئەو ناوبانگە، زڕاو‌ی دوژمنانی كوردی تۆقاندوە و بە ناچاری هانایان بردۆتە، سەر ئەوەی ناو و ناتۆرە بۆ پێشمەرگە سازكردن، كە كاریگەرێكی ئەتۆیان نەبووە لە نێو خەڵكی كوردستان و جیهاندا. بۆیە لە ئێستادا لە هەر گۆشەیەكی ئەم جیهانە ناوی پێشمەرگە،سەرۆك بارزانی بێت ، ئەوا بە گرنگییەوە دەروانە كورد وكوردستان .پێشمەرگە، ئەو كەسە فیداكارە و خۆبەخشەیە كە لە پێناو سەربەستی گەل و نیشتمانەكەی تێدەكۆشێت بۆ زیندوومانەوەی ناوی نەتەوە و وڵاتەكە .. پێشمەرگە ،مرۆڤێک لە نێوان هەستەکانی ئاسمان و زەوی. ناوێکی تێکەڵ بە خاوێنی ئاو و گڕووتینی ئاگر. ئاوێک کە سوکنایی دەبەخشێتە دڵە داگیرکراوەکان و ئاگری سووتێنەری زاڵم دەکوژێنێتەوە.پێشمەرگە خاوەن هەستێکی تێکەڵ بە نەوا و دەنگی ئامێرە ئیتۆپیەکانی مۆسیقای ژیان. هەر هەنگاوێکی نۆتەیەکە و هەر قارەمانەتیەکی ئۆرکێسترایێکە لە سەر بست بە بستی ئەم نیشتمانە.نیشتمان. نیشتمان ئەو دایکەیە کە هەر دەم پێشمەرگەی لە ئامێز گرتووە و لە ئامێزیشی ناکاتەوە. پێشمەرگەش بۆ نیشتمان کۆرپەیەکە کە هەر دەم تینووی ڕەحمی ئەو دایکەیە، پارێزەری جوانییەکانی ئەو دایکە میهرەبانەیە، گیان فیدای ئەو خاک و زێدەیە. پێشمەرگەبوون، گەورەترین شانازییە ،سەربەستی ،سەربڵندی بۆ گەل و نیشتیمان وەك دیاری هێناوەتە بەرهەم..
ئێشمەرگە، ئەو مرۆڤە بەهێز و ئیرادە پۆڵایینەیە، كە رووبەرووی مەرگ بە مانای ووشە، سەرما و گەرمای سەختی زستان ، دوژمنی سەرسەخت ، برسێتی ، تونێتی ، ئاگر و ئاسن دەبێتەوە ، لە پێناو سەربەستی و سەربڵندی گەل و نیشتیمانەكەی.پێشمەرگە ئەو ئیرادەیەیە کە لە رەگی مێژووی پڕشانازیی نەتەوەیەک و بڕوای پیرۆزی مرۆڤێک و هیوا بەدوارۆژی نەوەیەک سەرچاوە دەگرێ. ئیرادەیەکی لەم چەشنە نە دەتوانێ بە چۆکدا بێ و نە دەکرێ تووشی قۆزاخەی دۆگماتیزم ببێتەوە.پێشمەرگە لە نێو نەتەوەیەکدا سەر هەڵ دەدا کە نیشتمانەکەی بە زەبری ڕم و پۆتین خراوەتە ژێردەستی دەسەڵاتێکی ستەمکار و دەنگی بەرزی ئازادیخوازی تێدا دیل کراوە، بۆیە ئەم نەتەوەیە دەیەوێ کە نیشتمانەکەی ئاوەدان بکاتەوە و بە دەنگی زوڵاڵی خەباتکاری و رزگار و یەکسانیخوازی، داهاتوویەکی گەش و پێشکەوتوو بونیات بنێ و وەدی بێنێ.ئەم نەتەوەیە لەم پێناوەدا دەیان و سەدان ساڵە کە تێدەکۆشێ و خەبات دەکا و قوربانی دەدا، بۆیە ئیرادەیەکی لەگیران نەهاتوو و کۆڵنەدەرانەی لە نێو نەوە بەدوای نەوەدا تێدا بەهێزو بەهێزتر دەبێ. ئەم ئیرادەیە، ئیرادەیەکی دەرەکی نییە و هەڵقوڵاوی نێو ناخ و کۆنەستی ئەم نەتەوەیەیە، بۆیە بە هیچ چەک و زەبر و زەنگێک تووشی داڕمان نابێ و پتەوتر لە جاران و گەشاوەتر لە قۆناخەکانی پێشوو پەرە دەگرێ.ئەم ئیرادەیە، لە باڵای بەرز و پێداگریی هەرمانیی شاخدا هێما و ورە دەگرێ و شاخ دەبێ بە سەمبۆل و هێما بۆ وەها ئیرادەیەک کە دەتوانین ناوی لێ بنێین ئیرادەی قەت چۆکدانەدان و خولیابەخشین. هێما و سیمایەک کە لە شاخدا خۆی دەبینێتەوە کە دەیەوێ زایەڵەی دەنگی مێژوو و حەزی هەرمانی چێژبەخشین و ژیان بەرهەمهێنانەوە بێ. شاخ دەبێ بە سیمای بەهیبەتی ئیرادەی ئازادی و خۆسەلماندن و ژیانەوە.





ئەم هەواڵە 835جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad