English | عربی | Kurdî دواهەواڵ
ڕاستەوخۆ  
 
سەرۆکی فیفا هۆشداری دەدات له‌ باره‌ی كۆرۆنا و یۆرۆی 2020
2020-02-29 [08:34 AM]

ZNA - ھەولێر


جیانی ئینفانتینۆ، سەرۆکی فیفا ئەگەرچی گەشبینە، بەڵام هۆشداریش دەدات سەبارەت بە مەترسی ڤایرۆسی کۆرۆنا لەسەر یۆرۆ و ئۆڵیمپیادی 2020.

سەبارەت بە مەترسی کۆرۆنا لەسەر دواخستنی پاڵەوانێتی جامی نەتەوەکانی ئەوروپای 2020، ئینفانتینۆ گوتی "بێگومان ڤایرۆسی کۆرۆنا پرسێکی جددیە و پێویستە بەجددی مامەڵەی لەگەڵدا بکەین و چاودێری بکەین، تەندروستی خەڵکی لە هەر یارییەکی تۆپی پێ و لە هەر شتێکی دیکە گرنگترە، تەندروستی لە هەموو شتێک گرنگترە". 

سەرۆکی فیفا هەروەها گوتیشی "هیوادارین ڤایرۆسەکە پاشەکشە بکات لەجیاتی زیاتر بڵاوبوونەوەی. ئێستا لە بڵاوبوونەوەدایە و ئەگەر پێویست بکات بۆ ماوەیەکی دیاریکراو یارییەکان دوابخەین یان بەبێ جەماوەر بەڕێوەبچن دەیکەین".

جیانی ئینفانتینۆ، تا راددەیەک گەشبینە و گوتی "پێموایە پاڵەوانێتی یۆرۆ لە کاتی دیاریکراوی خۆیدا بەڕێوەدەچێت، بەر لەوەش زۆر یاریمان لەسەر ئاستی هەڵبژاردەکان هەیە، گەشتی زۆر هەن، پێویستە بەباشی چاودێری بارودۆخەکە بکەین، دواتریش دامودەزگا و حکومەت و دامەزراوە گشتییەکان بڕیار دەدەن ئایا رێگە بە ئەنجامدانی دەدەن یان نا".

سەبارەت بە پێشبڕکێی تۆپی پێی ئۆڵیمپیادیش سەرۆکی فیفا گوتی "هێشتا هیچ قسەیەکمان لەسەری نەکردووە، تەنیا سەرۆک باخم بینیوە، زۆر گەشبینە، هیوادارین هەموو شتێک بە پێشبڕکێی تۆپی پێشەوە بەپێی پلانی بۆ داڕێژراو بەڕێوەبچێت".

 

رووداو

 





ئەم هەواڵە 1234جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad