English | عربی | Kurdî دواهەواڵ
ڕاستەوخۆ  
 
‌بۆ ئه‌وه‌ی‌ به‌رگری له‌شت به‌هێز بێت ئه‌م خۆراكانه‌ بخۆ
2020-03-01 [11:26 AM]

ZNA ــ هەولێر


خواردنی خۆراكی تەندروست و دەوڵەمەند بە ڤیتامین و كانزاكان یارمەتیدەرە بۆ پارێزگاری لەسیستمی بەرگری لەش بۆئەوەی رۆڵی خۆی بە باشی بگێڕێت.

ئەو خۆراكانە دەبنە پارێزگاری كردن لەبەهێزی كۆئەندامی بەرگری و چالاكبوونی و وادەكات لەش جۆرێك لەخۆپارێزی بەرامبەر وەرەمی شێرپەنجەیی و پەتا ڤایرۆسیەكان دروست بكات.

بەپێی ڕاوبۆچوونی پسپۆڕان هەندێك خۆراك هەیە كەدەبنە هۆی پتەوبوونی بەرگری لەش و دووركەوتنەوە لەهەندێك نەخۆشی ئەوانیش:

1-  هەنگوین: سەرچاوەیەكی گرنگی دەستكەوتنی ووزەیە و بەكاردەهێنرێت وەك دژە هەوكردن و دژە ڤایرۆس و سەرمابوون و بەسوودە بۆ پتەوكردنی بەرگری لەش.

2- ماسی: جۆرێكی تایبەتمەندی ترشەڵۆكی چەوی تێدایە بەناوی ئۆمیگا سێ و بەسوودە بۆ پتەوكردنی خڕۆكە سپیەكانی خوێن كەسیستمی بەرگری بەهێز دەكات.

3- مریشك و قەل: دەوڵەمەندن بە ڤیتامین بی 6 كەئەو ڤیتامینە رۆڵی گرنگی هەیە لە كارلێكە كیمیاییەكانی لەش و گرنگە بۆ پارێزگاری لەتووشبوون بەنەخۆشی.

4- زەنجەبیل: یارمەتیدەرە لەكەمكردنەوەی هەوكردن و گێژبوون و ئازاری درێژخایەن و هەروەها تایبەتمەندێتی هەیە بۆ كەمكردنەوەی رێژەی كۆلیسترۆڵ.

5- بادەم: ڤیتامین ئی تێدایە كە بە كلیكی سیستمی بەرگری لەش دادەنرێت و پڕە لەڤیتامین و چەوری تەندروست و رێگری دەكات لە سەرمابوون و بەرەنگاربوونەوەی پەتا و نەخۆشكەوتن.

6- چای سەوز: ماددەی فلافونویدی دژە ئۆكسانی تێدایە و رێژەیەكی بەرزی ئیبیگالوكاچین گالیت (EGCG) ی تێدایە كە یەكێكە لەدژە ئۆكسانە بەهێزەكان و دەبێتە هۆی پتەوبوونی بەرگری لەش و دروستكردنی دژەتەنی تایبەت بە بەرەنگاربوونەوەی ڤایرۆس و بەكتریا.

7- سەوزەوات: كەلەرم و كاهوو و شێلم برێكی زۆر ماددەی چالاكەر و بەسوودی بۆ پتەوكردنی كۆئەندانی بەرگری تێدایە و هەروەها ماددەی دژەئۆكسانی تێدایە و دەوڵەمەندە بە ڤیتامین و كانزا و ڕیشاڵەكان.

8- مزرەمەنیەكان: دەوڵەمەندن بەڤیتامین سی و دژە ئۆكسان و یارمەتی بەهێزبوونی كۆئەندامی بەگری لەش دەدات و یارمەتیدەرە بۆ بەرەنگاربوونەوەی پەتا و چالاككردنی سیستمی بەرگری و بەرەنگاربوونەوەی وەرەمی شێرپەنجەیی.

9- سیر و پیاز: دەوڵەمەندن بە كبریت و پێكهاتەی دژە ئۆكسان و كانزای سیلینیۆم و ئەوەش وادەكات وەك چالاكەرەوەی سیستمی بەرگری لەش دابنرێت ، بەوەناسراون كە توانای بەرەنگاربوونەوەی پەتا و نەخۆشی و ڤایرۆس و بەكتریایان هەیە.

10- برۆكلی: دەوڵەمەندە بەڤیتامین و كانزاكان بەتایبەت ڤیتامینەكانی ئەی و سی و ئی لەگەڵ زۆرێك لەریشاڵەكان و مەوادی دژەئۆكسان.

11-سپیناخ: دژەئۆكسان و ماددەی بیتا كارۆتینی تێدایە و دەبێتە هۆی زیادبوونی توانای بەرەنگاربوونەوەی پەتا و پتەوبوونی كۆئەندامی بەرگری لەش.

12- بیبەری سوور: ڤیتامین سی تێدایە و سەرچاوەیەكی دەوڵەمەندی بیتا كارۆتینە ، یارمەتیدەرە بۆ پتەوكردنی سیستمی بەرگری و پارێزگاری لەتەندروستی پێست.





ئەم هەواڵە 6532جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad