English | عربی | Kurdî دواهەواڵ
ڕاستەوخۆ  
 
دەسکەفتێن سەرهەلدانێ ناهێنە هژمار کرن چەند دەم تێپەر ببیت دەسکەفتێن نوو دیار دبن
2020-03-05 [06:31 AM]

ZNA - هەولێر


شڕۆڤه‌كاره‌كێ سیاسی راگه‌هاند: بەراهیێ ساڵڤەگەڕا سەرهەلدانا مەزنا بوهارا ۱۹۹۱ ل تەڤ خەلکێ کوردستانێ پیرۆز دکەم ، ب دیتنا من دەسکەفتێن ڤێ سەرهەلدانێ ناهێنە هژمار کرن ، چەند دەم تێپەر ببیت ، دەسکەفتێن نوو یێن سەرهەلدانا مەزنا گەلێ کورد دیار دبن . 

غیاس خالد شڕۆڤه‌كارێ سیاسی و پشكداره‌كی سه‌رهه‌لدانێ ب ئاژانسی هه‌واڵی زاگرۆس راگه‌هاند: ئارمانجا سەرەکیا سەرهەلدانێ بجهــ هات ئەو ژی ئازادی و رزگاریا باشوورێ کوردستانێ بوو ، راستە دەسکەفتێن نەتەوی و نشتیمانی یێن پشتی سەرهەلدانێ ئارمانجا شۆرەش و بزاڤا رزگاریخوازیا گەلێ کورد بوون ، لێ سەرهەلدانێ ئەو ئارمانج و دەسکەفت نێزیکتر کرن ، وەک پەیرەوکرنا بنەمایێن دیموکراسیەتێ و لێبۆرینێ و ئاڤاکرنا پەرلەمان و حکومەتا هەرێما کوردستانێ و سازیێن دیترێن رێڤەبرنێ و پاشان سەرۆکاتیا هەرێمێ . 

غیاس خالد ئاشكه‌راكر: ژلایێ سیاسی و دەستووری ژی ئەڤ پێشڤە چوونێن کوردستانێ کۆ بوویە هەرێمەکا یاسایی و دەستووری دناڤ دەستوورێ هەردەمیێ ئیراقێ دا و بلند و بسەنگ بوونا پێگەهێ هەرێما کوردستانێ لسەر ئاستێ جیهانی و نیڤ دەولەتی وەک قەوارەیەکێ نیمچە سەربخوو ژ ئەنجامێ سەرگرتنا وێ سەرهەلدانێ بوو . 

هه‌روه‌صا گوتژی: دیسان بلندبوونا هەستا نەتەوی و نشتیمانی و گۆڕانکاریێن جڤاکی و رەوشەنبیری و پەڕوەردەیی ، یێن باشوورێ کوردستانێ ، ل وێ سەرهەلدانێ پەیدابوونە ، ژلایێ مرۆڤایەتی ژی ، وێ سەرهەلدانا پیرۆز ، رەوشت و سەرەدەریێن شۆرەشێن کوردی ، یێن بەری وێ بەرامبەر دوژمنی تەکەز و خۆیا کرن ، کۆ ب سەدان هزار جاش و سەربازێن دیلکری یێن وی لەشکرێ کوردستان وێران و ئەنفال کری ، نە تنێ ئازاد کرن ، بەلکی پاراستن تاکۆ گەهشتنەڤ دەڤەرێن خۆ ، ئەڤ چەندە ژی بوویە ناسنامەکا مرۆڤاتی و لێبۆرینا خەلکێ کوردستانێ لسەر ئاستێ جیهانێ .

ئه‌و شڕۆڤه‌كارێ سیاسی و پشكدارێ سه‌رهه‌لدانێ دا دیاركرن: لێ نابیت رۆلێ بەرەیێ کوردستانی ب سەرۆکاتیا سەرۆک مەسعود بارزانی ژی ژبیر بکەن کۆ ب فەرمان و ڕێنمایێن جەنابێ وی ، سەرهەلدان هاتە رێکخستن و ئارمانجێن سەرەکیێن وێ هاتنە دابینکرن و هەلبژاردن هاتنە کرن .

ل دوماهیێ گوت: ئێک ڕێزیا گەلێ کورد ل سەرهەلدانێ دەسکەفتەکێ هەرە مەزن بۆ و ئەڤرۆ ژی ب تێپەراندنا بیست و نەهــ سالا ، گەلێ کورد و سەرکردایەتیا سیاسی یا کوردستانی پێتڤیا ب وی گیانێ ئێکگرتیا سەرهەلدانێ هەی ، بۆ پاراستن و پێشڤەبرنا قەوارێ هەرێما کوردستانێ و هەلوەشاندنا پیلانێن دوژمنا دژی ڤێ ئەزمۆنا هەرێما کوردستانێ .





ئەم هەواڵە 1267جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad