English | عربی | Kurdî دواهەواڵ
ڕاستەوخۆ  
 
چەندین كۆمپانیای وەهمی فێڵیان لە خەڵك كردووە و دراونەتە دادگا
2020-03-10 [08:24 AM]

​ZNA – هەولێر


چەند دۆسیەیەكی فێڵكردنی كۆمپانیاكان لە لە دادگاكانن و هەندێك كۆمپانیای وەهمیش ئاشكرابوونە و قۆڵی خەڵكیان بڕیووە، بەرپرسێكی تۆماری كۆمپانیاكانیش چەند زانیاریەكی گرنگ ئاشكرا دەكات.

پشتیوان وەرتی، بەڕێوەبەری تۆماری کۆمپانیاکانی هەولێر راگەیاند، چەندین دۆسیەی ئەو جۆرە كۆمپانیایانەی كە فێڵیان لەخەڵك كردووە و قۆڵیی خەڵكیان بڕیوە لە دادگاكانە و بەردەوام نووسراوی دادگاكانمان بۆ دێت داوای زانیاری لەسەر ئەو كۆمپانیایانە دەكەن".

ئەو گوتیشی:" بەهۆی سەرپێچی پشكی كۆمپانیا، یان دۆسییەیان گڵ دەدرێتەوە یان كارەكانیان رادەگیرێت، كەیسیان لە دادگا زۆرە و كێشەكانیشان جۆراوجۆرە".

وەرتی دەشڵێت:  ئەو كۆمپانیایانەی چەند ساڵە كاریان نەكردووە دەیانەوێت كۆمپانیاكەیان پاكتاو بكەن، پێویست ناكات دووبارە كۆمپانیای تازە بكەنەوە بەڵكو دەتوانن پاكتاوی بكەن، هەندێكیان پێوەندیان بە باج هەیە، هەندێكیشیان پەیوەندیان بەوە هەیە نوێ ناكرێنەوە ، بۆیە كۆمپانیاكەیان پاكتاو دەكەن".

بەڕێوەبەری تۆماری کۆمپانیاکانی هەولێر جەختی كردەوە: هەندێك جارهەندێك كۆمپانیا فێڵیان كردووە پارەی خەڵكیان خواردووە یان كاری نایاساییان كردووە،" دادگا نووسراوی بۆ كردووین پاش لێكۆڵینەوە دەركەوتووە، لە تۆماری كۆمپانیاكان تۆمار نەكراوە و ساختەن".

وەرتی دووپاتی كردەوە، هەندێك كۆمپانیای وەهمی هەن و خەڵكیش بەهۆی مامەڵەكردن لەگەڵیاندا زیانیان بەركەوتووە، گوتیشی: " دۆسیەمان لە لایە كۆمپانیای وەهمی فێڵی لە سەدان کەس کردووە، دەركەوتووە كۆمپانیایەكە لای ئێمە هیچ دۆسێیەكی نییە".

بەپێی ئاماری بەڕێوەبەرایەتی گشتی تۆماری کۆمپانیاکان، نزیکەی 29 هەزار کۆمپانیا لە هەرێمی کوردستان تۆمار کراون.

تاوانی (فێڵکردن) بەپێی ماددەی ٤٥٩ لە یاسای سزادانی عێراقی بە (بەندکردن) سزا دەدرێت، کە لە ماوەی سێ ساڵ کەمتر نەبێت و بە پێبژاردن (غرامە) بەقەد پێنج ئەوەندەی بڕی فێڵەكەی.

 

باس

 





ئەم هەواڵە 1255جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad