English | عربی | Kurdî دواهەواڵ
ڕاستەوخۆ  
 
تەندروستیی سلێمانی: پزیشکان مانیان نەگرتووە و نەشتەرگەرییش رانەگیراوە
2020-03-11 [02:44 AM]

ZNA ــ هەولێر


تەندروستیی سلێمانی رەتیدەکاتەوە پزیشکان(موقیم ئەقدەم) مانیانگرتبێت و بەهۆیەوە نەشتەرگەری راگیرابێت، بەڵام داوای داخستنی کلینیکەکان دەکرێت هاوشێوەی شوێنە قەرەباڵخەکانی دیکە.

 

د. سەباح نەسرەدین، بەڕێوەبەری گشتیی تەندروستیی سلێمانی بە تۆڕی میدیایی رووداوی راگەیاند، "پزیشکان بە گشتی داوایان کردووە چۆن شوێنە قەرەباڵخەکان دادەخرێن، کلینیکەکانیش دابخرێن، چونکە زۆر قەرەباڵخن و مەترسیی ئەوەیان لێدەکرێت ببنە هۆی بڵاوبوونەوەی کۆرۆنا. نەشتەرگەرییە ساردەکانیش رابگیرێن، بۆ ئەوەی قەرەباڵخی لەسەر نەخۆشخانەکان دروست نەبێت و ئەگەر پێویست نەبێت، کەس سەردانی نەخۆشخانە نەکات".

 

بەڕێوەبەری گشتیی تەندروستیی سلێمانی رەتی دەکاتەوە هیچ پزیشک و کارمەندێک دەوامی راگرتبێت و مانی گرتبێت و دەڵێت، "نەشتەرگەرییش رانەگیراوە، بەڵام داوایان کردووە ئەوەی پێویست نییە رابگیرێت. بەڕێوەبەرایەتیی تەندروستییش هاوڕایە لەگەڵیان".

 

بە گوتەی د. سەباح نەسرەدین، تەواوی پزیشکەکان ئامادەییان دەربڕیوە لەو نەخۆشخانانە خزمەت بکەن کە تایبەتکراون بە کۆرۆنا و خزمەتگوزاریی فریاکەوتنیش بەردەوامە.

 

 

س.ڕوداوو





ئەم هەواڵە 256جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad