English | عربی | Kurdî دواهەواڵ
ڕاستەوخۆ  
 
یونامی ئیدانه‌ی هێرشه‌كه‌ی بنكه‌ی تاجی ده‌كات و داوای ئه‌وپه‌ڕی دانبه‌خۆداگرتنیش ده‌كات
2020-03-12 [10:08 AM]

ZNA - هەولێر


لە راگەیەنراوێکدا کە وێنەیەکی بۆ ئاژانسی هەواڵی زاگرۆس هاتووە، تێیدا نێرده‌ی نه‌ته‌وه‌ یه‌كگرتووه‌كان بۆ هاریكاریی عیراق (یونامی) هێرشه‌كه‌‌ی ئه‌مدواییه‌ی بنكه‌ی تاجی ئیدانه‌ ده‌كات كه‌ بووه‌ مایه‌ی كوشتن و برینداربوون له‌ ریزه‌كانی "هاوپه‌یمانی نێوده‌وڵه‌تی بۆ شه‌ڕ دژی داعش"دا.  

راگەیەنراوەکە وتی، ئه‌م‌ هێرشه‌ یه‌ك له‌دوای یه‌كانه‌ هه‌ڕه‌شه‌یه‌كی راسته‌قینه‌ن بۆ سه‌ر وڵات و نیشانده‌ری ئه‌وه‌شن كه‌ مه‌ترسیی كاره‌ دزێوه‌كانی گرووپه‌ چه‌كداره‌كان هێشتا هه‌ر  مایه‌ی نیگه‌رانین.

ئاماژەی بەوەدا، به‌ده‌ر له‌ هه‌ڕه‌شه‌ی راسته‌وخۆیان بۆ سه‌ر ئاسایش و سه‌قامگیریش، ئه‌م هێرشانه‌ ده‌بنه‌ مایه‌ی لادانی سه‌رنجیش له‌سه‌ر كاره‌ ناوخۆییه‌ به‌په‌له‌ نیوه‌چڵه‌كان. هه‌روه‌ها ئه‌وه‌ش كه‌ عیراق ببێته‌ شوێنێك بۆ تۆڵه‌سه‌ندنه‌نه‌وه‌ و شه‌ڕه‌ ده‌ركییه‌كان پێویسته‌ بكه‌وێته‌ هه‌ره‌ دواوه‌.

یۆنامی روونی کردەوە، ئه‌وپه‌ڕی دانبه‌خۆداگرتنی هه‌موو لایه‌نه‌كان تاكه‌ رێگه‌ی به‌ره‌وپێشچوونه‌. حكومه‌تی عیراقیش پێویسته‌ هه‌موو توانای خۆی بۆ به‌سزاگه‌یاندنی تاوانباران بخاته‌كار و له‌ داهاتووشدا پێش به‌م جۆره‌ هێرشانه‌ بگرێت.

نه‌ته‌وه‌ یه‌كگرتووكان سه‌رخۆشی خۆی ئاراسته‌ی خانه‌واده‌ی قوربانییان و وڵاته‌كانیان ده‌كات و هیوای هه‌رچی زووچاكبوونه‌وه‌ش بۆ برینداره‌كان ده‌خوازێت.

شەوی رابردوو هێرشکرایە سەر بنکەی سەربازیی تاجی، دوو سەربازی ئەمریکی و بەریتانییەک کوژران و زیاتر لە 11 کەسی دیکە برینداربوون.





ئەم هەواڵە 187جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad