English | عربی | Kurdî دواهەواڵ
ڕاستەوخۆ  
 
سەرکەفتنا هەرێما کوردستانێ بەرامبەر کۆڕۆنایێ ، سەرکەفتنەکا سیاسی و کارگێری و ساخلەمی یە ..!
2020-03-14 [04:49 AM]

نڤیسینا : غیاس خالد زێباری


سەرهلدان و بەڵاڤبوونا ڤایرۆسێ کۆڕۆنایێ ل زۆربەی وەڵاتێن جیهانێ ، ڕەوشەکا ئاڵۆز و حیبەتی درۆست کریە .
وەڵاتێن مەزن و پێشکەفتی د وارێن کارگێری و ساخلەمی دا پەیدا کریە ،  راستە ئەڤە کارەساتەکا مەزنا جڤاکی یە ،
لێ تاقیکرنەکە بۆ وەڵات و جڤاکان ، ژبەرکۆ هەتا نهۆ چارەسەریا ئێکجارەکیا نەهێلانا ڤی ڤایرۆسا کوژەک نەدیتی یە ، و هەمی جهێن پەیوەندیدار ،  خۆ پاراستنێ ب باشترین چارەسەری دادنێن ، ئەگەر ئەڤ کاریگەریا ڤایرۆسێ ئەوا ل وەڵاتێن پێشکەفتی و مەزن کری ، مینا چین و ئیتالیا و فرەنسا و ئەڵمانیا و ئیران و ئەمریکا و .... هتر کری ، ل وەڵاتێن هەژار و خودان سیستەمێن پاشکەفتی وەک وەڵاتێن ، ئەفریقیا و هەرێما کوردستانێ ....هتد کربا ، پڕانیا وەڵاتێن پێشکەفتی و خەلک دا دەسهەڵاتێن وان وەڵاتان گۆنەهبار کەن ،
ژبەر نەوونا سیستەمەکێ ساخلەمیێ پێشکەفتی و دا کاریگەریێ لسەر سیستەمێن وان یێن سیاسی ژی کەت . 
راستە وەڵاتەکێ مەزنێ مینا چینێ کۆ ژێدەرێ سەرهەلدانا ڤێ ڤایرۆسێ یە هەتا رادەیەکێ باش کونترۆلا ڕەوشێ کریە ، لێ وەڵاتێن مینا ئیران و ئیتالیا و ئەڵمانیا و فرەنسا رۆژ بۆ رۆژێ بەرفرەهـ دبیت و دۆر نیە ل کۆنترۆلێ دەربچیت و بیتە پەتایەکا سەرتاسەری و خەلکەکێ زۆر بکۆژیت .
خۆ پاراستن و بجهــ ئینانا بریار و راسپاردێن دەسهەڵاتێ و سازیێن ساخلەمی ژلایێ خەلکێ چینێ باشترین چەک بوو بۆ دەربازبوونێ لڤێ بەتایێ ، 
دەسهەڵات و سازیێن ساخلەمی و پەیوەندیدار ل هەرێما کوردستانێ هەر زوو  هەست بڤێ مەترسیێ کریە ، لەوما بریار و ڕاسپاردێن گرنگ و پێتڤی دانە و دەرکرنە ، ئەڤ سەرەدەریێن حکومەتا هەرێما کوردستانێ ژبۆی پاراستنا کوردستانێ یە لڤێ پەتایێ ، 
هەتا نهۆ جهێ دلخۆشیێ و شانازیێ نە و سەرکەفتنەکا مەزنە بۆ کوردستانێ ، ئەگەر دەسهەڵاتداریا هەرێما کوردستانێ لگەل وەڵاتێن مەزن و خودان سەروەری و سیستەمێن ساخلەمی بەڕاوورد بکەین ، ئەرد و ئەسمانا جوداهی هەیە ،
چونکی ئەڤە ئێکەم ئەزمۆنا بڤی ڕەنگی یە بسەر دهێت و هەرێمەکا بچویک و کێم شیان و سەربۆڕە د وارێ ساخلەمیێ دا ، چونکی هەتا نهۆ ڕەوشا کوردستانێ بۆ بەرهنگاریا ڤایرۆسا کۆڕۆنایێ لزۆر وەڵاتێن پێشکەفتی باشترە ، چ  ژلایێ بەڵاڤبوونێ یان ژلایێ مرنێ .
پێتڤی یە خەلکێ کوردستانێ بۆ بجهــ ئینانا بریار و ڕاسپاردێن حکومەتا هەرێما کوردستانێ زۆر هاریکار بن و ڤێ ئێشێ ب مەزن و کوژەک ببینیت ، داکۆ دشیانێن حکومەتێ دەرنەگەڤیت و پاشان نەهێتە کۆنترۆلکرن . 
لگەل ڤێ چەندێ پێتڤی یە وەکی تاک بەرامبەر ڤێ ڤایرۆسێ نەترسین و خۆراگر بین . چونکی وێرەکی و خۆڕاکرێ فاکتەرێ سەرکەفتنێ یە . 
نابیت لسەر پێڕاوونێن تۆندێن حکومەتێ دلتەنگ و بێزار ببین ، چونکێ هەمی بریار و رێکارێن حکومەتێ بۆ بەرژەوەندا گشتی و پاراستنا ژیانا خەلکی نە ، بلا گەشت و سەیران و ئاهەنگ و خڕڤەبوونێن ڤان رۆژان بکەینە قوربانی بەرژەوەندێن گشتی و سلامەتیا خەلکی . 
وە هزر نەکین رێکارێن توندێن حکومەتێ چ مەبەستێن دتر ل پشتن ، چونکی بڤان ڕێکارا زرار مەندێ ئێکێ حکومەتە .. لێ ژبۆ پاراستن و سلامەتیا خەلکی یە ، پێتڤی یە لسەر ڤان ڕێکارا دلخۆش و پشتەڤان بین .
داکۆ گەلێ کورد و حکومەتا هەرێما کوردستانێ بسەر ڤی دوژمنێ کوژەک و دڕندە سەر بکەڤن . 
چونکێ هەتا نهۆ ڤان ڕێکارا نیشانێن زاڵبوونێ بسەر کۆڕۆنایێ دیار کرنە و ب پشتەڤانیا خەلکی ، سەرکەفتنەکا تەمام و ئێکجاری دێ بکێمترین زیان یا نێزیک بیت .
ئەڤ چەندەژی لسەر ئاستێ جیهانی سەرکەفتنەکا مەزنە بۆ خەلکێ کوردستانێ و دەسهەڵاتا هەرێمێ و سازیێن ساخلەمیا کوردستانێ .
ئەڤ چەندە دێ بیتە فاکتەرەکێ مەزن ،  کۆ ژلایێ سیاسی و ئابووری ژی کوردستانێ پشتەڤانیا نیڤ دەولەتی هەبیت ، چونکی هنێرەکا مەزنە زیانێن هەرێما کوردستانێ ل زیانێن وڵاتێن مەزن و خودان سیستەمێن پێشکەفتیێن ساخلەمی کێمتر بن . 
بلا هەمی پێکڤە بریارا خۆگرەنتینکرنێ بدەین .





ئەم هەواڵە 3325جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad