English | عربی | Kurdî دواهەواڵ
ڕاستەوخۆ  
 
پسپۆڕێکی دەرمان: دۆزینەوەی ڤاکسینی کۆرۆنا کاتێکی زۆری دەوێت
2020-03-17 [11:01 AM]

ZNA ــ هەولێر


وڵاتانی پێشکەوتوو سەرقاڵی دۆزینەوەی ڤاکسینی ڤایرۆسی کۆرۆنان و شەڕ لەسەر کات دەکەن کە کامیان زووتر دەستی پێی دەگات، بەڵام پسپۆڕێکی دەرمان ئاماژە بەوە دەکات، دۆزینەوەی ڤاکسین ئاسان نییە و کات و پارەیەکی زۆری دەوێت. 

 

د. بەهرام رەسووڵ، پسپۆڕی دروستکردنی دەرمان و بەڕێوەبەری پێشووی کارگەی دەرمانی ئاوامێدیکا کە دۆزەرەوەی چارەسەری گڵاوکۆمایە بە هاوبەشی لەگەڵ پسپۆڕێکی دیکەدا لە نووڕۆژی دۆستان بەشداریکرد و باسی لە چۆنیێتی دروستکردنی دەرمان و ڤاکسینی ڤایرۆسەکان کرد.

 

د. بەهرام رەسوول دەڵێت، دۆزینەوەی دەرمان بە سێ قۆناخدا تێدەپەڕێت، سەرەتا لەسەر خۆبەخشەکان، ئەوانەی گەنجن تاقیدەکرێتەوە، دواتریش لە قۆناخی دووەم لەسەر نەخۆشان تاقیدەکەنەوە. لە قۆناخی یەکەمدا بۆ ئەوەیە بزانن کاریگەریی لاوەکی هەیە؟ لە قۆناخی دووەم بۆ کاریگەرییەکانی ئەو ڤاکسینەیە. قۆناخی سێیەمیش بۆ کاریگەرییەتی لەسەر ڤایرۆسەکە و کاریگەرییە لاوەکییەکانی دیکەی هەیە. 

 

ئێستا 36 بایۆتەکنۆلۆژی کار لەسەر دۆزینەوەی ڤاکسینەکە دەکەن. ئەو پسپۆڕە ئاماژە بەوەشدەکات، کۆرۆنا کەیسێکی جیاوازە و بەپەلەیە، دەبێت پسپۆڕانی بواری ڤایرۆس هەموو پێکەوە کاربکەن و گوێ نەدەن بە قازانجی ماددی، چونکە لێرەدا بابەتەکە مرۆڤایەتییە. 

 

بەڕێوەبەری پێشووی کارگەی دەرمانی ئاوامێدیکا لەبارەی هەوڵەکانی ئەو بایۆتەکنۆلۆژییانە بۆ دۆزینەوەی ڤاکسینەکە دەڵێت "ئەو بایۆتەکنەلۆژییانە کار لەسەر پرۆتینی ڤایرۆسەکە دەکەن، ئەوە نییە ڤایرۆسەکە بکوژێت". 

 

لەبارەی هەوڵە تاکەکەسییەکان بۆ دۆزینەوەی کۆرۆنا، د. بەهرام رەسوول باسی لەوە کرد، ئەگەر ئەو دەرمانانە بە سێ قۆناخەکەی دۆزینەوەی دەرمان تێنەپەڕێت، ناتواندرێت بەکاربهێندرێت کە "ئەوەش کاتێکی زۆری پێدەچێت و پارەیەکی زۆری دەوێت".

 

یەکێکی دیکە لەو هۆکارانەی وا دەکات ڤاکسینی کۆرۆنا کاتێکی زۆری پێبچێت، بە گوتەی ئەو پسپۆڕە کەمی زانیارییەکانە لەبارەی ڤایرۆسەکە، چونکە ماوەیەکی کەمە سەری هەڵداوە. 

 

 

س.رووداو





ئەم هەواڵە 2578جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad