English | عربی | Kurdî دواهەواڵ
ڕاستەوخۆ  
 
نێچيرڤان بارزانى به‌دواداچوون بۆ دۆخى پارێزگاى دهۆك ده‌كات
2020-03-19 [04:17 AM]

ZNA - هەولێر


 

به‌ڕێز نێچيرڤان بارزانى، سه‌رۆكى هه‌رێمى كوردستان به‌دواداچوون بۆ دۆخى لێقه‌وماوان و زيانه‌كانى باران و لافاوه‌كانى پارێزگاى دهۆك و پرۆسه‌ى به‌هاناوه‌چوون ده‌كات و هاوكارييه‌كى به‌په‌له‌ ده‌داته‌ ئيداره‌ى پارێزگاى دهۆك.

 

پاشنيوه‌ڕۆژى ئه‌مڕۆ پێنجشه‌ممه‌ 19/3/2020 له‌ په‌يوه‌ندييه‌كى ته‌له‌فۆنيدا له‌گه‌ڵ به‌ڕێز فه‌رهاد ئه‌ترووشى، پارێزگارى دهۆك، سه‌رۆك نێچيرڤان بارزانى وێڕاى سه‌ره‌خۆشى و هاوخه‌مى بۆ خێزان و كه‌سوكارى ئه‌و دوو قوربانييه‌ى له‌ ئه‌نجامى لافاوه‌كانى سنوورى پارێزگاكه‌ له‌ سێمێل و زاخۆ گيانيان له‌ ده‌ست دا، به‌ وردى به‌دواداچوونى بۆ دۆخى لێقه‌وماوان و مه‌زه‌نده‌ى زيانه‌كان و كاره‌كانى به‌هاناوه‌چوون و چۆنيه‌تيى هاوكاريكردن و يارمه‌تيدانى لێقه‌وماوان و زيانمه‌ندانی كرد.

 

به‌ڕێز سه‌رۆكى هه‌رێمى كوردستان، پشتگيرى بۆ كارى داموده‌زگا په‌يوه‌نداره‌كان بۆ به‌هاناوه‌چوونى لێقه‌وماوان دووپات كرده‌وه‌ و بڕيارى دا وه‌ك هاوكارييه‌كى به‌په‌له‌ى به‌هاناوه‌چوون، بڕى (يه‌ك مليار دينار) له‌ سه‌رۆكايه‌تيى هه‌رێمى كوردستانه‌وه‌، پێشكه‌ش به‌ ئيداره‌ى پارێزگاى دهۆك بكرێت.

 

لاى خۆيه‌وه‌ به‌ڕێز پارێزگارى دهۆك، سوپاسى به‌ڕێز سه‌رۆكى هه‌رێمى كوردستانى كرد بۆ خه‌مخۆرى و به‌سه‌ركردنه‌وه‌ى دۆخى لێقه‌وماوان و پارێزگاكه‌.





ئەم هەواڵە 487جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad