English | عربی | Kurdî دواهەواڵ
ڕاستەوخۆ  
 
راگەیندراوێک لە پارێزگای هەولێرەوە
2020-03-21 [02:25 AM]

ZNA-هەولێر



1- دوێنێ 2020.3.20 بڕیار وابوو بە ئامادەبوونی تەنها (8) هەشت کەس، بەشێوەیەکی سمبولیک، ئاگری نەورۆز لەسەر قەڵای هەولێر بکرێتەوە، بەڵام بەهۆی کەمتەرخەمی چەند کەس و لایەنێک، بێجگە لە ژمارەیەکی زۆری کەناڵەکانی ڕاگەیاند، خەڵکێکی تریش لەوێ ئامادەبوون، ئەمڕۆ پارێزگاری هەولێر لێکۆڵینەوەی لەو هەڵەیەی ڕوویدا کرد و لەئەنجامیشدا چەند کەسێک سزا دران.

2- بە بڕیاری وەزارەتی ناوخۆی حکوومەتی هەرێمی کوردستان و بەڕاوێژ لەگەڵ پارێزگاکان، بۆ کارئاسانی هاوڵاتییان و دابینکردنی هەندێک پێداویستی زەروریی کاتژمێر (12)شەو تاوەکو (5)ی بەرەبەیان دیاری کرابوو بۆ ئەوەی هاوڵاتییان بتوانن بە سنوورداری هاتووچۆ بکەن، بەڵام دیارە ئەمە لەلایەن خەڵکانێک بۆ گەشت و سەیران قۆستراوەیەوە و شەوی ڕابردوو کۆمەڵێک خەڵک لەهەولێر چوونەدەر، بۆیە بڕیارماندا لە ئەمڕۆ بەدواوە دەرفەت بەهیچ کەس نادرێت لە دوای کاتژمێر(12)ی شەو هاتووچۆ بکات، چ ئەوانەی لە هەولێر دەردەچن، یان ئەوانەی دەیانەوێت بگەڕێنەوە، لەلایەن پۆلیسی هاتووچۆ ڕێکاری یاساییان بەرامبەر دەگیرێتەبەر و غەرامەدەکرێن و سزا دەدرێن. بۆیە داوا لە هەموو لایەک دەکەین پابەندبن.

ڕاگەیاندنی پارێزگای هەولێر
2020.3.21





ئەم هەواڵە 1027جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad