English | عربی | Kurdî دواهەواڵ
ڕاستەوخۆ  
 
بۆکۆ حەرام نزیکەی سەد سەربازی چادی دەکوژێت
2020-03-25 [12:57 PM]

ZNA - هەولێر


 

میلیشیا چەکدارەکانی بۆکۆ حەرام نزیکەی 100 سەربازی وڵاتی چاد دەکوژن و دەیانی تریش بریندار دەکەن، سەرۆکی چاد، ئەو هێرشەی بۆکۆ حەرامی بە خوێناویترین هێرش ناودێرکردووە لە مێژووی لەشکری وڵاتەکەیدا.

ئەم سەربازانە لە ڕۆژی دووشەممەوە کەوتبوونە بۆسەوە لە گوندێکی دورگەی بۆما، کە دەکەوێتە ناوچەی دەریاچەی چادەوە لە ڕۆژئاوای وڵاتەکە، ئەمەش ئەو ناوچەیەیە سوپای چاد و نایجیریا و نەیجەر، بۆ چەند ساڵیکە شەڕی دژی تێرۆریستانی بۆکۆ حەرامی تیادا دەکەن.

ئیدریس دێبی، سەرۆکی چاد لە میانی سەردانیدا بۆ شوێنی رووداوەکە، وتی"لە زۆر کردەی سەربازیدا بەشداریم کردووە، بەڵام لە مێژووی خۆماندا هەرگیز ئەم ژمارە سەربازەمان لێ نەکوژراوە."

یاخیبوانی ڕێکخراوی تێرۆریستی بۆکۆ حەرام، لە ساڵی 2009 لە نایجیریا سەریانهەڵدا و تا ئێستا زیاتر لە 300 هەزار کەسیان کوشتووە و نزیکەی دوو ملیۆن کەسیشیان ناچارکردووە زێدی خۆیان جێبهێڵن.

بۆکۆ حەرام، کە پەیوەندی بە تۆڕە تێرۆرکارییەکانی ئەلقاعیدە و دەوڵەتی ئیسلامیشەوە هەیە، ناوچەکانی جموجۆڵی خۆی فراوان کردووە و وڵاتانی وەک مالی و بورکینا فاسۆ و نەیجیری ڕۆژئاواشی گرتۆتەوە و لە 6 مانگی ڕابردوودا سەدان سەربازی ئەو ناوچە و وڵاتانەیان کوشتووە.

 

voa





ئەم هەواڵە 4477جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad