English | عربی | Kurdî دواهەواڵ
ڕاستەوخۆ  
 
ئەم دۆخەش دەرباز دەبێت...
2020-03-25 [03:06 AM]

نوسینی : رەوان ئیدریس بارزانی


هاونیشتیمانیانی خۆشەویست! ئەم ڤایرۆسە کوشندەیەی تەواوی مرۆڤ و مرۆڤایەتیی خستۆتە دڵەڕاوکێ و وڵاتانی جیهانی پێوە هیلاک بوونە، نیشتیمانی ئێمەشی بێبەش نەکردووە . دەبینین وڵاتانی زلهێز و پێشکەوتوو و دەوڵەمەند لە بواری زانست، پزیشكی و تەندروستی و تەکنەلۆجیا و ئابووری و هتد، بەم ڤایرۆسە نوێیەوە گیرۆدە بوون. ڕۆژانە بە داخەوە دەبیستین چ وەک ڕێژەی توشبووان، چ ئەوانەی بە هۆکاری ئەم پەتایەوە سەر دەنێنەوە لە زێدەییدان، خەریکە ژیان لە مرۆڤەکان دەوەستێنێت . ئەوەی وابەستەیە بە زێدی خۆمان، پێویستە وە بیر خۆمانی بهێنینەوە، ئێمە میللەتێکی خودان ئیرادەین، بە درێژایی مێژووی کورد و کوردایەتی، هەزاران دۆخی خراپتر و ترسناکتر، قەیرانی جۆراوجۆری دیكەمان تێپەڕاندووە؛ بۆیە بۆ دەربازبوونمان لەم دۆخە ترسناکەش، پێویستە هەموومان لەگەڵ یەكتر هاوکار و هەماهەنگ بین. ئەم پەیامەم بۆ بێهیوابوون نییە لە دۆخی ئێستامان، بەڵکو تەنها بۆ وەبیرهێنانەوەی رۆڵی نیشتیمانیی خۆمانە کە بە هێز و گڕوتینەوە، دان بەخۆماندا بگرین و، پابەندی کۆی ڕێنمایی و فەرمانەکانی لایەنی پەیوەندیدار بین بۆ رووبەڕووبوونەوە و ڕێگری لە تەشەنەسەندنی زێدەتری ئەم پەتا کوشندەیە؛ ئەویش بە پابەندبوونمان بە ڕێنمایی حکومەتی هەرێمی کوردستان، بە تایبەتی وەزارەتی تەندروستی . لە پەیامێکی وەهادا ناکرێت ڕۆڵی کارمەندانی تەندروستی و تەواوی هێزە ئەمنییەکان، هەموو ئەو هاونیشتیمانیانەی بەشدارن لە هەڵمەتی رووبەڕووبوونەوەی ڤایرۆسی کۆڕۆنا لە سەرتاسەری نیشتیمان لەبەرچاومان نەبێت. دەبێت سوپاسگوزاریان بین، ماندووبوونیان لەبەر چاومان بێت، هەوڵ بدەین بە مانەوەمان لە ماڵەکانماندا هەم بۆ خۆپارێزیمان، هەم بۆ کەمکردنەوەی ماندوێتیی ئەوان، ویژدانی خۆمان ئاسوودە بکەین، زێدەتر و گرنگتریش کاتێک هەر یەکێک لە ئێمە هەوڵی خۆپارێزی دەدات، ئەوا لە ئاکامدا کەسی نێزیکی خۆی دەرباز دەکات و دواجار کۆمەڵگەکەمان دەپارێزێت. جارێکی دی خوازیارم، هەموو هاونیشتیمانیانمان پارێزراو بن، دوور بن لە هەموو دەرد و بەڵایەك، کوردستان پارێزراو بێت ئینشائەڵڵا .





ئەم هەواڵە 280جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad