English | عربی | Kurdî دواهەواڵ
ڕاستەوخۆ  
 
هندەک جاران ، ڕەڤین سەرکەفتنە ...!
2020-03-27 [11:49 AM]

نڤیسینا : غیاس خالد زێباری


دناڤ زۆربەی جڤاکان دا ، نەخاسمە جڤاکێ کوردستانێ ، کەسێ زیرەک و قەهرەمان ، ئەوە یێ شەهید دبیت یان دهێتە کوشتن ، راستە کەسێن زیرەک و قەهرەمان د چەنگن و سەردکەڤن و هندەک شەهید دبن . لێ ئەوێن قەهرەمانتر و زیرەکتر ئەون یێن دۆژمنێ خۆ دشکێنن و ب سلامەتێ و کێمترین زان دزڤرن . هەر وەکی جوداهیا دناڤبەرا وان رۆژنامەڤانێن رۆماڵا رووداو و بۆیەرا دکەن و ب سلامەتی دزڤرن و ئەوێن بۆ رۆمالکرنا رووداوەکێ خۆ دکەنە قوربانی . چونکێ مەرەم ل سەرکەفتنێ بۆ بجهــ ئینانا ئارمانجەکێ یە ، ژ پێخەمەت مرۆڤایەتیێ . ئانکۆ ژیانا مرۆڤێ ل هەر تشتەکی پیرۆزتر و فەرترە . لەوما گرنگە د هەر شەڕەکی دا پلانا پاراستن و سلامەتی زڤرینێ لپێش پلانا چاوانا شەرکرنێ دا بیت ، بتایبەت ئەگەر تۆ شیان و هێزا بەرامبەر نەزانی و یێ پشتڕاست نەبی کۆ پشتی گرتنا سەرنگەرێ دێ شێی جهێ خۆ موکۆم کەین لێ مینی و کێمترین زیان بەخشی . ئەگەر نە پێنەڤێت خۆ ل وی شەری بدەی و د سەنگەرێ بەرگریێ و خۆ پاراستنێ دابی باشترە . پێتڤی یە شەر پێخەمەت بدەستڤەئینانا دەسکەفتان بیت نە ژبۆ سەرکەفتنەکێ کۆ دەسکەفتێن هەیی ژی بکەیە قوربانی و زیانەکا مەزن بدەی ، ئەگەر مرۆڤی زانی ، تۆ وەکی پێتڤی یێ بەرهەڤ نی بۆ شەڕەکی و شیانێن دوژمنی ل یێن تە بهێزترن ، پێنەڤێت ، بۆ پڕو پاکندا و خۆهەڵدانێ ، زیانێ بگەهینیە خۆ . هەر وەکی دبێژن خۆپاراستن باشترە ل چارەسەریێ . ڤایرۆسا کۆرۆنایێ ژی دوژمنەکێ خودان شیان و چەکدار و بهێزە ، دوژمنەکێ نەدیار و خودان لەشکرەکێ ئێکجار زۆرە ، بەرنگاربوونا وێ د شیانێن مرۆڤایەتیێ دا نینە ، چونکی هێشتا چەکێ ناڤبرنا وێ بدەست نەکەفتیە ، لەوما پڕانیا جیهانێ داگیر کریە و هەتا ڕاددەیەکێ زۆر ئارمانجا خۆ بجهــ ئینایە و ژینا خەلکەکێ زۆر ژناڤ بریە . لەوما باشترین چەکێ ددەستێ مرۆڤان دا خۆ پاراستن و دۆرکەفتنە ل خرڤەبوونا ، پێنەڤێن ئەم گەفا لێ بکەین و بەرامبەر ڤی دوژمنی ڕاوەستین ، کۆ د پشت ڕاستین دڤی شەری دا نە سەرکەفتنێ ب دەست نائینین ، بەلکی دێ تووشی مەزنترین زیان بین ، ژلایێ مرۆڤی و ئابووری . ئەگەر مە بڤێت دڤێ قەیرانێدا دەرباز بین و ب کێمترین زیان دڤی شەریدا دەربچین ، دێ ڕێنمایی یێن حکومەتا هەرێما کوردستانێ و سازیێن ساخلەمی بجهــ ئینین ، داکۆ مینا زۆر وەڵاتان ئەڤ دوژمنە نەشێت وەڵاتێ مە داگیر بکەت و مەرەما خۆ بجهــ بینیت . چونکی شیانێن حکومەتا مە یێن ئابووری و ساخلەمی ل شیانێن وان وەڵاتان زۆر لاواز ترن . لێ ب رێکار و ڕێنمایێن زوی و توندێن حکومەتێ ، و پاڵپشتیا خەلکەکێ زۆر هەتا نهۆ ڕەوشا هەرێما ل پڕانیا وەڵاتان باشتر بەرامبەر ڤایرۆسا کۆرۆنایێ . ژبۆی پاراستنا ژیانا خەلکێ کوردستانێ و سڤک کرنا بارێ حکومەتا هەرێما کوردستانێ ، پێتڤی یە بەردەوامیێ بدەینە خۆ کەرەنتینکرنێ و بجهــ ئینانا بریار و رێکار و ڕێنمایی یێن حکومەتا هەرێما کوردستانێ ، ژینا خۆ و کەس و کارێن خۆ نەئێخینە د مەترسیێ دا و دڤی شەری ژی مینا شەرێن بەرێ بسەرکەفتیانە دەرباز بین .





ئەم هەواڵە 1138جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad