 |
|
|||
ZNA - هەولێر عەباس مووسەوی گوتەبێژی وەزارەتی دەرەوەی ئێران هوشداریی دا کە جووڵەی سەربازیی ئەمریکا لە عێراق دەتوانێت ناوچەکە بەرەو نائارامی و هەلومەرجێکی کارەساتبار ببات.مووسەوی دەڵێت " ئەم کارەی ئەمریکا پێچەوانەی داخوازیی فەرمیی حکومەت، ئەنجومەنی نوێنەران و خەڵکی عێراقە. ئەمریکا دوو رۆژ پێشتر رایگەیاندبوو، بەمەبەستی پاراستنی هێزەکانی خۆی لە بەرانبەر هێرشە چاوەڕوانکراوەکانی ئێران و لایەنگرانی لە هێندێک بنکەی عێراقی قەڵغانی دژە مووشەکیی پاتریۆتی دامەزراندووە. ئاژانسی هەواڵی فەرەنسا بڵاوی کردووەتەوە قەڵغانی دژە مووشەکیی پاتریۆتی لە هەولێر و عەین‌الەسەد دامەزرێندراوە و دوو سیستەمی دیکەش بەرەو عێراق بەڕێوەن. گوتەبێژی وەزارەتی دەروەی ئێران هەروەها داوای لە هێزەکانی ئەمریکا کردووە، لە وڵامی حکومەت خەڵکی عیراق بدەنەوە، لەم وڵاتە بڕۆن و خۆیان لە نانەوەی گرژی بپارێزن. ئەم هەواڵە 4420جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad