English | عربی | Kurdî دواهەواڵ
ڕاستەوخۆ  
 
تووشبوویەکی دیکەی کۆرۆنا لە سلێمانی گیانی لەدەستدا
2020-04-04 [09:08 AM]

ZNA ــ هەولێر


بەڕێوەبەری تەندروستیی سلێمانی رایگەیاند، کەسێک کە هەڵگری ڤایرۆسی کۆرۆنا بووە لە سلێمانی گیانی لەدەستداوە، بەمەش کۆی گشتی ئەو کەسانەی تاوەکو ئێستا لە هەرێمی کوردستان گیانیان لەدەستداوە گەیشتە 3 کەس. 

 

د. سەباح هەورامی، بەڕێوەبەری تەندروستیی سلێمانی لە کۆنگرەیەکی رۆژنامەڤانییدا رایگەیاند " بەداخەوە ئەمڕۆ هاووڵاتییەکی دیکە لە شاری سلێمانی کۆچی دواییکرد، ئەمەش دوای ئەوەی کە کۆچی دوایی کردووە نموونەمان لێوەرگرتووە و دەرکەوتووە هەڵگری ڤایرۆسەکەیە".

 

بەڕێوەبەری تەندروستیی سلێمانی ئاماژە بەوەش دەدات، زۆربەی زۆری نەخۆشەکانی کۆرۆنا لە سلێمانی تەندروستییان زۆر باشە، تەنیا یەک کەس نەبێت کە لەژێر چاودێری وردی پزیشکیدایە.

 

بە تۆمارکردنی ئەو کەسەی گیانی لەدەستداوە ژمارەی گیانلەدەستدان بە ڤایرۆسی کۆرۆنا لە هەرێمی کوردستان گەیشتە 3 کەس کە دووانیان لە سلێمانین و ئەوەی دیکەش لە قەزای چەمچەماڵە. 

 

بەڕێوەبەری تەندروستیی سلێمانی دەڵێت، ژمارەی نەخۆشانی کۆرۆنا لە سلێمانی 112 کەسی تێپەڕاندووە و زیاتر لە نیوەی ئەو هاووڵاتیانەش چاکبوونەتەوە و دەشڵێت " ئەو رێکارانەی گیراونەتەبەر زۆر باش بوون و ئەگەر هاتباو ئەو رێکارانە نەگیرابانەبەر دۆخەکە زۆر لەوە ترسناکتر دەبوو".

 

بەگوتەی بەڕێوەبەری تەندروستیی سلێمانی، خەڵک هەیە لە هەڵەبجە بە رێگەی نایاسایی گەڕاوەتەوە و دەیان کەسی دیکەی تووشی ڤایرۆسەکە کردووە.

 

کۆی گشتیی تووشبووانی ڤایرۆسی کۆرۆنا لە هەرێمی کوردستان 214 تووشبووە لەو ژمارەیە 74 کەس چاکبوونەتەوە و 3 کەسیش گیانیان لەدەستداوە.

 

 

 

 

 

لانە ناصح بەرزنجی





ئەم هەواڵە 4789جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad