English | عربی | Kurdî دواهەواڵ
ڕاستەوخۆ  
 
لە سبەیەوە باری نائاسایی لە تۆکیۆ رادەگەیەنرێت
2020-04-06 [03:58 AM]

ZNA - هەولێر


 

سەرۆک وەزیری ژاپۆن دەڵێت، وەک هەوڵێک بۆ ڕاگرتنی بڵاوبوونەوەی ڤایرۆسی کۆرۆنا بڕیارە ژاپۆن لە ڕۆژی سێشەممەوە ڕەوشی نائاسایی لە تۆکیۆ و شەش هەرێـمی دیکە ڕابگەێنێت، هاوکاتی ئەوەی حکومەت پاکجێکی بوژاندنەوەی ئابووری بە بڕی 990 ملیار دۆلا ئامادە دەکات بۆ کەمکردنەوەی ئەو زیانانەی بە ئابوری وڵاتەکە گەیشتووە.

ئەمڕۆ دووشەممە لە تۆکیۆ، شینزۆ ئابی، لە میانەی کۆبوونەوەیەک لە شوێنی فەرمی نیشتەجێی باسی لە ڕێکارەکانی بەگژداچوونەوەی نەخۆشی کۆڤید 19 کرد.

لە ژاپۆن 3500  کەس توشی ڤایرۆسی کۆرۆنا بوون و 85 کەسیش بەهۆیەوە گیانیان لەدەستداوە.

بوونی ئەم ژمارەیە لە ژاپۆن بڵاوبوونەوەیەکی گەورەی ڤایرۆسەکە نییە بەبەراورد لەهەندێک لەو شوێنانەی کانگای ڤایرۆسەکەن، بەڵام ژمارەکە هەتا دێت بە ئەندازەیەکی مەترسیدار لە تۆکیۆی پایتەخت لە بەرزبوونەوەدایە، پتر لە هەزار حاڵەتی نەخۆشیەکەی تێدایە بە 83 حاڵەتی نوێی ئەمڕۆ دووشەممەشەوە.

شینزۆ ئابی سەرۆک وەزیری ژاپۆن بە پەیامنێرانی گوت، بە ڕەچاوکردنی ڕەوشی قەیرانەکە لە لایەنی تەندروستیەوە، حکومەت ئامۆژگاری کرا خۆی بۆ ڕاگەیاندنی باری نائاسایی ئامادەبکات.

ئەو باری نائاساییە، وەک شینزۆ ئابی دەڵێت نزیکەی مانگێک دەخاێنێت و دەسەڵات دەداتە پارێزگارەکان داوا لە هاوڵاتیان بکەن لە ماڵەکانیان بمێننەوە و کارداریەکان دابخەن، بەڵام نەک هاوشێوەی هەندێ لە وڵاتانی دیکە دۆخەکە لە ژاپۆن ناگاتە ئاستی لەکارخستنی تەواوی شارەکان.

 

 





ئەم هەواڵە 4375جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad