English | عربی | Kurdî دواهەواڵ
ڕاستەوخۆ  
 
کوردستان لبەرامبەر مەترسیەکا راستەقینە دایە ، یان پیلانە جڤاکی یا ڕاستەقینە ...!
2020-04-07 [12:36 PM]

نڤیسینا : غیاس خالد زێباری


هەرچەندە ڕێکارێن پێشوەخت و توندێن حکومەتا هەرێما کوردستانێ بۆ بەرهنگاریا ڤایرۆسا کۆرۆنایێ ، د ئاستێ پێتڤی دانە و جهێ دلخۆشیا خەلکێ کوردستانێ و سازیێن ساخلەمیا جیهانی نە . راستە توندکرنا قەدەغەیا هاتن و چوونێ و گڤاشتنێن لسەر وەڵاتیان بۆ مانەڤە لمال ، هەتا ڕاددەیەکێ خەلک دلتەنگ و بێزار کریە ، لێ ئەڤە نیشانن کۆ حکومەتا هەرێما کوردستانێ و سازین وێ یێن ساخلەمی، پێشوەخت هەست ب دژواریا مەترسیا ڤایرۆسا کۆرۆنایێ کریە کریە و پاراستنا ژیانا خەلکێ کوردستانێ ب ئەرکێ خۆ زانی یە و هەمی شیانێن خۆ یێن ماددی و مرۆڤی تەرخان کرنە بۆ پاراستنا ژیانا خەلکێ کوردستانێ و کۆنترۆلکرنا پەتایا کۆرۆنایێ . ژلایەکێ دیتر حکومەتا کوردستانێ ل خەلکێ خۆ ڤەنەشارتی یە کۆ ئەگەر خەلک پەیگیریێ ب رێکار و ڕێنمایی یێن حکومەتێ نەکەت ، ڕەوش دێ دژوارتر بیت و دێ پێشوازیێ ل کارەساتەکا مەزانا مرۆڤیەتی کەین ، پاشان دێ ل کۆنترۆلا حکومەتێ دەرکەڤیت ، چۆنکی ئەڤە پەتایەکا مەترسیدارە و وەڵاتێن خۆدان پێشکەفتیترین سیستەمێن ساخلەمی و بهێزترین ئابوور شیانێن کۆنترولکرنێ نینە . هەروەکی ئەم دبین رۆژانە ل وان وەڵاتان بهزاران کەس تۆش دبن و ب سەدا گیانێ خۆ ژدەست ددەن و هەتا نهۆ ژیانا دەهان هزار مرۆڤان ژناڤ بریە . ئەڤە دناڤ وان وەڵاتێن پێشکەفتی و خودان سەروەری ، خودێ نەکەت رەوشا هەرێما کوردستان ، ئەو هەرێما د ڕەوشەکا دژوارا ئابووری دا و سەر ب وەڵاتەکێ نەسەقامگیر ژلایێ سیاسی و ئێمناهی و ئابووری و جڤاکی کۆ ( ئیراق ) ە ، ئەو هەرێما دوژمن و نەیارێن وێ بەردەوام بەرامبەر وێ پیلانێن ڤەشارتی و ئاشکرا لبەرامبەر دادرێژن داکۆ پێشڤەچوون و دەسکەفتێن وێ یێن نەتەوی و نشتیمانی لاواز کەن و ژناڤ ببەن . زۆر جارا و ئەڤرۆ ژی لگەل بیت ، ب مخابنیڤە هندەک کەس و لایەنێن کوردستانێ ، یێن بەرهەڤن بۆ شکاندنا دەسهەلاتا هەرێمی بتایبەت ڤێ کابینا نوو یێن بەرهەڤن دەستێن خۆ دناڤ دەستێن دووژمن پیلانگێرێن کوردستانێ دابنێن و پێشوازیێ ل کارەساتەکا مەزنا جڤاکی و مرۆڤی ل هەرێما کوردستانێ بکەن و ژیانا خەلکەکێ زۆر ژناڤ ببەن ، داکۆ وەکی زۆر جاران دەنگێن بۆقێن خۆ بلند بکەن و حکومەتا هەرێمێ ب دەسهەڵاتەکا بکێرنەهاتی و بێ پلان و ئەزمۆن دیار بکەن و خۆ لڤێ حکومەتێ و دەسهەڵاتێ هژمار و هەڤپشک نەکەن ، ئەگەر حکومەت دڤێ ئەزمۆنێ سەربکەڤیت ، دێ پشکا شێری بەرخۆ ئێخن ..! لەوما فەرە هەمی تاکێن جڤاکی بێ جوداهی و بیر و بۆچوونێن سیاسی و ئایێنی و ئەتنی ، بەرفرەهبوونا ڤایرۆسا کۆرۆنایێ ل هەرێما کوردستانێ ب مەترسیەکا جڤاکی و مرۆڤایەتی ببینن ، گۆهداریا حکومەتا هەرێما کوردستانێ بکەین کۆ کوردستانا کەفتیە د قۆناغەکا نوو دا و مەترسیەکا ڕاستەقینەدا لسەر هەرێمێ هەیە ، بەرامبەر ڤایرۆسا کۆرۆنایێ . بلا ئەم هەمی مرنا مرنا خۆشتەڤی و کەس و کارێن خۆ بینینە پێشچاڤێن خۆ ، داکۆ لمال بمینین و ڕێنمایێن حکومەتێ و سازیێن ساخلەمی بجهــ بینین ، گۆهــ نەدەینە وان پڕ و پاکندێن مەترسیا ڤایرۆسا کۆرۆنایێ ب سادە و ساکار نیشا خەلکی ددەن و نەوەک دوژمن ..! بلا ئەوێن ڤان ڕەنگە پڕو پاکندا دکەن و ل رێنما و رێکارێن بەرنگاریا کۆرۆنایێ دەردکەڤن ، ب کۆژەکێن خۆ و کەس و کارێن خۆ هژمار بکەین ، نەک دوست و هەڤال . ئەرێ ما چ جوداهێ دناڤبەرا وی دوژمنێ مرۆڤی ب چەکی دکۆژیت یێ ڤایرۆسا کۆرۆنایێ دکۆژیت هەیە ..؟! ئەگەر مە حکومەت و دەسهەڵاتا هەرێمێ ژی نەڤێت ، بلا مە ساخلەمیا خۆ و ئەندامێن خێزان و جڤاکێ خۆ بڤێت . ئەڤرۆ وەڵاتێ مە کوردستان لپێش مەترسیەکا راستەقینە و پیلانە جڤاکی یا ڕاستەقینە دا کۆ دبیتە ئەگەرێ بەرپابوونا کارەساتەکا مەزنا مرۆڤی کۆ ل ئەنفال و کیمیابارانێ مەزنترە ..! لێ رێگریکرنا کرنا وێ ددەستێ مەدایە ، ب مانەڤە ل مال و پەیگیریکرنێ ب ڕێنما و رێکارێن حکومەتێ . بلا ئەم ببینە ڤاکتەرێن پاراستنا ژیانا خەلکێ خۆ نەک کوشتنا عەزیز و خۆشتەڤیێن خوو .





ئەم هەواڵە 928جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad