English | عربی | Kurdî دواهەواڵ
ڕاستەوخۆ  
 
دانووستانی ئاشتیی تالیبان و حکومەتی ئەفغانستان ناسەرکەوتووە
2020-04-07 [05:56 AM]

ZNA - هەولێر


کەناڵی تەلەفزیۆنی "تلووع‌نیوز" رۆژی سێشەممە ٧ی نیسان، بڵاوی کردەوە دانووستانی ئاشتیی نێوان حکومەتی ئەفغانستان و تالیبان هەتا ئێستا سەرنەکەوتووە و گفتگۆکانیان سەبارەت بە ئازادکردنی زیندانیان بە ئاکام نەگەیشتووە.

گوتەبێژێکی تالیبانیش لە توییتێکدا رایگەیاندووە تالیبان لە دانووستانی بێ‌فایدەدا بەشداری ناکات. ئەو دەڵێت شاندێکی تالیبانیان ناردووەتە کابۆلی پایتەخت بۆ ئەوەی ئەو زیندانیانە بناسێت کە بڕیارە ئازاد بکرێن، بەڵام پڕۆسەی ئازادکردنیان هەروا هەڵواسراوە.

ئازادکردنی زیندانیان بەشێک لەو رێککەوتنە مێژووییەیە کە مانگی فەبریوەریی رابردوو لە نێوان تالیبان و ئەمریکادا واژوو کرا.

لە رێککەوتنەکەدا داوا لە دەستەڵاتی ئەفغانستان کراوە ٥ هەزار زیندانیی تالیبان بە مەبەستی دروست‌کردنی متمانە ئازاد بکات و بەمجۆرە رێگەی دەستپێکردنی دانوستانەکان هەموار بکرێت.





ئەم هەواڵە 301جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad