English | عربی | Kurdî دواهەواڵ
ڕاستەوخۆ  
 
ماموستایەکی زانکۆ: پێویستە میدیای کوردی بەردەوام بێت لە بلاوکردنەوەی رێنماییە تەندروستییەکان و خەلک ھۆشیار بکاتەوە نەک بیان تۆقێنن
2020-04-12 [11:34 AM]

ZNA-هەولێر


 

ماموستایەکی بەشی راگەیاندنی زانکۆی سەلاحەدین رایگەیاند، پێویستە میدیای کوردی بەردەوام بێت لە رێنماییە تەندروستییەکان و خەلک ھۆشیار بکرێنەوە نەک بتوقێنن، ھەروەھا میدیای کوردی رۆڵێکی نەرێنی ھەبووە لەدروستکردنی دڵەڕاوکێ و پشێوی کۆمەلایەتی و نائارامی دەرونی تۆقاندن ئەمەش بە ھۆی ‌ناپرۆفیشنالی لە روماڵکردنیدا.

وریا رۆستەم بلباس، ماموستای بەشی راگەیاندنی کۆلێژی ئەدەبیاتی زانکۆی سەلاحەدین، بە ئاژانسی ھەواڵی زاگرۆسی راگەیاند: پێویستە میدیای کوردی بەردەوام بێت لە رێنماییە تەندروستییەکان و خەلک ھۆشیار بکرێنەوە نەک بتوقێنن، چونکە ئاساییە میدیا خەلک بترسینێ بەمەبەستی پابەندبوون و ترس ئاساییە، بەلام توقێن و توقاندن باش نیە و کاردانەوە و لێکەوتەی خراپی دەبێت، نابێت راگەیاندن ھیچ جۆرە ھەواڵ و زانیاریەک بڵاوبکاتەوە کە وروژاندن وھاندانی تێدابێت و ببێتە ھۆی نائارامی دەرونی و دڵەڕاوکێ بۆ ھاوڵاتیان، ھەروەھا پێویستە میدیا بابەتیانە مامەڵە لەگەڵ دۆخەکەدا بکات، دەبێت پردێکی پەیوەندی بەھێزی نێوان حکومەت و ھاوڵاتیان بێت و رێنماییەکان و بڕیارەکانیش خێراو بەردەوام بگەیەنێت بە جەماوەر، زیاتر کاری حکومەت و خەلک ئاسان بکات و متمانەی نێوان حکومەت و خەلک بەھێز بکاتەوە، ھەروەھا نابێت لەپێشەینەبوون و بەھای ئێستایی بوون و بەپەلە بڵاوکردنەوی ھەواڵ ببێتە ھۆی بڵاوکردنەوەی ھەواڵ و زانیای ناڕاست، بەواتای پەلەکردن و بڵاکردنەوەی زانیاری نیە لە سەرچاوەی نادیارو نەزانراوو ناپەیوەستەوە، گرنگیدان بەبەرژەوەندی گشتی و داخوازی و پێداویستیەکانی کۆمەڵگە و کارکردن بۆ خۆشگوزەرانیان، لەرێگەی ئەرکەکانیەوە لە چوارچێوەی ئیتیکی راگەیاندندا.

ماموستای بەشی راگەیاندنی کۆلێژی ئەدەبیاتی زانکۆی سەلاحەدین گووتی: زۆربەی ھاوڵاتیان لە شێوازی کارکردنی میدیای کوردی رازی نین، میدیای کوردی نەک ھەر رۆلی نەبووە لە ھیورکردنەوە ورینماییکردنی جەماوەر، بەڵکو رۆڵێکی نەرێنی ھەبوە لەدروستکردنی دڵەڕاوکێ و پشێوی کۆمەلایەتی و نائارامی دەرونی تۆقاندن ئەمەش بە ھۆی ‌ناپرۆفیشنالی لە روماڵکردنیدا و ناپرۆفیشنالی لە میدیکارانیدا، میدیای کوردی بە بیانووی  بەھای ئێستایی بوون و بەپەلە بڵاوکردنەوی ھەواڵ ھۆکاریک بوینە لە بڵاوکردنەوەی ھەواڵ و زانیای ناڕاست، نەبوونی متمانە بە ھەوالەکانیان لەلایەن جەماوەرەوە.

ماموستا وریا رۆستەم گووتیشی: پێویستە میدیای کوردی یەک دەست و یەک دەنگ، ھەموو پێکەوە بە ھانای نیشتیمانەوە بچین و ئەمەش لەرێگەی دامەزراندنی شانەی راگەیاندنی قەیران یا (ژوری عەمەلیاتی راگەیاندن)ئەمەش بە دروستکردنی تۆڕێکی ھەواڵ و زانیاری ھاوبەش بۆ ڕوماڵی ڤایرۆسی کۆرونا تا سەرجەم دامەزراوە میدیاییەکان ھەواڵ و زانیاریەکانیان پێ بگات و لە لایەن فەرمانگەی میدیا و زانیاری سەرپەرشتی بکرێت، دانانی زانیاریەکان لە ماڵپەڕی تایبەت تا ھەموو ھاوڵاتیان و دامەزراوە میدیاییەکان لێی سودمەندبن، پشت بە کەسانی پسپۆڕو شارەزا وەک سەرچاوەی زانیاری ببەستێت، بەھۆی تەکنۆلۆجیاوە ھەموو میدیاکان کارمەندەکانیان لە رێگەی دوورەوە پەیوەندیان بەیەکەوە ھەبێت و کارو ئەرکەکانیان راپەڕێنن لە رێگەی ئامڕازە ئەلیکترۆنیەکان و سۆشیال میدیاوە(بە تایبەتی سکایب)‌ کۆبوونەوەکانیان ئەنجام بدەن و ئەرکەکانیان راپەڕێنن، پێویستە دامەزراوە  حکومییەکان بەتایبەت وەزارەتی تەندروستی تا دەکرێ کۆنگرەی رۆژنامەنووسی نەبەستێت، پێویستە دامەزراوە میدیاییەکان سەلامەتی پاراستنی گیانی کارمەندو رۆژنامەنووسەکانی بەھەند وەربگرێت، ھەموو کەرەستەکانی وینەگەرتن و مایک و ھیفون رێکاری پاک و خاوێنی بگەرنە بەر، ئەم شانەیە ئەم ئەرکانە لەئەستۆ بگرێت، ئەرکی ھۆشیارکردنەوە جەماوەر، ھەروەھا ئەرکی خۆپارێزی و ئاراستەکردنی رێنماییە تەندروستییەکان، رووبەروبونەوەی دەنگۆ و پروپاگەندە، ببێتە پردێکی پەیوەندی بەھێزی نێوان حکومەت و ھاوڵاتیان.

 

رێباز یونس





ئەم هەواڵە 4231جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad