English | عربی | Kurdî دواهەواڵ
ڕاستەوخۆ  
 
عێراق ... لەسەر بڵاوکردنەوەی زانیاری لەسەر کۆرۆنا، رۆیتەرز بۆ سێ مانگ راگیرا
2020-04-15 [11:19 AM]

ZNA - هەولێر


 

دوای ئەوەی ڕۆیتەرز ڕاپۆرتێکی سەبارەت بە ڤایرۆسی کۆرۆنا لە عێراق بڵاوکردەوە و تیایدا وتبووی ژمارەی توشبووان بە ڤایرۆسەکە لە عێراق لەو ژمارانە زیاترە کە حکومەت بڵاوییان دەکاتەوە، بەهۆیەوە حکۆمەت مۆڵەتی دەزگای هەواڵی ڕۆیتەرزی ڕاگرت.

لیژنەی پەیوەندییدار بە ڕێکخستنی ڕاگەیاندن لە عێراق وتی بڕیاریداوە مۆڵەتی کارکردنی ڕۆیتەرز بۆ ماوەی سێ مانگ ڕابگرێت و 25 ملیۆن دیناریش غەرامە دەکرێت، ئەوەشی خستەڕوو ڕۆیتەرز یاساکانی ڕاگەیاندنی لە وڵاتەکەدا پێشێل کردووە.

لیژنەی ڕاگەیاندن و پەیوەندییەکانی عێراق لە نامەیەکدا بۆ ڕۆیتەرز دەڵێت ئەو ڕێوشوێنەی گیراوەتەبەر بەهۆی ڕوودانی ئەو شتەوە بووە کە لەم بارودۆخەی ئێستادا دەرەنجامی مەترسیداری دەبێت لەسەر تەندروستی و پارێزراویی هاوڵاتیان بە گشتی.

لەلای خۆیەوە ڕۆیتەرز جەختی لەوە کردەوە هێشتا سوورە لەسەر ئەو ڕاپۆرتەی بڵاویکردۆتەوە و دەشڵێت ئەو ڕاپۆرتە لە سەرچاوە تەندروستی و سیاسییە باوەڕپێکراوەکانی وڵاتەکەوە وەریگرتووە.

وتیشی " هەوڵ دەدەین چارەسەری بکەین و کاردەکەین تاوەکو بەردەوام بین لە پێشکەشکردنی هەواڵی باوەڕپێکراو لەسەر عێراق."

 

ئاژانسەکان





ئەم هەواڵە 331جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad