English | عربی | Kurdî دواهەواڵ
ڕاستەوخۆ  
 
نەتەوە یەکگرتوەکان زەنگی مەترسی لە عیراق لێدەدات
2020-04-16 [10:25 AM]

ZNA - هەولێر


 

لە راگەیەنراوێکدا کە وێنەیەکی بۆ ئاژانسی هەواڵی زاگرۆس تێیدا نەتەوەیەکگرتوەکان داوا لە پەرلەمانی عیراق دەکات کە پەلە لە تێپەڕاندنی یاسای بەرەنگاربونەوەی توندوتیژی خێزانی بکات، بەهۆی یەوەی چەندین ڕاپۆرتی نیگەرانی دەربارەی بەرزبونەوەی ئاستی توندوتیژیەکان لەسەر بنەمای جۆری ڕەگەز و توندوتیژی خێزانی دەرکەوتوون کە لەسەرتاسەری ووڵاتدا ئەنجام دەدرێت، بەتایبەتیش لەدوای ئەو گرژییە خێزانیەی لە ئەنجامی مانەوە لەماڵەوە بەهۆی پەتای کۆڤید ١٩ وە هاتۆتە کایەوە.

راگەیەنراوەکە باسی لەوە کرد، نوسینگەکانی سندوقی نەتەوە یەکگرتوەکان بۆ دانیشتوان ( UNFPA) و کۆمیسیاری باڵای مافەکانی مرۆڤی سەر بە نەتەوە یەکگرتوەکان ( OHCHR ) و یونیسیف (UNICEF)و دەستەی نەتەوە یەکگرتوەکان بۆ یەکسانی جێندەرو بەتواناکردی ئافرەت ( UN Women ) نیگەرانی خۆیان دەردەبڕن لە عیراقدا لە بەرامبەر بەرزبونەوەی ژمارەی کەیسەکانی توندوتیژی خیزانی لە ماوەی سەرهەڵدانی پەتای کۆڤید ١٩ دا.

ئەوەشی ئاشکرا کرد، لە هەفتەی ڕابردودا چەندین راپۆڕتی جیا دەرکەوتن دەرباری دەستدرێژی سێکسی کردنە سەر ئافرەتێکی خاوەن پێداویستی تایبەت و مامەڵەی خراپ لەلایەن هاوسەر و سوتان و خۆسوتاندن و  هەروەها بریندارکردنی خود و ئازاربەخۆگەیاندن بەهۆی مامەڵەی خراپ لەلایەن هاوسەرەکانەوە و گێچەڵی سێکسی بۆ سەر نەوجەوانان و خۆکوشتن بەهۆی توندوتیژیی خێزانی و چەندین تاوانی تر. ئەم جۆرە تاوانانەش دەبن بە زەگیکی مەترسیدار بۆ پێویستیی لەلەخۆگرتنی یاسای بەرەنگاربونەوەی توندوتیژیی خێزانی لە عیراقدا.

نەتەوەیەکگرتوەکان داوا لە دەسەڵاتەکانی عیراق دەکات بۆ زامنکردنی ئەوەی کە دەسدرێژیکەران لەلایەن سیستەمی دادوەریەوە لێپرسینەوەیان لەگەڵدا دەکرێت، لەگەڵ کاری زیاتر لەسەر خزمەتگوزاریی هێڵی گەرم و ئینتەرنێت و هەروەها پاڵپشتی زیاتری رۆڵی ڕێکخراوەکانی کۆمەڵگەی مەدەنی و کردنەوەی دەرگاکانی شەڵتەرەکانی ئافراتان لەسەر پشت بۆ ئەو ژنانەی کە لەم جۆرە توندوتیژیانە ڕادەکەن هەروەها سزادانی ئەنجامدەرانی هەر جۆرە توندوتیژییەك لەسەر بنەمای جێندەر.

ئەنتۆنیۆ گۆترێس ئەمینداری گشتی نەتەوە یەکگرتوەکان دەڵێت " زۆرێك لە ئافرەتان کە بەهۆکاری پەتای کۆڤید ١٩ لەماڵەوەن دووچاری توندوتیژی دەبنەوە لەکاتێکدا کە پێویست دەکات  زیاتر پارێزراوبن لەنێو ماڵەکانیاندا: بۆیە ئەمرۆ داوای ئاشتەوایی لەنێو ماڵەکاندا دەکەم لەسەرتاسەری جیهاندا. هەروەها داواش لە حکومەتەکان دەکەم کە سەلامەتیی ئافرەتان بکەن بە پێشینەی کارەکانیان لە بەرەنگاربونەوەی ئەم پەتایەدا.

نەتەوە یەکگرتووەکان دەڵێت، بۆیە ئێمەش داواکاریەکەی ئەمینداری گشتی دووبارە دەکەینەوەو داواش لە دەسەڵاتەکانی عیراقی دەکەین کە پێشنۆرە بدەن بە ئافرەتان و منداڵان وەك بەشێک لە بەرەنگاربوونەوەی پەتای کۆڤید ١٩.

لەخۆگرتنی یاسایەك لەسەر توندوتیژی خێزانیش هاوکاردەبێت بۆ دڵنیابوونەوە لەوەی کەوا ئەنجامدەرانی توندوتیژی لەسەر بنەمای جێندەر لە عیراق لێپیچینەوەیان لەگەڵدا دەکرێت هەوەك بینیمان کە ئەو کەسانەی لە ڕابردویەکی نزیکدا تاوانی قێزەوەنان ئەنجامداوە ئێستا لێپێچینەوەیان لەگاڵدا دەکرێت.

توندوتیژی لەدژی ژنان و کچان تاوانێکەو نابێت بەبێ سزادان تێپەڕێت، وە ژنان و کچانی عیراقیش شایانی لەوە زیاترن.





ئەم هەواڵە 2938جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad