English | عربی | Kurdî دواهەواڵ
ڕاستەوخۆ  
 
سلێمانی ... سێ تۆن ماست له‌ناوده‌برێت
2020-04-16 [05:05 AM]

ZNA - هەولێر


 

لە راگەیەنراوێکدا کە وێنەیەکی بۆ ئاژانسی هەواڵی زاگرۆس هاتووە، رایگەیاند، بەهۆی نەشاویی بۆ خواردن و بەکارهێنان، لیژنە هاوبەشەکانی قائیمقامیەتی سلێمانی دەست بەسەر بڕێکی زۆر ماستدا دەگرن و لەناوی دەبەن.

ئازاد نەبی، سەرۆکی لیژنەی یەکی سەر بە لیژنە هاوبەشەکانی قائیمقامیەتی سلێمانی رایگەیاند؛ بەهۆی خراپبون و نەشیاوی بۆ خواردن و بەکارهێنان، لیژنەکە دەستی بەسەر بڕی سێ تۆن ماستی بەستودا گرتوە كه‌ شیاوی خواردن و به‌كارهێنان نه‌ماوه‌.

وتی؛ ئەو پلە گەرمییەی ماستی تێدا عەمبار دەکرێت پێویستە لە نێوان سفر و شەش پلە دابێت، بۆیه‌ لەکاتی بەستنی ماستدا بەها خۆراکیەکەیی لەدەست دەدات هەروەها دەبێتە هۆی لەناوچونی بەکتریا سود بەخشەکان تیایدا.

وتیشی؛ سەرپێچییەکی تری شوێنەکە ماست کردنە ناو زەفی نایلۆنە بە شێوەیەکی نا تەندروست و به‌ده‌ر له‌ رێنماییەکان، کە ئەمەش مەترسی بۆسەر تەندروستی کڕیارانی دروست دەکات.

رونیکردەوە؛ بەپێی ئەو رێنماییە نوێیانەی کە رێگە بەکردنەوەی دوکانەکانی شیرەمەنی دراوە، پێویستە پابەندی سەرجەم مەرج و رێنماییەکانی کارکرن و تەندروستی بن بۆ خۆپارێزی لە ڤایرۆسی کۆرۆنا، لەکاتی کەموکورتی و سەرپێچیدا شوێنەکەو خاوەنەکەشی روبەڕوی رێکاری یاسایی توند دەکرێتەوە.

ئاماژەی بۆ ئەوەکرد؛ بەفەرمانی قائیمقامی سلێمانی تەواوی ماستە دەست بەسەرداگیراوەکە لەناودەبرێت و خاوەنەکەشی روبەڕوی رێکاریی یاسایی توند دەکرێتەوە.

 

 





ئەم هەواڵە 838جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad