English | عربی | Kurdî دواهەواڵ
ڕاستەوخۆ  
 
لەشکرێ رۆژ و لەشکر سێبەر
2020-04-17 [01:02 AM]

نڤیسینا : غیاس خالد زێباری


هێزا پێشمەرگەهێن رۆژ ئاڤایێ کوردستانێ ( لەشکرێ رۆژ ) ل ۱۲/۳/۲۰۱۲ کۆ سەر ب فەرماندەیا زێرەڤانی یە ژلایێ مادی و لۆجستی ، هێزەکە سەر ب P D K .S ، هێزەکە ل خورتێن رۆژ ئاڤایێ کورستانێ یێن هەلگرێن هەستا نەتەوی و نشتیمانی و پەیڕەوکارێن ڕێبازا پیرۆزا بارزانی نەمر . ل دەسپێکا شەرێ تیرۆرستێن داعش بۆ سەر هەرێما کوردستانێ ، ڤی لەشکری رۆلەکێ بەرچاڤ و کاریگەر هەبوویە بۆ پاراستنا کوردستانێ و داستانێن مەزن ژی بسەر داعشێن تیرۆرست تۆمار کرنە بتایبەت ل رەبیعە و سحێلا و چەندین شەهید ژی دانە . لەشکرەکێ ڕێکخستی و ڕێک و پێک و دیسپلینکریە ژلایێ لەشکری ، وەکی ڕووناهیا ڕۆژێ یێ ئاشکرایە کۆ لەشکرێ ڕۆژ هێزەکا بەڕەڤانیکرنیێ یە ل کورد و کوردستانێ مل بملێ پێشمەرگەهێن دیتر ، لەشکرەکە لسەر بنەمایێ هەستا بلندنا نەتەوی و نشتیمانی هاتیە پەروەردەکرن و ب دیتنا من مەبەست ل دامەزراندنا ڤی لەشکری ژبۆ پاراستنا رۆژ ئاڤایێ کوردستانێ بوو پشتی شۆڕەشا خەلکێ سووریا و رۆژ ئاڤایێ کوردستانێ دژی رژێما بەعس یا ئەسەدی ، لێ ژبەر ڕەوشا رۆژ ئاڤایێ کوردستانێ و دەسهەڵاتا ڕێڤەبەریا خۆسەر نەشیان بزڤڕن و ئەرکێن خۆ بجهــ بینن . ئەڤە ژی خەلەتیەکا هەرە مەزن بوو ، ئەگەر هێز و ئالیێن رۆژ ئاڤا د ئێکگرتی بانە و دەلیڤە دابا لەشکرێ رۆژ بزڤریت ، ئەو کارەساتا مەزن بسەر نە دهات ، یان دا زۆر بچیکتر بیت . مخابن پشتی بەڵاڤبوونا وێنە و ناڤێ کوردەکێ مورتەزیقە یێن سەر ب میلیشیانێن تورکیا ل لیبیا ژلایێ لەشکرێ لیبیا (هێزێن حەفتەری ) بناڤێ (شاکر فرمان بونجق ) ب دیل هاتیە گرتن و وەک پێشمەرگێ لەشکرێ رۆژ هاتیە ناساندن . هەرچەندە ووتەبێژی لەشکرێ لیبیا یێن سەر ( خلیفە حفتر ) گەهشتنە راستیێ کۆ چ راستی بۆ نینە و پەسنا پێشمەرگەهێن کوردستانێ کر ، لێ یا گرنگ نیە راگەهاندنا لیبی و شوفینیا عەرەبی چ بێژن بەرامبەر پێشمەرگەهی . لێ مخابن لەشکرەکێ سێبەرا دوژمن و نەیارێن کورد و کوردستانێ و پارتی دیموکراتی ل راگەهاندن و سۆشیال میدیایێ ، ناڤێ پیرۆزێ پێشمەرگەهێن کوردستانێ نەخاسمە لەشکرێ رۆژ برنە ڕێزا جاش و خۆفرۆش و مورتەزیقا و پارتی تاوانبار دکەن کۆ بۆ پشتەڤانیا وەڵاتێ تورکیا پێشمەرگەهــ ڕەوانەی لیبیا کرینە . دیارە وان دڤێت خیانەت و رووڕەشی و خاک و گەل فرۆشیا خۆ یا چەندین ساڵی ب بەڵاڤکرنا ڤان بۆهتانێن چەواشەکاری و بێ بنەما ژبەر چاڤێن خەلکێ کوردستانێ نەهێلن ، دووماهی خیانەتا وان ڕادەستکرنا مستەفا سەلیمی بوو ب رژێما ئیرانێ ...! ژلایەکێ دیتر دیارە د وێ باوەریێ دانە خەبات و قوربانی و هەڵویستێن پارتی یێن نەتەوی و نشتیمانی و سەربخۆ بڤان درەو و بوختانا دێ ل دل و دەروونێ خەلکی و دیرۆکا بزاڤا رزگاریخوازیا کوردستانی ئێننە دەر ..! ئەرێ ما خەلکێ کوردستانێ ژبیرکریە لدەمێ لدەمێ شەرێ ئازادیا ئیراقێ لساڵا ۲۰۰۳ سەرۆک بارزانی بۆ گۆتی ئەگەر لەشکرێ تورکیا بهێت دێ بسەر لەشێ مەدا هێت ..! و پڕانیا خەلکێ کوردستانێ پشتەڤانیا وێ پەیاما سەرۆک مەسعود بارزانی کر و بوویە ڕێگر لهەمبەر هاتنا لەشکرێ تورکیا . ئەرێ وە ژبیر کریە سەرۆک مەسعود بارزانی بۆ د چەندین دەلیڤان دا داخازیێن وەڵاتێ تورکیا رەد کریە ژ پێخەمەت کوردبوون و کوردایەتیێ وەک پاراستن و چارەسەرکرنا زارۆکێ مەحمد کو ب چەکێن قەدەغەکریێن تورکیا بریندار ببوو و رەوانە فەرەنسا کر و ..... هتد هەرن لەشکرێ خۆ یێ سێبەر بن پێن پێشمەرگەهی و لەشکرێ ڕۆژ بقوتن بەلکی بهێنە تافیلکرن و دەست ب پەروەردەیا نەتەوی و نشتیمانی بکەن . چونکی دەمەکێ درێژ هوون دناڤ قوتابخانا دووبەرەکیێ و خۆفرۆشیێ و گەل فرۆشیێ پەروەردە دبن و پیلان و مەرەمێن وە سەرنەگرتنە و خەلک پێ ئاشنا بوویە . هەتا هوون هەلگرێن شیر و خەنجەرێن خودان شاشک و پیلانگێرێن دژی کوردایەتیێ نە و بن کراسێن وان لبەر وەنە ، دێ هەر شەرمزار و رووڕەشێن گەل و وەڵاتێ خۆ بن ، هەر وەکی خیانەکا ۱٦ ێ ئکتۆبەرێ و تیرۆرکرنا دەنگێن هەڤدژێن وە . پێشمەرگە هێمایێ بەرخودان و ئازادیێ و خۆڕاگریێ یە و ناڤەکێ پیرۆزە لسەرتاسەرێ جیهانێ دەنگ ڤەدایە ، ب درەو و بوهتانێن وە نەشرین نابیت . رووناهیا لەشکرێ ڕۆژ ب لەشکرێ وە یێ سێبەر ناهێتە ڤەمراندن ..!





ئەم هەواڵە 1015جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad