English | عربی | Kurdî دواهەواڵ
ڕاستەوخۆ  
 
حكومه‌تی سوریا ڕێگری له‌گه‌یشتنی هاوکارییەکانی بەرەنگاربوونەوەی کۆرۆنا ده‌كات
2020-04-20 [02:31 AM]

ZNA - هه‌ولێر


 

کارمەندانی پزیشکی لە باکوری ڕۆژهەڵاتی سوریادا کە زۆرینەی دانیشتوانەکەی کوردن، بە ئاسانی پێداویستیەکانی خۆپاراستنی تەندروستیان پێناگات، دوای ئەوەی حکومەتی سوریای هاوپەیمانی ڕوسیا ئەو ناوچانەی لە هاوکاریه‌كانی دەرەوە بێبه‌ش كرد، تەنانەت هاوکاریەکانی نەتەوە یەکگرتوەکانیش کە لە ڕێگەی عێراقەوە بەدەستیان دەگات.

لەدوا ناوچەی ژێردەستی چەکدارانی ئۆپۆزسیۆن لە باکوری ڕۆژئاوای سوریاش، بەرپرسانی تەندروستی بەیەکەوە کار بۆ ئەوە دەکەن کە چۆن پارێزگاری لە چوار ملیۆن کەس بکەن کە حکومەتی سوریا دووبارە هێرشەکانی بۆ سەرئەو ناوچەیە دەستپێکردۆتەوە.

ڕێکخراوی تەندروستی جیهانی بەڵێنی داوە ئامێری هەناسەپێدان و ئامراز و ئامێرەکانی دیکەی خۆپاراستن دابین بکات کە زۆر بە ئەستەم دەست دەکەون.

بەشار ئەلئەسەد، سەرۆکی سوریا دەستی بەسەر بەشەکانی تری وڵاتەکەدا گرتوە بە شارە سەرەکیەکانیشەوە، ڕێکخراوی تەندروستی جیهانیش زۆربەی هاوکارییەکانی لە ڕێگەی حکومەتەوە پێشکەش کردوە.

دەسەڵاتدارانی سوریایی فشار دەخەنە سەر نەتەوە یەکگرتوەکان تا کار لەگەڵ ئەو سیستەمە ناڕوونەدا بکات و هاوکاریەکان پێشکەش بەو شوێنانە نەکەن کە لەژێر کۆنترۆڵی حکومەتی سوریادا نین.

هاردین لانگ سەرۆکی پێشووی نەتەوە یەکگرتوەکان و جێگری سەرۆکی ڕێێکخراوی نێونەتەوەیی پەنابەران دەڵێت، ئەو ناوچانەی مەترسییان تێدایە پێویستە لە ڕیزی پێشەوەی هاوکاریەکانەوە بن، گوتیشی کار لەگەڵ حکومەتدا دەکات، کە زۆر جارهاوکارییەکان لەسەر بنەمای سیاسی دابەش دەکات.

دەسەڵاتدارانی سوریا پشکنینەکانیان بۆ پەتای کۆڤید 19 تەنها لە تاقیگەی ناوەندی دیمەشق ئەنجامداوە، ئەمەش ئەنجامدانی پشکنینی سەخت کردوە کە پێویست دەکات دانیشتوانی کوردنشین لە باکوری ڕۆژهەڵاتی سوریا نمونەی پشکنینەکانیان لە ڕێگەی فرۆکەوە بنێرن بۆ دیمەشی پایتەخت.

 

voa





ئەم هەواڵە 3499جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad