 |
|
|||
ZNA – هەولێر ئەنجوومەنی پیرانی ئەمریکا زیاتر لە 484 ملیار دۆلاری بۆ رووبەڕووبوونەوەی کۆرۆنا و بووژاندنەوەی ئابووریی وڵاتەکەی پەسندکرد، پرۆژەکە رەوانەی ئەنجوومەنی نوێنەرانکراوە و لەم هەفتەیەدا لە ئەنجوومەنەکە دەنگی لەسەردەدرێت. ئێستا پرۆژەبڕیارەکە رەوانەی ئەنجوومەنی نوێنەرانی ئەمریکا کراوە، بڕیارە ئەنجوومەنەکە رۆژی پێنجشەممە لەم بارەوە کۆببێتەوە و دەنگی لەسەربدات، پێشبینیدەکرێت پرۆژەکە لە ئەنجوومەنی نوێنەرانیش پەسندبکرێت. پەسندکردنی ئەو بڕە پارەیە وەک هاوکاریی دارایی بۆ رووبەڕووبوونەوەی کۆرۆنا و بووژاندنەوەی ئابووری ئەمریکا لە کاتێکدایە، تائێستا لە ئەمریکا 819 هەزار و 164 کەس تووشی ڤایرۆسی کۆرۆنابوون، 82 هەزار و 973 کەس چاکبوونەتەوە و 45 هەزار و 340 کەسیش گیانیان لەدەستداوە. هاوکات بەهۆی پڕبوونی خەزێنەکان و کاریگەریی ڤایرۆسی کۆرۆنا نرخی نەوتی تەکساس لە دوو رۆژی رابردوو دابەزینی مێژوویی تۆمارکرد و گەیشتە سفر دۆلار، بەڵام دوێنێ سێشەممە دووبارە نرخەکەی بەرزبووەوە و ئێستا بە 10 دۆلار مامەڵەی پێوە دەکرێت.
ئەم هەواڵە 2881جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad