English | عربی | Kurdî دواهەواڵ
ڕاستەوخۆ  
 
لەمانگی رەمەزان ئاگاداری ئەم شتانە بە 
2020-04-25 [03:48 AM]

ZNA- ھەولێر



مانگی رەمەزان مانگی خێر و بەرەکەتە ھەم بۆ لەشی مرۆڤ و ھەم بۆ روحی ، چونکە دەبێتە ھۆی پاکبوونەوەی لەشی مرۆڤ لە جۆرەھا ژەھر و چەوری کەڵەکەبوو و ھەروەھا ئارامیەکی زۆر بە روحی دەبەخشێت، لەبەر ئەمە پێویستە لە مانگی ئاگاداری ئەم کارانە بیت. 

١.ھەوڵدە لە کاتی بەربانگ زۆر نەخۆیت، بۆ ئەوەی تووشی سک ئەستووری نەبیت و جێگەیەک بھێلەوە بۆ ژەمێکی سووک لەنێوان بەربانگ و پارشێو. 
٢. خواردنەکەت بە باشی بجوو چونکە کاری ھەرس کردنی ئاسانتر دەکات بەتایبەتی بۆ ئەوانەی کێشەی گەدەیان ھەیە و زۆر جووینی خواردن وا دەکات مرۆڤ ھەست بە تێربوون بکات. 
٣. ژەمی پارشێو دوا بخە تا نزیک بانگی بەیانی بۆ ئەوەی لە رۆژدا کەمتر ھەست بەبرسیەتی و تینوویەتی بکەیت و ھەوڵبدە لە کاتی پارشێو ھەندێک بەرھەمی گەنمی بخۆیت (نان یا سەمون) بۆ پارێزگاری کردن لە ئاستی شەکر لە خوێن. 

٤. لە نێوان ژەمەکان بەربانگ و پارشێو شلەمەنی زۆر بخۆ بەتایبەتی ئاو , چونکە رێگری دەکات لە قەبزی. 

٥. رێژەیەکی باش میوە و سەوزەوات بخۆ  چونکە رێژەیەکی زۆر ئاو لە خۆ دەگرێت کە لەشی پێویستی پێی دەبێت . 

٦. لە کاتی بەربانگ دوور بکەوە لەو خۆراکانەی خوێی زۆرە لەگەڵ تورشی و بەھارات، چونکە جگە لە زیانەکانی وات لێدەکات ھەست بە تینوویەتی بکەیت . 

٧. خۆت بە دوور بگرە لە خواردنی زۆر چەور . 

٨. لە دوای بەرابنگ بە کاتژمێرێک یا دووان ھەوڵبدە ھەندێک راھێنانی وەرزشی بکەیت (نوێژەکانی تەراویحیش باشترین راھێنانە). 

٩. نەکەی لە کاتی بەربانگ راستەوخۆ ئاوی سارد بخۆیتەوە چونکە دەبێتە ھۆی سک ئێشە و واباشترە دەنکێک خورما بخۆیت لەگەڵ ئاوی شلتێن ئینجا کەمێک شۆربای نیسک بخۆیت . 

١٠. نەکەی دوای بەربانگ راستەوخۆ بخەویت، چونکە کاریگەری زۆری لەسەر تەندروستیت دەبێت بەتایبەتی ئەگەر خواردنەکەت چەور بوو.

یاسین ئەحمەد 
 





ئەم هەواڵە 3226جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad