English | عربی | Kurdî دواهەواڵ
ڕاستەوخۆ  
 
شیعەكان ڕێككەوتن لەگەڵ سەرۆك وەزیرانی راسپێردراو
2020-04-27 [10:22 AM]

ZNA – هەولێر


شەوی رابردوو لایەنە شیعەکان لەگەڵ مستەفا کازمی  راسپێردراو بۆ پێکهێنانی حکومەت کۆبوونەوە و رێککەوتن، لەڕێككەوتنەكەشدا  12 وەزارەتیان لە نێوان خۆیاندا دابەشکرد.

لە دەرئەنجامی ڕێككەوتنەكەیاندا، هاوپەیمانی فەتح سێ وەزارەتی بەردەکەوێت، ئەوانیش وەزارەتەکانی دەرەوە، کار و کشتوکاڵ. هەروەها هاوپەیمانی سائیرون سێ وەزارەتی بەردەکەوێت کە بریتین لە: ناوخۆ، تەندروستی و گواستنەوە.

هەروەها هاوپەیمانی نەسر دوو وەزارەتی بەردەکەوێت، بەڵام تا ئێستا ناوی وەزارەتەکان دیاری نەکراوە. دەوڵەتی یاسا دوو وەزارەتی بەردەکەوێت کە یەکێکیان وەزارەتی خوێندنی باڵا دەبێت.

رەوتی حیکمەی عەمار حەکیم یەک وەزارەتی بەردەکەوێت، کە ئەویش وەزارەتی نەوتە، وەزارەتی رۆشبیریش دەدرێتە بزووتنەوەی ئیرادە.

سەبارەت بە وەزارەتەکانی دیکەش بڕیارە لە كاتژمێرەكانی داهاتوودا یەکلایی بکرێنەوە و ناوەکانیان پێشکەش بە سەرۆکی پەرلەمان بکرێت، بۆ ئەوەی لەم هەفتەیەدا دەنگ بە کابینەکە بدرێت.

سەرۆکوەزیرانی راسپێردراوی عێراق بەردەوامە لە دانوستاندن لەگەڵ لایەنە سیاسییەکان بۆ پێکهێنانی حکومەتەکەی، لەکاتێکدا رێککەوتووە لەسەر دابەشکردنی وەزارەتەکان بەسەر پێکهاتەکان، بەجۆرێک 11 بۆ 12 وەزارەت دەدرێنە شیعە و شەش وەزارەت دەدرێنە سوننە و سێ وەزارەت بۆ کورد دەبن و دوو وەزارەتی دیکەش بۆ پێکهاتەکان دەبن.

 

 





ئەم هەواڵە 2734جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad