English | عربی | Kurdî دواهەواڵ
ڕاستەوخۆ  
 
بۆ یەکەمین جار کۆمپانیایەکی کوردی دەرمان هەناردەی دەرەوەی وڵات دەکات
2020-04-27 [05:46 AM]

ZNA - هه‌ولێر


 

پارێزگای هەولێر له‌ راگه‌یه‌نراوێكدا كه‌ وێنه‌یه‌كی بۆ ئاژانسی هه‌اڵی زاگرۆس هاتووه‌، رایگه‌یاند، ئەمڕۆ 2020.4.27 بەئامادەبوونی د.فرسەت سۆفی پارێزگاری هەولێر و د.محەمەد شوکری سەرۆکی دەستەی وەبەرهێنانی هەرێمی کوردستان و نوێنەری وەزارەتی تەندروستی و بەرێوەبەری گشتی تەندروستی هەولێر، کۆمپانیای ئاوامیدیکا بۆ بەرهەمهێنانی دەرمان بەمیکانزم و ڕێکاری نوێ چەندین جۆر دەرمانی بەرهەمی خۆی هەناردەی دەرەوەی هەرێمی کوردستان کرد، ئەمەش یەکەمجارە کۆمپانیایەکی کوردی بتوانێت دەرمان هەناردە دەرەوەی وڵات بکات.

 

لەمبارەیەوە لەکۆنگرەیەکی ڕۆژنامەوانیدا بۆ کەناڵەکانی ڕاگەیاندن، د.فرسەت سۆفی پارێزگاری هەولێر ڕایگەیاند: "بەناوی خۆم و پارێزگای هەولێر پیرۆزبایی لە کۆمپانیای ئاوامیدیکا دەکەم، بەبۆنەی هەناردەکردنی دەرمان بۆ دەروەی عێراق، ئەمەش هەنگاوێکە ئەوە دەسەلمێنێت کارگەکانی هەرێمی کوردستان بەتایبەت لە بواری دەرمان گەشەسەندنی گەورەی بەخۆییەوە بینیوە، بۆیە ئێمە وەکو ئیدارەی هەولێر جارێکی دیکە تەئکید دەکەینەوە هەرچی لەتواناماندابێت بۆ پشتیوانیکردن و پێشخستنی کەرتی پیشەسازی بەتایبەتی لەبواری دەرمان و وەبەرهێنان لەهەموو بوارەکاندا، بەتایبەتی لەبواری تەندروستی و دەرمان، بە هەموو توانامانەوە پشتوانییان دەکەین، ئەم هەنگاوەی ئەمڕۆش کە ئەم کارگەیە ناویەتی هەنگاوێکە جێگەی دڵخۆشی ئێمەیە، بۆیە سەرەتا پیرۆزبایی لەخۆمان دەکەین ئینجا لەوانی دەکەین، هیوادارین کارگەکانی تر و گەشەسەندنی پیشەسازی لە هەرێمی کوردستان هەمیشە لەبەروەدابێت".

 

پارێزگاری هەولێر هەروەها وتی، "ئەم بۆنەیە بەدەرفەت دەزانم، داوا لە هاوڵاتییانی سنووری پارێزگای هەولێر بکەم، هەنگاوەکانی خۆپارێزی بە ئەوپەڕی ئاگاییەوە بنێن و هەوڵ بدەن پابەندی ڕێنماییە تەندروستییەکان بن، چونکە ئێستا بەهۆی کردنەوەی زۆربەی شوێن و بازاڕەکان پێمان ناوەتە قۆناغی خود پارێزی و تاک پارێزی، ئەگەر خەڵک خۆی خۆی نەپارێزێ لەوانە ئێمە بگەینە قۆناغی زۆر سەخت و بارودۆخەکە لەدەست هەموو لایەکمان دەربچێت، بۆیە من هیوادارم کە خەڵکی سنووری پارێزگای هەولێر بەوپەڕی هێمنی و وریایی مامەڵە لەگەڵ دۆخەکە بکەن، ئێمە بەهیچ شێوەیەک لە قۆناغی مەترسیداری ڤایرۆسی کۆرۆنا دەرنەچووینە، ئەم ڤایرۆسە ئێستا بەهۆی کرانەوەی زۆربەی شوێنەکان و دوکان و بازاڕەکان بەهۆی بەریەک کەوتتنی زیاتر لە هەمووکات زیاتر مەترسیدارە، بۆیە لە هەموو کات زیاتر ئێستا پێویستیمان بە خۆپارێزی هەیە".

 

پارێزگاری هەولێر ڕاشیگەیاند: "کار و کاسبی و ژیان و گوزەرانی خەڵک لەلای ئێمە زۆر گرنگ بووە، بۆیە پێمان وابووە لەمە زیاتر ناکرێ کارو کاسبی خەڵک بوستێنین، ئینجا ئەگەر هاوڵاتییان هاوکار و پابەند بن، ئەوا دەتوانین هانگاوی زیاتر بۆ ئاسیی کردنەوەی دۆخەکە بهاوێژین، بەڵام ئەگەر بە پێچەوانەوەبێ خوانەخواستە، هاوڵاتییان ڕێناماییەکان جێ بە جێ نەکەن، دەکەوینە دۆخێکی مەترسیدار و  بۆی هەیە پاشەکشێ بکەین لەو کرانەوەیی کە ئێستا کراوە".

 

ئاوا مێدیکا کۆمپانیایەکی کوردی تایبەتە بەدروستکردنی دەرمانە لەشاری هەولێر کە سەدەها جۆری دەرمانیان لەبازاڕدا هەیە و ئەمرۆش بەمیکانزمێکی نوێ چەندین جۆر دەرمانی بەرهەمی خۆی هەناردەی دەرەوەی هەرێمی کوردستان کرد.

 





ئەم هەواڵە 2608جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad