English | عربی | Kurdî دواهەواڵ
ڕاستەوخۆ  
 
تووشبوویەکی کۆرۆنا لە هەولێر گیانی لەدەستدا
2020-04-28 [05:13 AM]

ZNA ــ هەولێر


وەزارەتی تەندروستیی هەرێمی کوردستان رایگەیاند، ئافرەتێکی تەمەن 75 ساڵان لە هەولێر کە دانیشتووی گرووپی ئەندازیارانە، دوای گیانلەدەستدانی دەرکەوتووە تووشی کۆرۆنا بووە. 

 

وەزارەتی تەندروستیی هەرێمی کوردستان رایگەیاند، ئافرەتێکی تەمەن 75 ساڵان لە هەولێر کە دانیشتووی گرووپی ئەندازیارانە، دوای گیانلەدەستدانی دەرکەوتووە تووشی کۆرۆنا بووە. 

لە راگەیێندراوێکدا وەزارەتی تەندروستی دەڵێت، لە بەردەوامی پشکنینەکان و گەڕان بەدوای گومانلێکراوان، 11 تووشبووی دیکەی ڤایرۆسی کۆرۆنای نوێ COVID-19 لە پارێزگای هەولێر دەستنیشانکران کە چوار پیاو و چوار ئافرەت و سێ منداڵ بوون. 

بە گوتەی وەزارەتی تەندروستی، ئافرەتێک کە تەمەنی 75 ساڵان بووە و دانیشتووی گرووپی ئەندازیارانی شاری هەولێرە دوای ئەوەی گیانی لەدەستداوە، دەرکەوتووە تووشبووی کۆرۆنایە. تووشبووەکانی دیکەش هەموویان خەڵکی سۆرانن.

لە راگەیێندراوەکەی وەزارەتی تەندروستیدا ئەوەشهاتووە، تووشبووەکانی سۆران هەموویان بەرکەوتووی تووشبووی پێشوون. 

دوای تۆمارکردنی ئەو ژمارەیە لە تووشبوو، ئێستا 366 کەس لە هەرێمی کوردستان تووشی کۆرۆنا بوون، 322 کەسیان چاکبوونەتەوە و پێنج کەسیش گیانیان لەدەستداوە کە چواریان لە سلێمانین و کەسێکیشیان لە هەولێرە.

 

 

لانە ناصح بەرزنجی





ئەم هەواڵە 10363جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad