English | عربی | Kurdî دواهەواڵ
ڕاستەوخۆ  
 
ئەڵمانیا حیزبوڵڵای لوبنانی خستە لیستی تیرۆرەوە
2020-04-30 [09:09 AM]

ZNA-هەولێر


وەزارەتی ناوخۆی ئەڵمانیا حیزبوڵڵای لوبنانی خستە لیستی تیرۆرەوە و لەتەواوی وڵاتەکەی هۆشداری پێداون، ئەوەش گورزێکی دیکەیە بەر بزووتنەوەکە دەکەوێت کە گوزارشت لە بەرژەوەندییەکانی ئێران لە ناوچەکەدا دەکات.

ئەڵمانیا رێکخراوی حزبوڵڵای خستە لیستی تیرۆرەوە و هەموو چالاکییەکانیشی قەدەغەکردووە. هەروەها پۆلیس، هەڵدەکووتنە سەر ئەو دامەزراوە و شوێنانەی سەر بە رێکخراوەکەن.

گوتەبێژی وەزارەتی ناوخۆی ئەڵمانیا لە هەژماری خۆی لە توویتەر دەڵێت، ئۆپەراسیۆنێکی راوەدوونانیان لە ئەڵمانیا ئەنجامداوە، هەڵیانکووتاوەتە سەر ئەو گومانلێکراوانەی کە پەیوەندیان بە حیزبوڵڵاوە هەیە.

ئەڵمانیا ئەو ئۆپەراسیۆنەی لە کاتەکانی بەیانی و بەر لە خۆرهەڵاتن ئەنجامداوە.

خستنی حیزبوڵڵای لوبنانی بۆ نێو لیستی تیرۆر لە 2019ـەوە لە پلان و بەرنامەی حکومەتی ئەڵمانیادا هەیە، ئەمە دوای هەستکردن بە زیادبوونی کار و چالاکییەکانی کەسانی سەربە بزوتنەوەکە لەو وڵاتەدا. هاوکات پەرلەمانی ئەڵمانیا مانگێک دەبێت هۆشداریداوەتە حیزبوڵڵای لوبنانی لە هەر کردەوەیەکی سەربازی و سیاسی.

یەکێتیی ئەورووپاش دەمێکە حیزبوڵڵای خستووەتە لیستی تیرۆرەوە، باڵی سیاسی ئەو بزووتنەوەیە هەوڵی کۆکردنەوەی هاوکاری دارایی داوە و لە رێگەیەوە سەرنجی ئەندامی نوێی لە ئەوروپا بۆ خۆی راکێشاوە، بە گوتەی بەرپرسانی ئەوروپی، "مەبەستیانە ئایدۆلۆژیای تیرۆریستی لە ئەوروپا بڵاوبکەنەوە".





ئەم هەواڵە 316جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad