 |
|
|||
ZNA – هەولێر راوێژكارێكی سه‌رۆك وه‌زیرانی عێراق رایدەگەیەنێت، رێككەوتنی عێراق و چین بەردەوامە و بە ئەنجوومەنی بوونیاتنانەوە دەبەسترێتەوە. مەزھەر محەمەد ساڵح، راوێژكاری دارایی سەرۆك وەزیرانی عێراق بەمیدیاكانی گووت: رێككەوتنەكەی نێوان عێراق و چین بۆ 20 ساڵ بەردوەوام دەبێت، بەڵام ئەو دەستكەوتەی لە 100 ھەزار بەرمیلی نەوتەوە تۆماردەكرێت، تایبەته بە سندوقی ھاوبەش و توانای ئەنجامدانی وەبەرھێنانی گەورەی نابێت. ساڵح روونیشی كردەوە، رێككەوتنەكە لە بواری ژێرخان بەردەوام دەبێت و بە دامەزراندنی ئەنجوومەنی بوونیاتنانەوە دەبەسترێتەوە و سەرچاوەی سەربەخۆی دەبێت و ھەر لەگەڵ باشبوونەوەی نرخی نەوت لە بازاڕەكانی جیھان، بەشێوەیەكی باشتر كارەكانی ناو رێككەوتنەكە جێبەجێدەكرێت . ئەمە لەكاتێكدایە لە ئەیلوولی 2019، عێراق و چین لەسەر 8 گرێبه‌ست و یاداشتنامەی لێكتێگەیشتن رێككەوتوون، بە مەبەستی بووژانەوەی ئابووری عێراق. ئەم هەواڵە 13450جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad