English | عربی | Kurdî دواهەواڵ
ڕاستەوخۆ  
 
ئەحمەد سەفار: ئامادەکاری دەکرێت بۆ ناردنی رەشنووسی بوودجەی ٢٠٢٠ بۆ ئەنجومەنی نوێنەرانی عێراق
2020-05-12 [12:03 PM]

ZNA-ھەولێر


بڕیاردەری لێژنەی دارایی لە ئەنجومەنی نوێنەرانی عێراق رایگەیاند، مستەفا كازمی پەلەیەتی بۆ ئامادەكردنی رشنووسی بوودجەی ساڵی ٢٠٢٠ی عێراق و ناردنی بۆ ئەنجومەنی نوێنەرانی عێراق، چونكە ئەگەر بودجە نەبێت، ناتوانێت كار بكات.

دکتۆر ئەحمەد سەفار، بڕیاردەری لێژنەی دارایی لە ئەنجومەنی نوێنەرانی عێراق ئاژانسی ھەواڵی زاگرۆسی ڕاگەیاند: "ئێستا كار بۆ ئامادەكردنی بودجەی ساڵی٢٠٢٠ی عێراق دەكرێت و حكوومەتی  تازەی عێراق بە سەرۆكایەتیی مستەفا كازمی پەلەیەتی بۆ ئامادەكردنی بوودجە و ناردنی بۆ ئەنجومەنی نوێنەرانی عێراق، چونكە ئەگەر بودجە نەبێت، ناتوانێت كار بكات".

بڕیاردەری لێژنەی دارایی لە ئەنجومەنی نوێنەرانی عێراق گووتی: ئەگەر حكوومەت بودجەی نەبێت، ناتوانێت بە یەك لەسەر ١٢ی بودجەی ساڵی ڕابردوو كاری خۆی بكات، ئەو كاری زۆری هەیە و ئاستەنگیی زۆریشی هەیە و وەزارەتی دارایی ڕەشنووسێكی بوودجەی ساڵی٢٠٢٠ی عێراقی ئامادە كردووە و پێویستی بە چاوخشاندنەوە و ڕەزامەندیی ئەنجوومەنی وەزیران هەیە. 

دکتۆر ئەحمەد سەفار، بڕیاردەری لێژنەی دارایی لە ئەنجومەنی نوێنەرانی عێراق ئەوەشی بە ئاژانسی ھەواڵی زاگرۆس راگەیاند: کە پێشبینی دەکەین لە ماوەی دوو بۆ سێ هەفتەی داهاتوودا رەشنووسی بودجەی ساڵی٢٠٢٠ی عێراق بنێردرێتە ئەنجومەنی نوێنەرانی عێراق، چونكە ئەو بودجەیە بوودجەیەكی تایبەت و خێرایە و بۆ ماوەی شەش مانگە، دەبێت سەرۆک وەزیرانی نوێ موستەفا کازمی پەلە بکات و زوو رەوانەی ئەنجومەنی نوێنەرانی عێراق بکات. 

ھەروەھا لەسەر ئەو کۆبوونەوانەی کە لە نیوان شاندی حکومەتی ھەرێمی کوردستان بۆ بەغدا لەگەل بەرپرسان و لایەنەکان ئەنجامیاندا، دکتۆر ئەحمەد سەفار ئەوەی خستەروو، ئەو لێکتێگەیشتنەی لە نێوان شاندی حکوومەتی هەرێمی کوردستان و عێراقدا دروست بووە، هەوڵ دەدرێت لە بوودجەی ساڵی٢٠٢٠ی عێراقدا رەنگ بداتەوە، ھەروەھا بۆ بواری نەوت، بودجە ئەو لێكتێگەیشتنەی هەیە و دەكرێت رێككەوتن و لە بووجەی ساڵی٢٠٢٠ی عێراقدا رەنگ بداتەوە.


رێباز یونس





ئەم هەواڵە 5743جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad