English | عربی | Kurdî دواهەواڵ
ڕاستەوخۆ  
 
له‌ به‌رامبه‌ر لێدوانێكی سه‌رۆكی ئه‌فغانستان تالیبان هێرشێكی خۆكوژی ئه‌نجام ده‌دات
2020-05-14 [02:19 AM]

ZNA - هه‌ولێر


 

لە ئاکامی هێرشێکی خۆکوژی لە هەرێمی پاکتیا لە ڕۆژهەڵاتی ئەفغانستان پێتج کەسی سیڤیل کوژراون و بەلانی کەم 29 کەسیش بریندارن، تاڵیبان بەرپرسیارێتی خۆی لەو هێرشە ڕاگەیاندووە و دەشڵێت ئەو هێرشە تۆڵەکردنەوەیەکە لە لێدوانەکانی ئەشرەف غەنی سه‌رۆكی ئه‌فغانستان.

بەپێی لێدوانەکانی به‌رپرسانی ئەفغانستان ئامانجی هێرشبەرەکە بنکەیەکی سەربازی بووە، بەڵام بەر لەوەی بگاتە شوێنی مەبەست خۆی تەقاندۆتەوە.

تاڵیبان بەرپرسیارێتی خۆی لەو هێرشە ڕاگەیاندووە و دەشڵێت ئەو هێرشە تۆڵەکردنەوەیەکە لە لێدوانەکانی ئەشرەف غەنی سه‌رۆكی ئه‌فغانستان کە هێرشەکەی سەرەتای ئەم هەفتەیە کرایە سەر نەخۆشخانەیەکی منداڵ بوون و 24 کەسی تیادا کوژران، به‌رپرسیارییه‌تییه‌كی خستبووه‌ ئەستۆی تاڵیبان.

دوو منداڵی ساوا لە نێو کۆژراوەکانی ئەو نەخۆشخانەیەدا بوون.

ڕۆژی سێشەممە، تاڵیبان نکوڵی کرد لەوەی هیچ پەیوەندییەکی بەو هێرشەوە هەبووبێت و ناڕەزاییەکی توندیشی دەربڕی.

زاڵمای خەلیلزاد، نێردراوی ئەمریکا بۆ ئاشتی لە ئەفغانستان داوای لە حکومەتی وڵاتەکە و لە تاڵیبانیش کرد تا پێکەوە کار بۆ لەناوبردنی تێرۆریزم بکەن، بە تایبەتیش لە لقی ڕێکخراوی دەوڵەتی ئیسلامی لە ئەفغانستاندا.

چەکدارەکانی تاڵیبان و دەوڵەتی ئیسلامی ڕکابەری یەکترن.

کاربەدەستانی ئەمریکایی و ئەفغانستانیش دەڵێن لەم چەند مانگەی ڕابردوودا دەوڵەتی ئیسلامی لاواز بووە بەهۆی بۆردومانکردنی بنکەی ئەو ڕێکخراوە لەلایەن ئەمریکاوە و هەروەهاش بەهۆی هێرشەکانی هێزە ئاسایشییەکانی ئەفغانستانە و تاڵیبانەکانیشەوە.





ئەم هەواڵە 7486جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad