English | عربی | Kurdî دواهەواڵ
ڕاستەوخۆ  
 
پێكھاتەكان ھاووڵاتی رەسەنی كوردستانن خاوەنی بریاری سیاسی خۆیانن
2020-05-15 [06:17 AM]

نوسینی : وەیسی سەعید وەیسی


پێکەوە ژیانی ئایینی و نەتەوەیی یەكێ لە خەسلەتە جوان و دیارەكانی كۆمەڵگای كوردستانییە كە لە سەر بنەمای دانپیانان بەیەكتری دروست دەبێت بەو جۆرەی ھەمووان مافی بوونیان ھەیە و مافی جیاوازیشیان ھەیە لەرووی نەتەوە و ئایین و زمان كە تەنھا لەسەر ئەم جیاوازیەش دەتواندرێت بنچینەی ژیانی مرۆڤایەتی دروست بكەین لە دێرین زەمانەوە لەگەل ئەوەی کوردستان بە چەندین قۆناغی جۆراوجۆر گوزەری کردووە بەلام هەمیشە شوێنی پێكەوە ژیانی ھەموو ئایین و نەتەوە و مەزھەبێک بووە كە كوردستانیان بە جیاوازی ئایین و زمان و بیرو بۆچوونەوە لە ژێر چەترە گەورەكەی كوردستان كۆبووینەوە وە ئیماندارانی سەرجەم ئایینەكان بەیه‌كەوە سەرقالی بەجێ گەیاندنی ئەركەکانیان بووینە تەنانەت ئەم واقیعەی كە لە كوردستاندا بوونی بوویتە مایەی ستایش و پێزانینی كۆمەلگەی نێودەولەتی وە بەبایەخەوە لێ دەروانن بۆیەش لە راپۆرتی سالانەی خۆی دا کۆمیسیۆنی ئەمریکی بۆ ئازادییە ئایینییەکان تیشکی خستۆتە سەر پێکەوە ژیانی نێوان پێکھاتەکان لە ھەرێمی کوردستان وەک پەناگەیەکی ئارام بۆ راگوێزراوان و لێقەوماوەکان لە پێکھاتە ئایینی و مەزھەبییەکان وەسف دەکات كە ئەمەش مایەی شانازییە بۆ خەلکی کوردستان و سەروەریەكەی دەگەرێتەوە بۆ تێگەیشتنی گەلی كوردستان لە حەقیقەتی ئیسلام وەك ئایینێكی لیێبوردە و میهرەبان وێرای ئەوەی رێبەرانی بزوتنەوەی رزگاریخوازی كوردستان ھەمیشە فاكتەرێكی گرنگ بووینە بۆ چەسپاندن و بلاوكردنەوەی بنەماكانی پێكەوە ژیان و داكۆكی كردن لە مافی پێكهاتەكان بۆیەش گەر تەنها گوندی(بارزان) بە نموونە بهێنینەوە ئەم راستیەمان بۆ بەدیار دەكەوێت كە جگە لە وەی (بارزان) لانكی شۆرش و كوردایەتی بووە لە هەمان كاتیشدا لە سایەی حوکمرانی شێخ عبدالسلام بارزانی باوەردارانی چەندین ئایین بەبێ جیاوازی لە ئەرك و ماف دا یەكسان بووینە و هەستیان بە هیچ جیاوازێك نەدەكرد و شوێنی ئایینی باوەردارانی ھەرسێ ئایین (موسلمان -مەسیحی -جوو) لەتەک یەک بوون بۆیەش كاتێك قەشەی بەناوبانگ (وێكرام) دێتە دەڤەری بارزان دەبینی شێخ عبدالسلام بارزانی زیاتر لەوان لە خەمی باوەردارانی ھەموو ئایینەکان دایە بێ جیاوازی   خۆشحال و سەرسام دەبێت بە شێخ دەلێت ئەوی تۆ دەكەی بۆ پێكەوەبوون بە ئێمە ناكرێت بۆیە دەگەرێتەوە وە نەبێت پاراستنی ئەم فەرهەنگە جوانەیە  تەنها لە قۆناغێك لە قۆناغەکانی مێژوو دابووبێت بەڵكو بە درێژایی مێژوو هەمیشە هەولی پاراستن و قولكردنەوەی ئەم کولتوورە دراوە تەنانەت لەسەردەمی شۆرشی ئەیلوولی مەزنیش ھەموو پێکھاتە ئایینی و نەتەوەیی و مەزھەبییەکان لەژێر سەرکردایەتی بارزانی نەمر بۆ یەک ئامانج و مەبەست کۆبونەوە كە رزگاری نیشتیمان بوو کە سەرەنجام خودی بارزانی نەمریش بوە پارێزەری مافەکانیان ووای کرد حکومەتی ئەو کاتی عیراق دان بەمافی ھەموو نەتەوە و ئایینەکان دابنێت لە کوردستاندا تەنانەت دوای رێکەوتنامەی (11)ئادار لەگەل ئەوەی بەپێ یاسای ئەوکاتی عیراق رێگاپێ نەدراو بوو کە کەسێکی ناموسلمان ببێتە قائیمقام بەلام پێ داگیری و سووربوونی بارزانی نەمروای کرد رەحمەتی (فرەنسۆ ھەریری ) کە بە ئایین ئاشوری بوو بکرێتە یەک قائیمقامی قەزای چۆمان بۆیەش لە خەباتی شاخ و شۆرشگێریشدا لە پێنا و پاراستنی کوردستان خوێنی ئیماندارانی ھەموو ئایینەکان تێکەلاوی یەکتربوونە و لەزۆر شوێنیشدا لە تەک یەکتردا نێژراون وێرای ئەوەی دوایی ئازادی کوردستان وھاتنە ئارای پەرلەمان و حکومەتی کوردستان ھەول درا لە رێگای ستەمی کۆتا مافی ھەموو پێکھاتەکان بپاریزێت و نوێنەری ھەمووان لەو دامەزراوە یاساییە ھەبێت كە یەكەمین یاساش لە پەرلەمانی كوردستان دەرچوو یاسای ژمارە(1)ی سالی (1992)ی ھەلبژاردنی پەرلەمانی كوردستان بوو كە لەرێی سیتەمی كۆتا مافی پێكھاتەكانی لە نێو پەرلەماندا مسۆگەر كرد ھەروەھا بە یاسای ژمارە(5)ی سالی (2015) مافی پێكھاتەكانی لە دەسەلاتی راپەراندن و سەرجەم دام ودەزگاكان مسۆگەركرد كە مایەی خۆشحالیشە ھەموو دەم سەرۆك مسعود بارزانی وەك درێژە پێدەری ستراتیژیەت و رێبازی بارزانی نەمر پارێزگاری لە مافی ھەموو پێكھاتەكانی كردوو لە ماوەی چەند ساڵی رابردووشدا كاتێك گروپی تیرۆرستی داعش هێرشی سەر كوردستانی كرد هەولی تێكدان و درز دروستكردن بوون لە نێوان پێكهاتەكان  هێزی پێشمەرگەی كوردستان لەژێر رێنمایی و فەرمانەکانی سەرۆک بارزانی لە پێناو پاراستنی ئەم بەها جوانەیە فیداكارێكی كەم وێنەیان  نواند و پارێزگاریان لە هەموو ئایین و نەتەوەێك كرد کە ھەرێمی كوردستانیش بووە پەناگەیك بۆ ئاوارە و لێقەوماوان لەسەرجەم پێكهاتەكان كە بەهۆی رەوشی نالەباری عیراق روویان لە هەرێمی كوردستان كردبوو ، بۆیەش لە ئان وساتێكی وەك ئێستای كوردستان دا لەبەر ھەبوونی ھەلوێستی تایبەتی خۆیان لەسەر ماددەێكی پەیرەوی لە پەیرەوی ناوخۆی پەرلەمانی كوردستان وە بەشداریان لە دانیشتنی ھەلگرتنی پارێزبەندی لەسەر سۆران عمر بەداخەوە رووبەرووی شەپۆلێكی ھێرشێك كردن بووینەوە كە ئەمەش مایەی سەرنج وتێرامانە چونكە پێکهاتەکان هاووڵاتی رەسەنی هەرێمی کوردستانن و دەبێ خاوه‌ن بڕیارى سیاسى خۆیانن.ھەرھێرشکردنە سەر پێکھاتەکانیش بەھەر بیانووێك بێت ئەوا بەدلنیایەوە بە خاڵی لاوازی ئەو لایەنانەی دەزانێت چونكە پێكهاته‌كان له‌ به‌ره‌ی كوردستانین و لایه‌نگیری هیچ حزبێك ناكه‌ین، به‌ڵام مافی خۆیانە هاوپه‌یمانێتی له‌گه‌ڵ هه‌ر حزبێك بكه‌ن كه‌ لە رابردو و ئێستاشدا ھەمیشە پارێزگاری له‌ ماف و ئیمتیازاته‌كانی  ئەوانی كردوە
گرنگە ھێرشەکان بۆ سەر پێھاتەكان رابگرێن و بەو تێروانینەیە مامەلەیان لەگەل نەكرێت ئەگەر لەگەڵ  بەرژەوەندی لایەنێك دابنئە وا باشن ئەگەریش لەگەڵ ئەوان نەبن خراپین.ھەروەك سەرۆک مسعود بارزانیش لە پامێكدا بۆ ڕای گشتیی کوردستان داوا دەكات ئەو هێرشە ناڕەوایەی دەکرێتە سەر پێکهاتە نەتەوەیی و ئایینییەکانی کوردستان رابگیرێت ، کە بە بەرێزشیان بە هەموو توانایەک پشتگیریان لێ دەكات چونكە بەشێکی دانەبڕاون لە گەلی کوردستان و  هەموو مافێکیان پارێزراوە .





ئەم هەواڵە 304جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad