English | عربی | Kurdî دواهەواڵ
ڕاستەوخۆ  
 
کۆمەڵەی زەحمەتکێشانی کوردستان راگەیەندراوێکی لەبارەی کوژرانی پێشمەرگەیەک بڵاوکردەوە
2020-05-17 [11:10 AM]

ZNA-هەولێر


راگەیاندنی ستادی نیزامی کۆمەڵەی زەحمەتکێشانی کوردستان لە راگەیەندراوێک ئاماژەی بەوە کردووە، بەهۆی دەمەقاڵێ لە نێوان دوو پێشمەرگەیان، تەقە کراوە و پێشمەرگەیەک بە ناوی ئاروین ئەسڵانی گیانی لەدەستداوە و یەکێکی دیکەش بە سوکی بریندار بووە.

لە راگەیەندراوەکە هاتووە، دۆخەکە کۆنترۆڵ و ھێور کراوەتەوە و تەرمی ھاوڕێ ئاروین ھاتەوە ناوەندی سەرکردایەتی کۆمەڵەی زەحمەتکێشان و بەخاکسپێردراوە.

دەقی راگەیەندراوی ستادی نیزامی کۆمەڵەی زەحمەتکێشانی کوردستان:

  بە داخێکی گرانەوە ڕایدەگەیەنین کە سەعاتی ٩ شەوی ڕابردوو بەھۆی دەمەقاڵەیەک، تەقەکردن لە نێوان ھاوڕێیانی پێشمەرگە لە بناری ھەڵگورد دروست دەبێت کە بەوھۆیەوە ھاوڕێیەکمان بە ناوی ئاروین ئەسڵانی گیانی لە دەست دەدا و پێشمەرگەیەکی دیکەش بریندار دەبێ کە برینەکەی سوکە.

لە ئێستادا دۆخەکە کۆنترۆڵ و ھێور کراوەتەوە و تەرمی ھاوڕێ ئاروین ھاتەوە ناوەندی سەرکردایەتی کۆمەڵەی زەحمەتکێشان و ئەسپەردە کرا.

  ھاوڕێیانمان سەرقاڵی لێکۆڵینەوەی وردتر لە ڕوداوەکەن. پێویستە بڵێین لە دوێنێشەوەوە دۆستان و ھاوڕێیان بەوپەڕی دڵسۆزییەوە بە ھەموو شێوەیەک پەیوەندییان پێوەکردوین و ھاوسۆزییان دەربڕیوە، لێرەوە سپاسی ھەموویان دەکەین. ھەر زانیاریەکی نوێ بە ئاگاداری گشتیی دەگەیەنین.

ستادی نیزامی کۆمەڵەی زەحمەتکێشانی کوردستان

٢٧. ٢. ١٣٩٩





ئەم هەواڵە 550جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad