English | عربی | Kurdî دواهەواڵ
ڕاستەوخۆ  
 
فەرمی.. خولی ئیتاڵیا له‌م كاته‌ ده‌ست پێده‌كاته‌وه‌..
2020-05-30 [09:30 AM]

ZNA - ھەولێر


دەستەی خولی ئیتاڵیا، بەفەرمی کاتی دەستپێکردنەوەی یارییەکانی خولی ئیتاڵیای راگەیاند و رۆژی ئەنجامدانی یاری کۆتایی جامی ئیتاڵیاشی دیاریکرد.

خولی ئیتاڵیا لە سەرەتای ئاداری رابردووە، بەهۆی بڵاوبوونەوەی ڤایرۆسی کۆرۆنا، وەک سەرجەم چالاکییەکانی دیکەی وەرزشی راگیرا.

دەستەی خولی ئیتاڵیا بڕیاری فینچێنزۆ سپادافۆرای وەزیری وەرزشی ئیتاڵیای پەسەند کرد، کە رۆژی 20ی حوزەیرانی دیاریکردووە بۆ دەستپێکردنەوەی یارییەکانی سێریا ئەی.

 

یارییەکی سێریا ئەی

دەستەی خولی ئیتاڵیا لە بڵاوکراوەیەکی فەرمیدا رایگەیاند، کە بەشێوەی ڤیدیۆ کۆنفرانس لەگەڵ نوێنەری هەر 20 یانەی سێریا ئەی کۆبووەوە و هەموویان لەسەر ئەوە رێککەوتن کە ئەو 4 یارییەی سێریا ئەی لە گەڕی 25دا دواخرابوون، لە رۆژانی 20 و 21ی حوزەیران بەڕێوەبچن و یارییەکانی گەڕی 27 لە 22ی حوزەیران ئەنجام بدرێن.

ئەو 4 یارییەی دواخراون بریتین لە یارییەکانی، ئاتالانتا و ساسۆلۆ، ڤيرۆنا و كالياري، ئینتەرمیلان و سامپدۆريا، تۆرينۆ و پارما.

دەستەی خولی ئیتاڵیا، لە بڵاوکراوەکەیدا ئاماژەی بۆ ئەوەش کردووە کە یاری کۆتایی جامی ئیتاڵیاش لە 17ی حوزەیران بەڕێوەدەچێت و دەشڵێت "لە رۆژانی کەمی داهاتوودا کات و شوێنی یارییەکانی گەڕی 27 لە لایەن دەستەی خولی ئیتاڵیاوە ئاشکرا دەکرێت".

 

 

رووداو

 





ئەم هەواڵە 310جار خوێندراوەتەوە
 
 
ڤیدیۆ گەلەری
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad