English | عربی | Kurdî دواهەواڵ
ڕاستەوخۆ  
 
مه‌سرور بارزانی: گرنگه‌ پابه‌ندی بڕیاری قه‌ده‌غه‌ی هاتوچۆ بین
2020-06-01 [05:17 AM]

ZNA - هه‌ولێر


مه‌سرور بارزانی، سه‌رۆكی حكومه‌تی هه‌رێمی كوردستان، لەبارەی راگەیاندنی شەش رۆژ قەدەخەی هاتووچۆ لە هەرێمی کوردستان لە توویتێکدا رایگەیاند، "لەپێناوی پاراستنی سەلامەتیی هەموومانە". 

 له‌ تویته‌كه‌یدا سه‌رۆكی حكومه‌تی هه‌رێمی كوردستان رایگه‌یاند، "ئێستا، كه‌ قه‌ده‌غه‌ی هاتوچۆ بۆ ماوه‌ی شه‌ش رۆژ له‌ سه‌رانسه‌ری هه‌رێمی كوردستان ده‌چێته‌ واری جێبه‌جێكردنه‌وه‌. ئه‌م بڕیاره‌ له‌ پێناو پاراستنی ته‌ندروستیمانه‌، ئه‌مه‌ش به‌هۆی زیادبوونی ژماره‌ی تووشبووانی كۆرۆنا به‌شێوه‌یه‌كی به‌رچاو".

هه‌روه‌ها راشیگه‌یاندووه‌، "بۆیه‌ گرنگه‌ پابه‌ندی بڕیاره‌كه‌ ببین و به‌شێوه‌یه‌كی به‌رده‌وام رێنماییه‌ ته‌ندروستییه‌كان له‌به‌رچاو بگرین".

دوای ئه‌وه‌ی وه‌زاره‌تی ته‌ندروستی حكومه‌تی هه‌رێمی كوردستان، پێشنیازیكرد، قه‌ده‌غه‌ی هاتوچۆ رابگه‌یه‌ندرێت، له‌ پێناو به‌رگرتن له‌ بڵاوبوونه‌وه‌ی په‌تای كۆرۆناو له‌به‌ر ئه‌وه‌ی ژماره‌ی تووشبوو به‌رزبووه‌وه‌، وه‌زاره‌تی ناوخۆ بڕیاری قه‌ده‌غه‌ی هاتوچۆی راگه‌یاند، و له‌ كاتژمێر (06:00)ی ئێواره‌ی ئه‌مڕۆ، دووشه‌ممه‌ (1ی حوزه‌یران/ یۆنیۆی 2020)، له‌سه‌ر بنه‌مای به‌یانی ژماره‌ (38)ـی رۆژی (31ی ئایار/ مایۆی 2020)ـی وه‌زاره‌ت ده‌چێته‌ بواری جێبه‌جێكردنه‌وه‌ و بۆ ماوه‌ی (6) رۆژ به‌رده‌وام ده‌بێت.

هاوكات وه‌زاره‌تی ته‌ندروستی مه‌ترسیداری هه‌لومه‌رجی ته‌ندروستی هه‌رێمی راگه‌یاند و ته‌نیا دوێنێ له‌ سنووری پارێزگای سلێمانی (102) حاڵه‌تی تووشبوون به‌ كۆرۆنا تۆمار كران.

 





ئەم هەواڵە 3178جار خوێندراوەتەوە
 
 
ڤیدیۆ گەلەری
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad