English | عربی | Kurdî دواهەواڵ
ڕاستەوخۆ  
 
لە یانەی بارسێلۆنا 7 کەس تووشی کۆرۆنا بوون
2020-06-02 [08:25 AM]

ZNA - هەولێر


حەوت تووشبووی ڤایرۆسی کۆرۆنا لە یانەی بارسێلۆنا تۆمارکران، کە پێنجیان یاریزانن.

میدیای ئیسپانیا رایگەیاند، دوای ئەوەی پشکنینی تایبەت بە کۆرۆنایان بۆ ئەنجامدرا، پێنج یاریزان و دوو ئەندامی دەستەی هونەری یانەکە ئەنجامەکانیان ئەرێنی بووە و تووشی کۆرۆنا بوون، بەبێ ئەوەی هیچ نیشانەیەکیان لێ دەربکەوێت.

ناوی هیچ یەکێک لەو کەسانە ئاشکرا نەکراوە کە لە یانەکەدا هەڵگری ڤایرۆسەکەن، بەڵام سەرەرای ئەمەش یانەکە رۆژی دووشەممە بۆ یەکەمجار بەشێوەی کۆمەڵ مەشق و راهێنانەکانی ئەنجامدا، بۆ ئەوەی بۆ یارییەکانی لالیگا ئامادەبێت.

تۆمارکردنی ئەم حەوت کەسە وەک تووشبووی ڤایرۆسی کۆرۆنا، بارودۆخی یانەکە ئاڵۆز دەکات و کاریگەریی لەسەر دەستپێکردنەوەی یارییەکانی لالیگا و مەشقەکانی یانەکەش دەبێت، لەکاتێکدا پێش گەڕانەوەی یانەکان بۆ مەشقەکانیان، پشکنین بۆ سەرجەم یاریزانان و ئەندامانی تایبەت بە یانەکان کراوە.

بارسێلۆنا ئێستا بەشێوەیەکی ئاسایی خۆی بۆ دەستپێکردنەوەی لالیگا ئامادەدەکات، لە رۆژی یەکەمی مەشقەکاندا ساموێل ئومتیتی فەرەنسی تووشی پێکان بوو، ئانسو فاتیش بەهەمان شێوە پێکانی هەیە.

دوای دەستپێکردنەوەی یارییەکانی لالیگا، رۆژی 13ـی ئەم مانگە لە دەرەوەی یاریگەی خۆی بەرامبەر یانەی ریال مایۆرکا یارییدەکات.

یارییەکانی لالیگا 11ـی ئەم مانگە بە یاریی نێوان هەردوو یانەی سێڤییا و ریال بێتیس دەستپێدەکاتەوە، لە هەموو رۆژەکانی هەفتەدا یارییەکان دەکرێن.

 

رووداو





ئەم هەواڵە 10492جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad