English | عربی | Kurdî دواهەواڵ
ڕاستەوخۆ  
 
پەرلەمانتارێك زانیاری سەبارەت بە رەتكردنەوەی خانەنشینی پەرلەمان ئاشكرا دەكات
2020-06-03 [11:36 AM]

​ZNA – هەولێر


پەرلەمانتارێكی فراكسیۆنی پارتی سەبارەت بە رەتكردنەوەی خانشینی ئەندامانی پەرلەمان دەڵێت، تاوەكو ئێستا كەس فۆڕمەكەی پڕی نەكردۆتەوە بەڵام هەندێك بۆ موزایەدەی سیاسی پڕی دەكەنەوە منیش خانەنشینی رەت ناكەمەوە.

حاجی سەفین گەردی پەرلەمانتاری فراكسیۆنی پارتی دیموكراتی كوردستان بەئاژانسی هەواڵی زاگرۆسی راگەیاند: " فۆرمەك لەسەرۆكایەتی پەرلەمان بۆ ئیدارەی پەرلەمان رەوانە كرابوو سەبارەت بەوەی ئەوەی دەیەوێت خانەنشینی رەت بكاتەوە و دەستبەرداری بێت، دەبێت ئەو فۆرمە پڕبكاتەوە، بەڵام ئەوەی من ئاگادار بم كەس ئەو فۆرمەی پڕنەكردۆتەوە.

ئەو گوتیشی: تاوەكو دواین كۆبوونەوە كە هەفتەی رابردوو ئەنجاممان دا،  كەس فۆڕمەكەی پڕ نەكردبۆوە، هەروەها پێشبینی ناكەم كەس پڕی بكاتەوە دەست بەرداری خانەنشینی بێت، ئەوەش دەمینێتەوە بۆ ئەوكاتەی ئەو خولە تەواو بی ئەوەی بیەوێت خانەنشین دەبێت و ئەوەی نەیەوێت فۆرمەكە پردەكاتەوە داوای خانەنشینی ناكات.

سەبارەت بەوەی ئەو پەرلەمانتارە فۆرمە پڕدەكاتەوە حاجی روونی كردەوە:" من ئەو فۆرمە پرناكەمەوە چونكە لەسەرۆكایەتی پەرلەمانەوە هاتووە ئەویش لەفراكسیۆنی یەكێتی یە بۆیە من پڕی ناكەمەوە ، وەبرواش ناكەم پەرلەمانتارەكانی پارتیش پڕی بكەنەوە ،تاوەكو ئێستاش كەس پڕی نەكردۆتەوە بەڵام رەنگە هەندێكیش بۆ موزایەدەی سیاسی فۆڕمەكە پڕبكەنەوە."

 رێواز فایەق سەرۆكی پەرلەمانی كوردستان گوتی: "سەبارەت بە پەرلەمانتارانی خولەكانی پەرلەمانی كوردستان بە گوێرەی یاسای چاكسازی، تەمەن و خزمەتیان هەرچەند بێت و بڕوانامەیان هەرچی بێت، دەتوانن دەستبەرداری خانەنشینی ببن وەك پەرلەمانتار، هاوكات پەرلەمانتارانی خولی ئێستای پەرلەمانیش دەتوانن لە دوای بەركاربونی یاساكە و لە ماوەی 30 رۆژدا فۆرمی رەتكردنەوەی خانەنشینی لە دیوانی پەرلەمان پڕبكەنەوە".

جەنگاوەر عەزیز





ئەم هەواڵە 3358جار خوێندراوەتەوە
 
 
ڤیدیۆ گەلەری
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad