English | عربی | Kurdî دواهەواڵ
ڕاستەوخۆ  
 
وەزارەتی خوێندنی باڵا سکۆلەرشیپی خوێندنی ماستەر لە کۆریا ڕادەگەیەنێت
2020-06-03 [03:44 AM]

ZNA- ھەولێر 




وەزارەتی خوێندنی باڵا و توێژینەوەی زانستی سکۆلەرشیپی خوێندنی ماستەر لە وڵاتی کۆریا بۆ ساڵی خوێندنی(٢٠٢٠-٢٠٢١) بۆ فەرمانبەرانی وەزارەتی خوێندنی باڵا و توێژینەوەی زانستی ڕادەگەیەنێت، لەو چوارچێوەیەدا فەرمانبەرانی سەر بەوەزارەتی خوێندنی باڵا و توێژینەوەی زانستی ئاگادار دەکەینەوە کە وڵاتی کۆریا ژمارەیەک سکۆلەرشیپی خوێندن لە بواری جیا جیا پێشکەش بە وەزارەت کردوە بەمەبەستی خوێندنی ماستەر بەم شێوەی خوارەوە:
•    ماستەر:
•    پێشکەشکار دەبێت  فەرمانبەر بێت لە دامەزراوەکانی سەر بە وەزارەتی خوێندنی باڵا و توێژینەوەی زانستی لە ھەرێمی کوردستان.
•    پێشکەشکار دەبێت بە لایەنی کەم دو ساڵ خزمەتی ھەبێت لە پاش بە دەستھێنانی دوایین بڕوانامە.
•    دەبێت کۆنمرەی بەکالۆریۆسی لە (٪٦٥) کەمتر نەبێت.
تێبینی: ئەو بەڕێزانەی کە ئەنجامەکانیان بە پلەی (مام ناوەند، باش، زۆر باش، نایاب یا لە سەر ١٠٠ نیە) لە بڕوانامەکانیان نوسراوە، دەبێت لە لایەنی پەیوەندیدار بیگۆرن بۆ نمرە (بۆ نموونە ٦٥)، بە پێچەوانەوە دواجار لە وەزارەتەکەمان کاری لەسەر ناکرێت.
•    دەبێت تەمەنی پێشکەشکار لە (٤٠) ساڵ زیاتر نەبێت.
•     دەبێت پێشکەشکار بە لایەنی کەم ئاستی زمانی ئینگلیزی (٥) IELTS یان ھاوتاکەی لە (TOEFL) و ئایلتس و پی تی ئی بێت. خشتەی بەراوردکاری تێستی زمان ھاوپێچە.

•    داواکار دەبێت لە ھەمان بواری خۆی داواکاری بۆ بەرنامەی ماستەر پێشکەش بکات. (واتە بەکالۆریۆس و ماستەرەکەی لە ھەمان بوار بێت).
•    کاندیدی سەرکەوتو، ئەوا لەلایەن وەزارەتی پەیوەندیدار تەنھا مۆڵەتی خوێندنی پێدەدرێت واتە بە موچەی بنەڕەتی و دەرماڵەی جێگیرەکان.
•    کاندیدی سەرکەوتو لەلایەن وڵاتی کۆریا پشتگیری دارایی دەکرێت. وەک ئەوەی کە لە ماڵپەڕی سکۆلەرشیپکە دەستنیشانکراوە.
•    دۆکیومێنتەکان ڕەوانە بکەن.
•    بۆ زانیاری زیاتر تکایە سەرنجی فایلی پی دی فی ھاوپێج بدەن و سەردانی ئەم ماڵپەڕە بکەن:
http://www.koica.go.kr/ciat/index.do
تکایە فۆڕمی تایبەت بەم سکۆلەرشیپیە لەگەڵ تەواوی دۆکیومێنتی پێوسیت بۆ وەزارەتەکەمان/ بەڕێوەبەرایەتی پەیوەندییەکان رەوانە بکەن بەم شێوەی خوارەوە:
تەواوی دۆکیومێنتەکان بە دو فایل (یەکێکیان بۆ وەزارەت و ئەوی تریان بۆ لایەنی کۆریا) پێشکەش بە وەزارەتەکەمان بکرێت.
•    فایلی لایەنی کۆریا:
فۆرمی سکۆلەرشیپکە لەگەڵ تەواوی ئەو داواکاریانەی کە لە ماڵپەڕی سکۆلەرشیپکە ھاتوە بە ھارد کۆپی و سۆفت کۆپی (بە شێوەی سی دی)
فایلی تایبەت بە وەزارەتەکەمان:
•    فۆڕمی سکۆلەرشیپکە لەگەڵ تەواوی ئەو داواکاریانەی کە لە ماڵپەڕی سکۆلەرشیپکە ھاتوە.
•    لاری نەبونی شوێنی کارکردنی پێشکەش کار.
•    پوختەی ڕاژەی پێشکەشکار کە تیایدا بە ڕونی ماوەی خزمەتی کرداری لە دوای دواین بڕوانامە تیایدا دیاری کرابێت.
•    بڕوانامەی بەکالۆریۆس بە زمانی ئینگلیزی.
•    توانستی زمانی ئینگلیزی ( تۆیفل یا ئایلتس یا پی تی ئی).
•    وێنەی پاسپۆرت.
تێبینی: سەبارەت بە فایلی وەزارەت، تکایە تەواوی بەڵگەنامەکان بە دو فایل (ڕەسەن و کۆپی) پێشکەش بە وەزارەت بکرێت.





ئەم هەواڵە 3037جار خوێندراوەتەوە
 
 
ڤیدیۆ گەلەری
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad