English | عربی | Kurdî دواهەواڵ
ڕاستەوخۆ  
 
لە سەرەتای مانگی تەمووز یاسای چاكسازی دەچێتە بواری جێبەجێكردنەوە
2020-06-04 [11:41 AM]

ZNA - ھەولێر


ئەندامێكی لیژنەی دەسپاكی لە پەرلەمانی كوڕدستان رایگه‌یاند: دوای ئەوەی یاسای چاكسازی لە خانەنشین و مووچە و دەرمالە و بەخشین و ئیمتیازاتەكان لە لایەن پەرلەمانی كوردستان پەسند كرا كە لە ١٩ ماددە لەخۆ دەگرێت بە پێی رێكارەكان یاساكە لەسەرەتای مانگی تەمووز واتە لە ١-٧ دەچێتە بواری جێبەجێكردن.

وه‌یسی سه‌عید وه‌یسی ئه‌ندامی لیژنه‌ی ده‌ستپاكی له‌ په‌رله‌مانی كوردستان به‌ ئاژانسی هه‌واڵی زاگرۆسی راگه‌یاند: ھەر چەندە ئەم یاسایە بەشێكی گرنگی ھێلە گشتیەكانی كارنامەی كابینەی نۆیەمی حكوومەتی ھەرێمی كوردستانە كە لە ماوەی رابردودا كابینەی نۆیەم رێكاری گرنگی ھاوێشت بۆ بەرەنگاربوونەوەی گەندەلی كە ئەمەش ھەنگاوی گرنگ بوون نیەتی كابینەكەی نیشاندا كە دەوێت چاكسازی ریشەیی بكات.

وه‌یسی سه‌عید دیاری كرد: بۆیەش لە لایەن حكوومەتەوە پرۆژە یاسای چاكسازیش رەوانەی پەرلەمان كراو بە زۆرینەی دەنگیش پەسندكرا كە لە رێگای یاساكەدا چاكسازی لە ھەردو و بواری كارگێری و دارایی دەكرێت ھەروەھا بەھۆی یاساكە زیاتر لە ھەرێمی كوردستان كارەكان شەفاف تر دەبن و دادپەروەری دێتە دی و رێگری دەكرێت لەوەی چیتر لە ژێر ھەر ناو و بیانووێك بێت سامانی گشتی بە ھەدەر بدرێت یان بە میزاج و بە نایاسایی پلە بەرز بكرێتەوە یان خانەنشین بكرێن بەلكو یاساكە دەبێتە ھۆكارێك بۆ پاراستنی مافی خەلكی شایستە.





ئەم هەواڵە 3493جار خوێندراوەتەوە
 
 
ڤیدیۆ گەلەری
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad