English | عربی | Kurdî دواهەواڵ
ڕاستەوخۆ  
 
لە ھەولێر دەست بە ھەڵمەتی بڕینی كارەبای زێدەڕۆ کرایەوە
2020-06-08 [04:10 AM]

ZNA - هه‌ولێر


 

پارێزگای هه‌ولێر له‌ راگه‌یه‌نراوێكدا كه‌ وێنه‌یه‌كی بۆ ئاژانسی هه‌واڵی زاگرۆس هاتووه‌، رایگه‌یاند، دوای ئەوەی لە سەرەتایی مانگی شوباتی ئەمساڵ لەسنووری پارێزگای هەولێر، بۆ باشتر کردنی دۆخی کارەبا و نەهێشتنی زێدەڕۆیی و سەرپێچی لەسەر تۆڕەکانی کارەبا، دەست بە ھەڵمەتی بڕینی كارەبای زێدەرۆیی کرا، بەڵام دواتر بەهۆی ڤایرۆسی کۆرۆنا و بەرگرتن لەبڵاوبوونەوە ئەم ڤایرۆسە بۆ ماوەیەک ستتی کەوتە کارەکانی ئەم هەڵمەتە، سەرلەبەیانی ئەمڕۆ دووشەممە 2020.6.8 بە ئامادەبوونی نەبەز عبدالحمید قایمقامی ناوەند و حوسێن حەمەد بەڕێوەبەری گشتی کارەبای هەولێر و تیمەکانی کارەبا و پۆلیس و زێرەڤانی دووبارە دەست کرایەوە بەهەڵمەتی بڕینی سەرپێچییەکانی سەر تۆڕی کارەبا.

 

سەرەتای ھەڵمەتەكەش لە ناوچە پیشەسازییەكان و بڕینی سەرپێچییەکانی سەر تۆڕی کارەبای هاوبەشانی پۆلەکانی (بارزگانی گەورە و پیشەسازی و کشتوکاڵ)ی دەستپێکرد كە ھێڵی كارەبایان بەشێوەی زێدەڕۆیی و سەرپێچی راكێشاوە، لە ڕۆژانی داهاتووشدا ھەڵمەتەكە سەرجەم ئەو  ئەو ماڵانەش دەگرێتەوە كە ھێڵی كارەبایان لە شوێنە گشتییەكان بەشێوەیەکی زێدەڕۆ و سەرپێچی راكێشاوە.

 

لەمبارەیەوە نەبەز عەبدولحەمید، قایمقامی ناوەندی ھەولێر لە كۆنفرانسێكی رۆژنامەوانیدا بۆ دەزگاکانی ڕاگەیاندن، رایگەیاند: "دەمانەوێت لەو هەڵمەتدا ئەو كارەبایەی دزراوە بیگێڕینەوە، بۆ ئەوەی دۆخی نالەباری كارەبا چاكبكەینەوە و كاتژمێری پێدانی كارەبا زیاد بكرێت، وتیشی، لە رۆژانی رابردوودا لەسەر بڕیاری سەرۆكی حكومەتی ھەرێمی كوردستان چەند ھەنگاوێكی گرنگ نراون بۆ چارەسەركردنی كێشەی كارەبا".

 

قایمقامی ناوەندی ھەولێر راشیگەیاند: "ھاووڵاتییان دڵنیا دەكەینەوە كە ئەو ھەڵمەتە لە قازانجی ئەوانە، بۆیە داوا دەكەین ئەوانەی كارەبایان بە زێدەڕۆ راكێشاوە پێش ئەوەی تیمەكان سەردانیان بكەن، خۆیان سەردانی بنكە و بەڕێوەبەرایەتییەكانی كارەبا بكەن، بۆ ئەوەی سزا نەدرێت".

 

پاشان حوسێن حەمەد، بەڕێوەبەری گشتی کارەبای هەولێر ڕایگەیاند:"ھەڵمەتەكەی ئەمڕۆ سنووری ھەردوو بەڕێوەبەرایەتی كارەبای 1 و 2ی ھەولێر دەگرێتەوە، ھەروەھا لە سنووری بەڕێوەبەرایەتییەكانی شەقڵاوە و پیرمام و سۆران و كۆیە كار لەسەر بڕینی زێدەڕۆییەكان دەكرێت".

 

ڕاگەیاندنی پارێزگای هەولێر

2020.6.8





ئەم هەواڵە 2956جار خوێندراوەتەوە
 
 
ڤیدیۆ گەلەری
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad