English | عربی | Kurdî دواهەواڵ
ڕاستەوخۆ  
 
سوریا... دوای سێ مانگ له‌ ئاگربه‌ست یه‌كه‌م هێرشی ئاسمانی قوربانی لێكه‌وته‌وه‌
2020-06-09 [02:45 AM]

ZNA - هه‌ولێر


 

دوای سێ مانگ له‌ ئاگربه‌ست، ئه‌مڕۆ سێشەممە لە باکوری ڕۆژئاوای سوریا له‌ ئه‌نجامی هێرشی فرۆكه‌كانی ڕوسیا هاوڵاتییەکی سڤیل گیانی لەدەستدا، كه‌ ئەمەش به‌یەکەم ڕووداوی لەمجۆرە داده‌نرێت لەوەتای ئاگربەستەکە جێبه‌جێكراوه‌.

ڕوانگەی سوریا بۆ مافەکانی مرۆڤ دەڵێت فڕۆکە جەنگییەکانی ڕوسیا بەر لە بەرەبەیان نزیکەی 15 موشەکیان گرتە ناوچەو گوندەکانی پارێزگای ئیدلب.

ڕامی عەبدوڵرەحمانی سەرۆکی ڕێکخراوەکە دەڵێت، ئەو هێرشانەش بوونە هۆی گیانلەدەستدانی هاوڵاتییەکی سڤیل لە گوندی بەلیون ئەمەش لەوەتای ئاگربەستەکەی مانگی ئازار یەکەم کەس بوو لە هێرشی ئاسمانیدا بکوژرێت.

پارێزگای ئیدلب کە نزیکەی 3 ملیۆن کەس تیایدا دەژین دوواین قەڵای سەرەکی ئۆپۆزسیۆنی سوریایە پاش 9 ساڵی شەڕی ناوخۆو وێرانکاری لە سوریادا.

هێرشەکانی حکومەت بە پشتیوانی ڕوسیا لە نێوان مانگی 12 بۆ مانگی 3، بووە هۆی ئاوارەبوونی نزیکەی 1 ملیۆن کەس لە ناوچەکەدا. لە 6 ی مانگی 3 ئاگربەستێک ئەنجام درا و بە شێوەیەکی بەرچاو شەڕەکانی ڕاگرت، بەڵام سەرۆکی سوریا بەشار ئەلئەسەد بەڵێنی داوە تەواوی ناوچەکە کۆنترۆڵ بکاتەوە.

ڕوسیا لە سەرەتای ئەم مانگە هێرشە ئاسمانییەکانی دەستپێکردەوە و ڕۆژی دووشەممە چەند ناوچەیەکی پارێزگای ئیدلب و پارێزگای حەمای دراوسێی بۆردومان کرد.

ئەو ڕێکخراوەی کە بنکەی لە بەریتانیایە دەڵێت هێرشە ئاسمانییەکان لە کاتێکدا بوون کە لە هێرشی زەمینیشدا 19 سەربازی حکومەت و 22 جیهادی کوژران.

شەڕی سوریا لە ساڵی 2011 وە دەستیپێکردووەو لەو کاتەوە زیاتر لە 380 هەزار کەس لەو شەڕەدا کوژراون و نزیکەی نیوەی دانیشتوانی وڵاتەکە ئاوارە بوون.

 

voa





ئەم هەواڵە 175جار خوێندراوەتەوە
 
 
ڤیدیۆ گەلەری
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad